Ex 17:14 - Chuj San Sebastian Bible

¹⁴ Xlajw cha, xyaln Jehová 'ixtc 'a Moisés: —Tz'ib'j can jun tzo'n̈ tic 'a junc u'un̈, sec 'oj naxoc coti. Al 'a Josué chajtlto an 'oj in satl eb' amalecita 'a jun 'ejmn̈ej; man̈x 'a b'a'n̈ 'oj alxoc cot eb', xchi Dios.

Chuj San Mateo Bible

¹⁴ Ix lajvi chi', ix yalan Jehová d'a vin̈aj Moisés chi': —Tz'ib'chajocab'can jun ab'ix tic yic ol nachajcotoc. Tzalanpax d'a vin̈aj Josué chi' to a in ol in satel masanil eb' amalecita d'a juneln̈ej, man̈xa b'aj ol nachajcot eb', xchi d'a vin̈.

Ex 17:14 Iomraidhean Croise

A Ch'an̈ Schab'l Libro Samuel 1:1

Chamnc xo Saúl yic 'ix ya'n ganar David eb' amalecita 'a owal. Xlajw cha, 'ix meltzj David, axta 'ix jaw 'a Siclag.

1 Cr 4:42

An̈jtona', 'ayt pax junx o'e ciente eb' winc 'a yin̈tl Simeón 'ix c'och cajn 'a lum jolm witz 'a yol yic Seir, ax eb' yunnal Isi, atn Pelatías, Nearías, Refaías yet' Uziel, atn eb' 'aych scapitan̈oc eb'.

1 Cr 4:43

A eb' chi 'ix 'a'n lajwc 'el eb' amalecita cajnto 'ec' ta'. Ax eb' xcann̈j cajn ta'.

Esdras 9:14

Toto tenmtac tzcutj qui b'a jun 'ejm xo 'a a checnb'il, junn̈j pax tzcutj qui b'a yet' jun tzo'n̈ 'anma chuc chon̈b'al maysch'olnil sb'eyb'al cha, ¿tom ma'oj cot yowl a c'ojl 'a quib'n̈ on̈, ax on̈ a satn 'eli? Smoj am man̈x 'a junc on̈ tzon̈ can 'a qui pitznal on̈.

Job 18:17

Ax sat 'ejm yalx snanb'il cot 'a sat lum tic, man̈x b'a'n̈ 'oj b'inaxc sb'i.

Job 19:23

Comnoc wal 'ay junc mach tz'ib'n can jun tzo'n̈ in paxti tic 'a junc u'un̈, mto 'a q'uen q'ue'en.

Salmos 9:6

'Ix cham eb' 'ajc'ojl cha, satcn 'el pax schon̈b' eb' yet' 'a jun 'ejmn̈ej, yujto ach xa satl eb', sec man̈xtzac nax cot eb'.

Ex 12:14

A jun c'u cha, niwn cab' yel'ch tz'ajcn 'a e sat, tzeya'ch junc niwquil q'uin̈ yic tzeyi'n chan̈ in b'i an Jehová in tic. Smasnil tiempo tze na cot jun tic, ax snan cot eb' eyunnal b'aq'uin̈. Ley tz'ajcn jun tic 'a e cal 'a smasnil tiempo.

Ex 13:9

'Icha wal yopiso no tz'um 'aych 'a qui c'ab' yet' 'a snan̈l qui sat, 'ixta yopiso jun q'uin̈ tic yic tzqui nan coti. Yuj cha, to 'oj calb'tan̈c sley Jehová, ax qui yiclniec paxi, yujto a on̈ 'i'nec 'elt 'a Egipto yet' spoder.

Ex 17:13

'Ixta 'ix yutj Josué ya'n ganar eb' amalecita 'a owal.

Ex 24:4

Xlajw cha, stz'ib'n Moisés smasnil tas 'ix yal Jehová. Ax 'a junx c'u, 'ix seb' q'ue wa'an, sb'on jun yet'l xajmb'al 'a yich lum witz cha, sayn lajchwe q'uen q'ue'en. A eb' q'uen q'uen cha, tzch'ox lajchw macn̈ eb' yin̈tl Israel.

