Ex 17:3 - Chuj San Sebastian Bible

³ Caw wal 'ay stacn̈til eb' chon̈b' cha, yuj cha, tz'awj chan̈ eb' 'a Moisés, tzyaln eb' 'ixtic: —¿Tas yuj on̈ eyij 'elt 'a Egipto? ¿Tom yuj qui cham yuj tacn̈til yet' eb' cunnal yet' pax qui cajb'en noc', yuj cha tzon̈ eyi'n 'elta? xchi eb'.

Chuj San Mateo Bible

³ Palta axo eb' chon̈ab' yelc'olal scham eb' yuj taquin̈tial, yuj chi' ix q'ue yav eb' d'a vin̈aj Moisés chi', ix yalan eb': —¿Tas yuj ix on̈ iq'uelta d'a Egipto? ¿Tom yuj co cham yuj taquin̈tial yed' eb' cuninal yed' pax noc' co molb'etzal noc'? xchi eb'.

Ex 17:3 Iomraidhean Croise

Nehemías 9:15

'Ix a'n pax sc'ux eb' tas tzcot 'a satcha'an̈, yic 'ay swejl eb'. Ax a a 'ix 'elt 'a sat q'ue'en, a 'ix yu'j eb' yic 'ay stacn̈til eb'. Xlajw cha, 'ix aln 'a eb' to tz'och eb' scaj lum lum 'aj 'ix ac' a ti a'n 'a eb'.

Nehemías 9:20

'Ix a chec cot Espíritu wach' 'a eb', yic tzcuyx eb' yu'uj. A maná a 'ix 'ac' sc'ux eb' yic tz'ec' swejl eb', xa'n pax yuc' eb' a a yic tz'ec' stacn̈til eb'.

Salmos 107:5

Xlaj 'och swejl eb', yet' stacn̈til eb', wan xo scham eb'.

Ex 12:38

An̈jtona', til wal scalnelu eb' xyij coti, xyi'n cot eb' swacax yet' schiwo. Til wal eb' chuc chon̈b'al 'ix cot yet' eb'.

Ex 14:11

'Ix yaln eb' 'ixtc 'a Moisés: —¿Tom may campusan 'a Egipto, yuj cha, a 'a lum cusltac lum tic tzon̈ ej cot chamoc? ¿Tas wal yuj on̈ ej 'elt 'a Egipto?

Ex 15:24

'Ix syamn 'och eb' 'anma chi yaln tu paxti 'a Moisés, 'ix laj sc'anb'lan eb' 'ixtc 'a 'a: ¿Tas 'oj cu'c ticnec? xchi eb'.

Nm 14:22

A eb' x'iln in tzictznil tic, yet' milagro in ch'oxjnac yil eb' 'a Egipto, xin ch'oxn pax yil eb' 'a lum cusltac lu'um, palta slajn̈ 'ejmal xo in ya'n prowal eb' tic, matz yiclj eb' xon tas tzwala.

Nm 20:4

¿Tas wal yuj on̈ eyij cot 'a lum cusltac lum tic? ¿Tom tze nib'j tzon̈ cham yet' smasnil qui cajb'en noc' 'a yojltac Jehová?