Ex 19:10 - Chuj San Sebastian Bible

¹⁰ Yuj cha, 'ix yaln Jehová 'ixtc 'a 'a: —'Ixic, 'at al 'a eb' chon̈b' cha, to tzb'o sb'a eb' ticnec, yet' q'uic'an, tzju'n pax 'el eb' spichul, yujto 'oj 'och eb' 'emmquilal 'ayin.

Chuj San Mateo Bible

¹⁰ Ix yalanxi Jehová: —Ixic, tzal d'a eb' anima to sacb'itej sb'a eb' ticnaic yed' q'uic'an, sjuc'anel spichul eb' yujto ol och eb' ejmelal d'a vichan̈.

Ex 19:10 Iomraidhean Croise

Gn 35:2

Yuj cha, xyaln win Jacob 'ixtc 'a eb' yunnal yet' 'a eb' yisil, yet' 'a smasnil eb' 'ayc' yet'oc: —'Ijec 'el smasnil jun tzo'n̈ yechl comn dios 'ayc' 'a e cal tic, tzlajw cha, tzex 'achni, tze jeln e pichl e masnil.

A Ch'an̈ Schab'l Libro Samuel 19:24

An̈jtona pax win Mefi-boset, win yixchicn Saúl, 'ix cot wul scha win rey. Yictax 'ix 'at win rey 'eloc, masnto yic xmeltzj 'a junc'ojlal, may jun 'ejmoc sb'ic Mefi-boset yoc, may jun 'ejmoc sjoxl xil sti', may pax jun 'ejmoc sju'l spichul.

2 Cr 29:34

Palta ax eb' ya'mal 'och sti eb' 'anma 'a Dios jaywn̈ej eb', yuj cha, matz tza'wni eb' spatz'n 'el no xajmb'al to tz'a smasnil cha. Yuj cha, 'ix colwj eb' yit levitail eb' yet'oc, masnto xlajw jun munljel chi sb'on eb', 'ix sacb'tzej sb'a jun tzo'n̈ xo eb' ya'mal 'och sti eb' 'anma 'a Dios. A eb' levita, yajn̈j cha schan sc'ojl eb' sacb'tzan sb'a 'a yib'n̈ eb' ya'mal 'och sti eb' 'anma'.

2 Cr 29:5

Xyaln 'a eb' 'ixtic: Ex levita 'ab'tec tas 'oj wala': Sacb'tzejc e b'a ticnec, tze sacb'tzan pax yatut Jehová, atn qui Diosalec yet' eb' qui mam quichmec. Tzeyi'n 'elt smasnil tas man̈ wach'c 'aych 'a yol yatut cha.

Job 1:5

A yic tzlajw yec' q'uin̈ chi 'a junjn eb', tzyawtn win Job chi smasnil eb' yunnal cha yic tzsacb'tzan sb'a eb' 'a sat Dios. Ax 'a junx c'u, tzseb' q'ue wan win yac' tz'a xajmb'al yuj junjn eb' yunnal cha, yujto lemb'il tzlaj 'och smul eb' sb'uchwj 'a Dios snan winac. Yuj cha, 'ixtan̈ej tzyutj sb'a win 'a junjn 'ejem.

Lv 11:25

Tzann̈j mach tzsi'n chan̈ sniwnal junc no chamnc noc', yowlal tzju'l spichul, palta man̈ wach'c tz'ajcn yu'uj masnto yic tzq'uic'b'i.

Lv 15:5

Tzann̈j mach tzyamn junc waynub' chi 'aj tzway jun winc cha, yowlal tzju'l spichul, tz'achn paxi, palta mant wach'oc masnto yic tzq'uic'b' 'ejmi.

Nm 11:18

Tzlajw cha, tzaln 'a eb' 'anma cha, to tzsacb'tzej sb'a eb', yujto a q'uic'an 'oj schi eb' no chib'j sc'an cha. Tox 'ix wab' yoc' eb' yic 'ix yaln eb' 'ixtic: ¡Comnoc wal 'ay junc mach tz'a'n qui chi chib'ej! ¡Caw wal wach' cajc xon 'a Egipto! xchi eb'. Yuj cha, 'oj wac' schib'j eb' chi an Jehová in tic.

