Ex 16:28 - Chuj San Sebastian Bible

²⁸ Yuj cha, xyaln Jehová 'a Moisés 'ixtic: —Yel xo wal matz eyiclj in checnb'il yet' in ley. ¿B'a'n̈ wal 'oj eyoch wan eya'n tenmtacl 'ayin?

Chuj San Mateo Bible

²⁸ Ix yalan Jehová d'a vin̈aj Moisés chi': —Yelxo val max e c'anab'ajej, ¿tom ol ex ochn̈ej ijan e tenanec' in checnab'il yed' in c'ayb'ub'al?

Ex 16:28 Iomraidhean Croise

A Ch'an̈ Schab'il Libro Yic Yab'ixal Eb' Rey 17:14

Palta ma'ix syiclj eb', caw wal pit 'ix yutj eb' snab'en 'icha eb' smam yichm eb' cha, yujto ma'ix ya'ch eb' Jehová sDiosal yipc sc'ojol.

A Ch'an̈ Schab'il Libro Yic Yab'ixal Eb' Rey 17:15

'Ix spatquilj can 'el eb' sley, yet' strato 'ix sb'o yet' eb' smam yichm eb', yet' schecnb'il y'ajnac 'a eb'. 'Ochnc pax tza'n eb' 'a spatquil jun tzo'n̈ comn dios to may jac yel'chi. A yuj jun tzo'n̈ cha, man̈x 'a jac yel'ch eb', cojxn stu b'eyb'al jun tzo'n̈ nacion̈ 'ay 'a stz'ey eb', a 'ix sb'eylb'ej eb', atn jun tzo'n̈ 'ay yowlal sb'eylb'an eb' yuj Jehová.

Salmos 106:13

Palta yajn̈j wal cha, 'ix satx sc'ojl eb' 'a tas xa b'o 'a eb', ma'ix stan̈wj eb' yila', tas wal a nab'en 'a yib'n̈ eb'.

Salmos 78:10

Ma'ix syiclj eb' strato yet' Dios, ma'ix snib'j xon eb' syiclj scuynb'il.

Salmos 78:22

Yujto ma'ix ya'ch eb' sc'ojl 'a Dios, ma'ix ya'ch eb' yipc sc'ojl scolwal.

Ex 10:3

Xlajw cha, 'ix 'atx Moisés yet' Aarón 'at yil win rey chi jun 'ejm xo, 'ix yaln pax eb' 'a win 'ixtic: —A Jehová qui Diosal an̈ israel on̈ tic on̈, a tzaln 'ixtc 'ayach: ¿Jantcto wal tiempo 'oj ac' pitb'oc a b'a, yic matz ej 'ejm a b'a 'ayin? 'A'l eb' in chon̈b' tic 'a libre, yic tz'at ya'nc eb' 'emmquilal 'ayin.

Ex 16:27

'Ay cob' eb' x'el say jacx yic 'a yucl c'ul cha, palta may xon tas x'ilchj yuj eb'.

Ex 16:29

Nac wal si'mb'il, chajtlto an Jehová in, an tzwala, to yowlal tzeyiclj sc'ul 'iljelal. A 'a yic swacl c'ual, ata tze molcn tas tze c'ux 'a yucl c'ual, sec ax 'a yucl c'u cha, 'ayx 'ec'n̈ej 'a yol eyet'ul, may mach tz'elt munljoc, xchi Dios.

Is 7:13

Yuj cha, xyaln Isaías chi 'ixtic: Ex yin̈tl can David 'ab'c tas 'oj wala'. Caw may yel'ch e tzuntzn eb' eyit 'anma'il ¿Tom tze nib'j tze tzuntzj qui Diosalec 'icha tzeyutj eb' cha?

Jeremías 4:14

Ex 'aj Jerusalén, 'ijec 'el smasnil tas tu 'ayc' 'a e nab'en, sec 'ixta 'oj eyaj e colchji. ¿B'a'n̈ wal 'oj eyactc e nan jun tzo'n̈ maysch'olnil?

Jeremías 9:6

A wal et'l 'aj cajn ach 'eq'ui, ata 'ayc' 'a scal eb' tz'ixtn eb' 'anma'. Yujto caw tzya'ch eb' sc'ojl yixtn yit 'anma'il, yuj cha, caw man̈xtzac snib'j eb' tzin yalch sDiosaloc.

Ez 20:13

Palta 'ix 'och eb' israel chi 'ajc'ojlal 'ayn 'a lum cusltac lum cha. Ma'ix syiclj eb' in ley yet' in checnb'il, atn jun tzo'n̈ xwac' 'a eb', sec 'ay sq'uinl eb' yu'uj. Ma'ix syiclj xon eb' sc'ul 'iljelal alb'il can wuj 'a eb'. Yuj cha, xin nani to tzwa' cot yowl in c'ojl 'a yib'n̈ eb', sec tzchamcn eb' 'a lum cusltac lum cha.

Ez 20:16

Yujto ma'ix syiclj eb' in ley yet' in checnb'il, ma'ix syiclj pax eb' sc'ul 'iljelal to wic yaji, an̈j 'a jun tzo'n̈ yechl comn dios 'aych snab'en eb'.

Ez 5:6

Caw wal 'ix 'och eb' 'aj Jerusalén chi 'ajc'ojlal 'a in ley yet' 'a jun tzo'n̈ in checnb'il, yel xo wal tu xyutj sb'a eb' 'a yib'n̈ jun tzo'n̈ xo nacion̈ oyn 'och 'a stz'ey, ma'ix syiclj eb' in ley yet' in checnb'il.

Nm 14:11

'Ix yaln Jehová 'a Moisés 'ixtic: —¿B'a'n̈ to wal 'oj yactc eb' 'anma tic in spatquiln can 'eli? ¿B'a'n̈ to wal 'oj yactc eb' in schab'c'ojlani? 'In til wal milagro tzin ch'ox pax yil eb'.

Nm 20:12

Palta ax Jehová, 'ix yaln 'a Moisés yet' 'a Aarón 'ixtic: —Ax tic, ma'in eya'ch wal 'a e c'ojol, ma'in eyij chan̈ 'a yojltac eb' israel tic, yujn̈ej ton wal chi b'i'an, man̈xtoc ax 'oj eyi'ch eb' 'anma tic 'a sat lum lum tzwal wac' 'ayex, xchi.

Mr 9:19

Yuj cha, 'ix yaln Jesús 'ixtic: 'A... ax tic, caw matz eya'ch e c'ojl 'a Dios, 'in 'ayx tiempo 'ayn 'ec' eyet'oc. ¿B'a'n̈to wal 'oj nachjc 'el eyu'uj? Caw tzwab' syal eyu'uj. 'At 'ijc cot jun 'unn chi 'ayin, xchi.