Ex 17:15 - Chuj San Sebastian Bible

¹⁵ 'Ix sb'on Moisés jun yet'l xajmb'al, xya'n 'och sb'i: A Jehová in bandera yaji, xchi.

Chuj San Mateo Bible

¹⁵ Ix lajvi chi', ix sb'oanq'ue jun altar vin̈aj Moisés chi', ix yac'an vin̈ sb'iej icha tic: A Jehová b'ab'el cuuj d'a oval.

Ex 17:15 Iomraidhean Croise

Gn 12:7

Ata xch'ox sb'a Jehová 'a Abram cha, 'ix yaln 'ixtic: A jun lum tic 'oj wac' 'a smasnil eb' en̈til, xchi 'a 'a. Yuj cha, sb'on Abram jun yet'l xajmb'al 'a 'aj tzyal sb'a 'a Jehová, yujto ata xch'ox sb'a Dios 'a 'a.

Gn 12:8

Xlajwn̈ej cha, 'ix cotxi, axta 'ix japx 'a eb' lum jolmctac witz 'a snan̈l chon̈b' Bet-el yet' chon̈b' Hai. Ata x'aj cajan. A chon̈b' Bet-el cha, ata 'ay 'a stojlal 'aj tz'em c'u. Ata 'ix sb'o junx yet'l xajmb'al, 'a 'aj tzyal sb'a 'a Jehová.

Gn 22:14

Xlajw cha, xya'n can Abraham sb'ic jun lugar chi 'ixtic: A Jehová, a tz'a'n tasto yowlal tznib'xi, xchi. Yuj cha, an̈ja 'ixta yaln eb' 'anma ticnec: A 'a lum witz yic' Jehová, ata tzyac' tas yowlal tznib'xi, xchi eb'.

Gn 33:20

Sb'on pax jun yet'l xajmb'al ta', xya'n sb'ic El-Elohe-Israel.

Salmos 60:4

'Ix ac' jun senya 'a eb' to 'ay el'ch 'a sat, sec matz yamchj eb' yuj jun tzo'n̈ sjul-lab' eb' 'ajc'ojol.

Ex 24:4

Xlajw cha, stz'ib'n Moisés smasnil tas 'ix yal Jehová. Ax 'a junx c'u, 'ix seb' q'ue wa'an, sb'on jun yet'l xajmb'al 'a yich lum witz cha, sayn lajchwe q'uen q'ue'en. A eb' q'uen q'uen cha, tzch'ox lajchw macn̈ eb' yin̈tl Israel.

Ex 27:1

'Ix yaln pax Jehová 'ixtic: Tza'n b'o pax junc yet'l xajmb'al to lajn tz'aj spac'b'il 'a schan̈il. A te 'a'nte acacia tz'och 'a 'a. Chab' metro yet' o'e schawinc centímetro tz'aj junjn spac'b'il, jun metro yet' o'eschawinc centímetro tz'aj ste'il.

Ex 32:5

A yic xyiln Aarón to wach' 'ix 'aj jun yechl wacx cha, yuj cha, 'ix sb'on jun yet'l xajmb'al 'a yojltac jun yechl cha. Xlajw cha, caw 'ip 'ix 'awj cha'an̈, xyaln 'ixtic: —A q'uic'an tzqui nac sq'uin̈l jun tic, yuj qui'nec chan̈ sb'i Jehová, xchi.

Jueces 6:24

Xlajw cha, 'ix sb'on chan̈ Gedeón jun yet'l xajmb'al yic tzyi'n chan̈ sb'i Jehová. Xya'n can scuch: A Jehová 'Ac'm Junc'ojlal, xchi. A jun yet'l xjamb'al tic, ata xcan 'a Ofra 'a yol yic eb' yin̈tl Abiezer.