Nm 19:19

A junc mach wach' yaj cha, a tzicn 'och a a chi 'a jun man̈ wach'c yaj cha, 'a schab'jial tzicx 'och a 'a 'a, ax 'a yucl c'u cha, ax sb'ox can 'el'chi. A junc 'anma man̈ wach'c yaj cha, tzju'l spichul, tz'achn paxi, sec tzb'oxcan yuj a a cha. Palta man̈ wach'oc masnto yic tzq'uic'b'i.

Nm 31:24

Ax 'a yucl c'ul cha, tze ju'l e pichul. 'Ixta tzex 'aj e b'ox cani. 'Ixta to b'i'an, tztac' eyochx 'a yol camplamento, xchi Eleazar.

Nm 8:21

A eb' levita 'ix 'achn eb', sju'n pax 'el eb' spichul, ax Aarón 'ix 'a'n 'och eb' 'a yojltac Jehová 'icha ofrendail, xya'n pax xajmb'al yic sacb'tzax can eb'.

Nm 8:7

'Ixtc 'oj otc a sacb'tzan eb': Tza tzicch a a 'a eb', a tzc'anx 'a yic tzsacb'tzax can junc tas. Tzlajw cha, tzjosn 'el eb' xil smasnil sniwnal, tzju'n pax 'el eb' spichul, 'ixta tz'aj sacb'tzan sb'a eb'.

1 Co 6:11

'Ayn̈ec 'ixta cutjnaquec qui b'a 'a yic yalan̈. Al ticnec, 'ic'b'ilx 'el qui mul 'ayn̈ec. 'Ac'b'iln̈ec xo yico'oc Dios. A tzalni, to wach'n̈ec 'a sat ticnec. 'Ixta tzon̈ 'ajc yuj Cajlil Jesucristo ticnec, yet' pax yuj Yespíritu qui Diosalec.

A Ch'an̈ Carta D'a Eb' Hebreo 10:22

Yuj cha, 'a smasnil qui c'ojol, tzqui nitznec 'och qui b'a 'a stz'ey Dios. Caw ca'c 'och wal qui c'ojl 'a si'mb'il. Yujto sacb'tzab'ilx qui pixnec yu'uj, sec man̈x 'a maysch'olnil 'aych 'a qui nab'enec. Ax qui niwnalec, b'icb'ilx yuj jun a a caw ya'ax.

Josué 3:5

'Ix yaln Josué 'ixtc 'a eb': A ticnec sacb'tzejc e b'a, yujto q'uic'an 'oj sch'ox Jehová quilc tas satjub'tac yilx 'a qui calc tic, xchi 'a eb'.

Josué 7:13

Q'uen̈ wa'an, al 'a eb' chon̈b' tic to tzyac' lista sb'a eb' yic tzjaw eb' 'a wojltac q'uic'an, yujto an Jehová e Diosal in, an tzwal 'ixtic: Ex yin̈tl Israel, a 'a e cal tic, 'ay tas xeyij cot 'a tas xwal to tzsatli. Ya sb'a mantzac eyij 'el jun tzo'n̈ chi 'a e cal, matz tac' e te'wtzan e b'a 'a yojltac eb' 'ajc'ojl yajch 'ayex.

Apoc 22:14

A eb' tz'ijx 'el smul, 'icha to tzju'l eb' spichul. Caw wach' yic eb', yujto 'ay yaln eb' yic slon sat te te tz'a'n qui q'uinlec 'a jun 'ejmn̈ej. 'Oj stac' yoch eb' 'a smac jun chon̈b' cha.

Apoc 7:14

—Ach ojtac. Aln tic man̈ wojcoc, xin chi 'a 'a. Yuj cha, 'ix yaln pax 'ixtc 'ayin: —Atn eb' tic 'e'nc 'a jun niwquil yailal. 'Ix 'ijx 'el smul eb' yuj schic'l jun tzcuch Calnelu. 'Icha to 'ix sju'l eb' spichul, caw sac x'aj yuj schic'l cha.

A Ch'an̈ B'ab'el Libro Samuel 16:5

—Wach' tas tzwul in b'o', to tzin jaw wul wac' in xajmb'al 'a Jehová. Sacb'tzejc e b'a, tzex c'och pax wet' 'a yic 'oj wa'nc in xajmb'al tic, xchi. 'Ix sacb'tzan Samuel win Isaí yet' eb' yunnal 'icha tzyal ley. Xlajw cha, xyawtn 'at eb' yic tzchin eb' no xajmb'al chi yet'oc.