Ex 16:23 - Chuj San Sebastian Bible

²³ 'Ix yaln Moisés 'ixtc 'a eb': —A jun cha, a Jehová 'ix alni, yujto q'uic'an sc'ul 'iljelal, a jun sc'ul 'iljelal cha, sc'ul yic tz'ijx chan̈ sb'i Jehová. A tas tze c'ux q'uic'an, tz'an̈c can ticnec, mto tzeya'cn xejc tas yic e q'ui'n cha, tze moln cani, sec wach' toxn̈ej 'oj e c'ux q'uic'an, xchi 'a eb'.

Chuj San Mateo Bible

²³ Yuj chi' ix yalan vin̈: —A jun chi' a Jehová ix alani, yujto a q'uic'an sc'ual ic'oj ip. A jun ic'oj ip chi' sc'ual yic tz'ic'jichaan̈ Jehová. Tze tz'an̈can tas stz'an̈chaji yic tze va q'uic'an, tze mayancan tas smaychaji, tze sic'ancan yic e q'uic'an chi', xchi vin̈.

Ex 16:23 Iomraidhean Croise

Nehemías 9:13

Xlajw cha, ach cot 'a satcha'an̈, ach 'eml 'a jolm witz Sinaí, ach paxtin 'emt 'a eb'; 'ix ac' a cuynb'il, a ley to caw yel yet' a checnb'il caw wal wach' 'a eb'.

Nehemías 9:14

'Ix a cuyn eb', sec tzyiclj eb' sc'ul 'iljelal yuj ach yi'n chan̈ eb'. 'Ix a'n a checnb'il, a cuynb'il caw yel yet' a ley 'a win a checb' Moisés, sec tzyiclj eb'.

Ex 16:19

'Ix yaln pax Moisés 'a eb' 'ixtic: —Man̈ e molcn yic e q'uic'an, xchi.

Ex 23:12

Waquen̈ej c'u tzex munlji, ax 'a yucl c'ual tzex 'ilji, sec tz'ilj pax no e wacx tzmunlji, e b'uru, eb' e moso, yet' eb' chuc chon̈b'al cajn 'ec' eyet'oc.

Ex 31:15

A 'a waque c'u tztac' tzex munlji, palta ax 'a yucl c'u tzex 'ilji, yujto an Jehová in, wic yaj jun c'u cha. Tzann̈j mach tzmunlj 'a sc'ul 'iljelal cha, tojln̈ej cab' schami.

Jeremías 17:22

An̈jtona', man̈ eyic' 'elt pax junc eyictz 'a yol eyatut 'a yic sc'ul 'iljelal. Man̈ ex munljoc pax 'a jun c'u cha, yuj e ch'oxn 'eli to wic jun sc'ul 'iljelal cha, 'icha wal wutjnac waln can 'a eb' e mam eyicham.

Lv 23:3

Waque c'u tzex munlji, ax 'a yucl c'ual, ata tzeyam e b'a yic tzex 'och 'emmquilal 'ayin. Yaln̈ej 'ajtil 'ayx 'eq'ui, may xon junc mach tzmunlji, yujto sc'ul 'iljelal yic tzin eyi'n cha'an̈.

Nm 11:7

(A jun maná cha, lajn 'icha yilx sat te culantro, c'an yilx 'icha tzataj,

Nm 11:8

ax sjab', lajn wal 'icha sjab' 'ixm c'oxox pan tzb'o yet' aceite. A yic tz'ejm chicb'chan̈ 'a 'ac'wal, ata tz'eml can jun maná chi 'a scal, 'a 'aj 'ay scamplamento eb' cha. Yuj cha, ax 'a yic caw sq'uin̈b'ilto tz'elt eb' 'anma chi sic' yico', tzjaxnchojc eb', tzb'on eb' 'icha tz'aj sb'o 'ixm pan 'a jorna. 'Ay pax eb' ton̈j tztenpoj yico', tz'an̈n eb'.)

Lc 23:56

Xlajw cha, xpax eb' 'a yatut. X'at sb'onc eb' jun tzo'n̈ yal su'q'ui sjab', yet' jun tzo'n̈ wach' tzsucx 'och 'a sniwnal Jesús cha. Ax yic xc'och yorail sc'ul 'iljelal, 'ix 'ilj eb' 'icha tzyal jun checnb'il cha.

Dt 5:12

Niwn cab' yel'ch sc'ul 'iljelal 'a e sat. A 'a jun c'u cha, ata smoj eyi'n chan̈ in b'i an Jehová in, 'icha wal yaj waln can 'ayex.

Apoc 1:10

Ax 'a jun c'u yic Cajlilec, caw xjaw wal spoder Yespíritu 'ayin. Ax xwab'ni, 'ay jun mach caw 'ip x'awj 'a in patic, 'icha yoc' junc trompeta.