Ex 32:33

'Ix ta'w Jehová 'ixtc 'a 'a: —Cojn eb' tz'och smul 'ayin, a eb' chi tzin suc sat sb'i 'a yojl in libro.

Ex 34:27

'Ix yaln Jehová 'ixtc 'a Moisés: Tz'ib'j smasnil jun tzo'n̈ paxti tic, yujto a eb' 'aych yipnub'alc in trato b'ob'il wuj et'oc, yet' pax eb' et israelal tic, xchi.

Pr 10:7

A eb' wach' snab'en, caw tznax cot eb' 'a tzaljc'ojlal; ax eb' maysch'olnil sb'eyb'al, toc 'ayt mach tznan cot eb'.

Jeremías 30:2

An Jehová e Diosal in ax israel ex tic, an tzwala: Tz'ib'j can smasnil tas 'ix wal 'aych 'a junc ch'an̈ u'un̈.

Jeremías 36:2

'Ij cot junc ch'an̈ un̈ 'aj tzach tz'ib'ni, tzlajw cha, tza tz'ib'n can smasnil tas 'ix walcn 'el 'a yib'n̈ Israel, 'a Judá, yet' 'a jun tzo'n̈ xo nacion̈, yictax in yamn 'och wal 'aych 'a yol stiempoal Josías masnto ticnec.

Nm 24:20

'Ix meltzj 'at q'ueln Balaam 'a lum chon̈b' Amalec, 'ix yaln 'ixtic: A chon̈b' Amalec, yel xo wal niwn yel'ch 'a yib'n̈ jun tzo'n̈ xo chon̈ab', palta 'oj satcn 'el 'a jun 'ejmn̈ej, xchi.

Nm 33:2

A Moisés 'ipn stz'ib'n can sb'i jun tzo'n̈ lugar 'aj xlaj b'ey cot eb' cha. Jab'jnal x'aj eb' sb'eyi, yujto 'ixta xyutj Jehová yalni, atn sb'i jun tzo'n̈ lugar tic 'aj xlaj 'ec' eb'.

Dt 31:9

'Ix stz'ib'n can Moisés smasnil jun tzo'n̈ ley tic, xya'n can 'a eb' ya'mal 'och sti eb' 'anma 'a Dios, atn eb' yin̈tl can Leví; eb' yi'mal b'ey scaxail strato Jehová. Xya'n pax 'a eb' yichmtac wincal chon̈ab'.

Josué 4:7

Ax eyaln 'a eb' 'ixtic: A yic xyi'n 'e't eb' ya'mal 'och qui ti 'a Dios te scaxail strato Jehová 'a yojl 'a Jordán, ax a a cha, spoj sb'a a 'a yojltac te caxa cha, a jun tzo'n̈ q'uen tusb'il can chan̈ tic, snanb'il cot tas ujnac 'a qui calc 'a jun lugar tic, xe chi 'a eb', xchi.

A Ch'an̈ B'ab'el Libro Samuel 15:18

A pax ach checn 'ati, xyaln 'aych 'ixtic: —'Ixic, 'at satl jun tzo'n̈ 'anma maysch'olnil sb'eyb'al chi 'a Amalec, 'at 'ac' owl yet' eb', masnto tza satl eb' smasnil, xchi.

A Ch'an̈ B'ab'el Libro Samuel 30:1

Ax 'a schab'jial, 'ix c'och David 'a Siclag yet' eb' winc ajun yet'oc. Ax xiln eb' tox 'ix 'ec' eb' amalecita yelc' 'at smasnil tastc 'a yol yic Neguev yet' 'a Siclag cha. 'Ix yi'n 'at eb' smasnil tas, sn̈usn can eb' jun chon̈b' cha.

A Ch'an̈ B'ab'el Libro Samuel 30:17

Ax xc'och David yet' eb' ajun yet' 'a 'aj 'ayc' ewin 'elc'm cha, 'ix syamn 'och eb' ya'n owl yet' eb' 'a sq'uin̈b'ial masnto 'a yemc'ul 'a junx c'u, 'ix cham eb' 'elc'm chi smasnil. Cojxn̈ej chan̈e ciente quelm winc xq'ue 'a yib'n̈ no cameyo 'ix 'at eb' 'eloc.