Ex 16:32 - Chuj San Sebastian Bible

³² Xlajw cha, xyaln Moisés 'ixtc 'a eb' israel cha: —'Ix yal Jehová 'ayn 'ixtic: Molc can junc 'echtab' e maná, sec 'oj yil eb' eyin̈tl b'aq'uin̈, yic wach' 'oj yil eb' tas 'ix 'ajx e c'ux 'a cusltac lum tic, yic ex wi'n 'elt 'a Egipto, xchi Dios 'ayin, xchi Moisés.

Chuj San Mateo Bible

³² Ix lajvi chi', ix yalan vin̈aj Moisés: —Ix yal Jehová d'ayin icha tic: Siq'uecb'at junoc echlab' maná, yic ol yil eb' eyuninal d'a b'aq'uin̈. Ol yil e vael eb' ix vac' e va d'a lum tz'inan luum tic, ayic ix ex vic'anelta d'a Egipto, xchi Jehová, xchi vin̈aj Moisés chi'.

Ex 16:32 Iomraidhean Croise

Salmos 105:5

An̈ yin̈tl on̈ can Abraham win schecb' Dios, yet' Jacob, sic'b'iln̈ec 'el yuj Dios. Qui nac cot tas satjub'tac yilx b'ob'il yu'uj, yet' schecnb'il 'ac'b'il can 'ayn̈ec yu'uj.

Ex 16:16

A jun checnb'il 'ix yac' Jehová, to tze molb'tzej jantcn̈ej tas 'oj e c'ux 'a junjn c'u, a tzyal jantc e b'isl 'a yol eyatut. 'Ijec chan̈ junjnoc 'uc'b' eyic junjn ex, xchi Moisés chi 'a eb'.

Ex 16:31

A eb' israel cha, maná 'ix yac' eb' sb'ic jun tzo'n̈ 'ix sic' sc'ux cha. Sac yilxi, lajn yilx 'icha sat te culantro, caw chi swax 'icha 'ixm c'oxox pan 'aych yal chab' 'a 'a.

Ex 16:33

'Ix yaln Moisés chi 'ixtc 'a Aarón: —'Ij cot junc chen, tza'n 'ejm junc 'echtab' maná 'a yojol, 'icha 'ix yutj Jehová yalni. Tz'at a molcn 'och 'a yojltac Jehová, sec 'oj yil eb' quin̈tlec chi b'aq'uin̈, xchi.

Jeremías 7:23

A tas 'ix wal pax 'a eb', to yiclum cab' eb' 'ayin, to 'ixta', an ton sDiosal in eb', ax eb' tz'ochcn in chon̈b'oc. 'Ix walni to tzyiclj eb' tas 'ix wal 'a eb' sec wach' tz'aj 'el'ch eb'.

Os 11:4

Xin quetz cot eb' 'ayn 'a chamc'ojlal, 'icha squetzx junc no quelm wacax. Lajn in 'icha junc mach tz'i'n 'el te yugo 'a sjolm junc no wacax, wach' tzyutj ya'n tas tzc'ux no', 'ixta 'ix wutj in b'a 'a eb'.

Lc 22:19

Xlajw cha, xyi'n chan̈ jun pan. 'Ix ya'n yuj diosal 'a Dios yu'uj. 'Ix ch'iyn 'ec' 'a eb'. 'Ix yaln 'a eb' 'ixtic: —A jun tic, atn in niwnal tic 'oj 'ajxoc eyu'uj, Wajec. Tze b'o jun tic, yic tzin e nan coti, xchi.

A Ch'an̈ Carta D'a Eb' Hebreo 2:1

Yuj cha, yowlal caw tzca'c 'och qui nab'en 'a jun tzo'n̈ cuynb'il xlaj cab'ec. Toto ma'ay, 'ay smay jab'jnal 'oj qui wach' juwc 'eli.

A Ch'an̈ Carta D'a Eb' Hebreo 9:4

Ata 'ay jun yet'l 'a 'aj tzn̈usx jun tzo'n̈ incienso, a jun cha, nab'a oro. Ata 'ay pax scaxail strato Dios, c'uxn 'aych oro 'a spatic. Ax 'a yojol, ata 'ay 'ejm jun q'uen chen oro, 'ay 'ejm maná 'a yojol. Ax 'a stz'ey jun chen cha, ata 'ay 'ejm jun sc'occh Aarón 'ix wolni. 'Ay 'ejm pax chab' q'uen 'aj tz'ib'b'il can jun strato Dios.