Ex 18:5 - Chuj San Sebastian Bible

⁵ A yic xyab'n win Jetro cha, to a 'a lum cusltac lu'um, ata 'ay scamplamento Moisés yet' eb' yit chon̈b' 'a lum tzaln 'aj tzch'ox sb'a Dios, yuj cha, 'ix 'at Jetro chi yila', ajun 'ix yistzil Moisés chi yet'oc, yet' chawn̈ ewin yunnal eb' cha.

Chuj San Mateo Bible

⁵ Axo ix yab'an vin̈aj Jetro to a d'a tz'inan luum ay scampamento vin̈aj Moisés chi', d'a yich vitz b'aj sch'ox sb'a Dios. Ata' ix b'at vin̈aj Jetro chi' yil vin̈ yed'nac ix Séfora yetb'eyum vin̈aj Moisés chi' vin̈. Yed'nacpax eb' yuninal vin̈aj Moisés chi' vin̈.

Ex 18:5 Iomraidhean Croise

A Ch'an̈ B'ab'el Libro Yic Yab'ixal Eb' Rey 19:8

Yajn̈j cha, 'ix q'ue wan Elías cha, 'ix wa'i, xyu'n a a cha. Ax tas 'ix sc'ux cha, 'ix 'och yip yu'uj, chawinc c'u, chawinc 'ac'wl 'ix b'ey'ti yic xc'och 'a lum jolm witz Horeb, atn lum Sinaí 'aj sch'oxjnac sb'a Dios.

Ex 18:6

'Ix ya'n Jetro alxoc 'ixtc 'a Moisés: —An Jetro in tic, a n̈i 'in, tzin jaw ach wul wila', ajun 'unx estzil wet'oc, yet' pax chawn̈ eco eyunnal, xchi.

Ex 19:11

Sb'o cab' sb'a eb', ax chab'ej tzin 'emli, 'oj in ch'ox in b'a 'a smasnil eb' chon̈b' 'a sjolm lum witz Sinaí tic.

Ex 19:2

Ata xcot eb' 'a lum Refidim yic xjaw eb' ta', ax 'a yojltac lum witz cha, ata sb'o chan̈ eb' scamplamento.

Ex 19:20

A wal 'a schan̈il sjolm lum witz cha, ata x'eml Jehová, xyaln 'a Moisés to tzq'ue'ch 'a 'aj 'ayc' cha, yuj cha, 'ix q'ue'ch win 'a 'aj 'ix 'awtx q'ue cha.

Ex 24:13

'Ix 'at Moisés 'a sjolm lum witz chi yet' Josué atn jun schecab'.

Ex 3:1

'Ix 'och Moisés 'ilj calnelu 'a sn̈i', atn win Jetro cha. 'Ay jun c'ual 'ix 'at Moisés chi 'ilj calnelu 'a lum cusltac lu'um, masnto 'ix c'och 'a yich witz Horeb, atn 'a jun witz chi 'aj sch'ox sb'a Dios 'a 'a.

Ex 3:12

'Ix ta'w pax Jehová, 'ix yaln 'ixtic: —Wal yel an 'oj woch et'oc, 'ay jun ch'oxnb'il 'oj wac' 'ayach, chajtlto an tzach in checb'ti. Ax yic tox 'ix 'elt eb' in chon̈b' chi oj 'a Egipto cha, ax wul eya'nc 'ejm e b'a 'ayn 'a jun witz tic, xchi Dios.

Ex 4:27

'Ix yaln Jehová 'ixtc 'a Aarón: 'Ixc 'at chaj o'tac Moisés 'a cusltac lu'um, xchi. Yuj cha, x'at Aarón 'at scha jun yu'tac chi 'a lum cusltac lu'um, atn 'a lum witz 'aj 'ix sch'ox sb'a Dios Moisés. Ax yic schan sb'a eb', 'ix laj ya'lanc eb' stzatzl sc'ojol, stz'ub'nc 'elt eb' sti'.