Ex 16:15 - Chuj San Sebastian Bible

¹⁵ Man̈ yojcoc xon eb' israel jun cha. A yic xyiln eb', 'ix laj yal-lanc eb' 'a 'ixtic: ¿tas laj jun tzo'n̈ tic? xchi eb'. Yuj cha, xyaln Moisés 'ixtc 'a eb': —Atn jun tic tzyac' Jehová e c'uxu'.

Chuj San Mateo Bible

¹⁵ Man̈ yojtacoc juntzan̈ chi' eb'. Ayic ix yilanoch eb', ix yal-lan eb' d'ay junjun: ¿Tastaxlaj juntzan̈ tic? xchi eb'. Ix yalan vin̈aj Moisés: —Aton e vael syac' Jehová tic.

Ex 16:15 Iomraidhean Croise

Nehemías 9:15

'Ix a'n pax sc'ux eb' tas tzcot 'a satcha'an̈, yic 'ay swejl eb'. Ax a a 'ix 'elt 'a sat q'ue'en, a 'ix yu'j eb' yic 'ay stacn̈til eb'. Xlajw cha, 'ix aln 'a eb' to tz'och eb' scaj lum lum 'aj 'ix ac' a ti a'n 'a eb'.

Nehemías 9:20

'Ix a chec cot Espíritu wach' 'a eb', yic tzcuyx eb' yu'uj. A maná a 'ix 'ac' sc'ux eb' yic tz'ec' swejl eb', xa'n pax yuc' eb' a a yic tz'ec' stacn̈til eb'.

Salmos 105:40

'Ix sc'an eb' tas tzc'ux 'a 'a, yuj cha, xya'n cot no chiltich schib'joc eb', ax 'a satcha'an̈, ata xcot yoch eb' swa'aj, caw wal xb'ut'j eb' si'mb'il.

Salmos 78:24

'Ix ya'n 'emt maná 'a yib'n̈ schon̈b' 'icha wal yem n̈ab', 'ixta xyutj ya'n 'emt satchan̈il trigo swaj eb' 'anma cha.

Ex 16:31

A eb' israel cha, maná 'ix yac' eb' sb'ic jun tzo'n̈ 'ix sic' sc'ux cha. Sac yilxi, lajn yilx 'icha sat te culantro, caw chi swax 'icha 'ixm c'oxox pan 'aych yal chab' 'a 'a.

Ex 16:33

'Ix yaln Moisés chi 'ixtc 'a Aarón: —'Ij cot junc chen, tza'n 'ejm junc 'echtab' maná 'a yojol, 'icha 'ix yutj Jehová yalni. Tz'at a molcn 'och 'a yojltac Jehová, sec 'oj yil eb' quin̈tlec chi b'aq'uin̈, xchi.

Ex 16:4

Yuj cha, xyaln Jehová 'a Moisés 'ixtic: —'Oj wa' cot tas 'oj sc'ux eb' 'anma tic 'a satcha'an̈. 'A junjn c'u, ax si'n eb' tas 'oj sc'ux cha, palta cojn tas 'ay tz'och yuj eb' 'a jun c'u cha, a chi 'oj sic' eb'. 'Ixta 'oj wutc wilni toto 'oj syiclc eb' in checnb'il mto ma'ay.

Pr 9:5

Cotn̈ec wa'oc, wul 'u'jec jun yal uva 'ix b'o tic.

Nm 21:5

'Ix cot yowl eb' chon̈b' chi 'a Jehová yet' 'a Moisés, 'ix yaln eb' 'ixtic: —¿Tas wal yuj on̈ eyij 'elt 'a Egipto? ¿Tom tze nib'j to tzon̈ cham 'a lum cusltac lum tic? May tas tzqui c'uxu, may pax tas tzcuq'uej, tzq'ue syoch'l qui c'uxn jab' tas tzqui c'ux tic, xchi eb'.

Lc 12:30

Yujto a eb' man̈ 'ojtnacoc Dios, caw tzya'ch eb' snab'en sayn 'ec' jun tzo'n̈ cha. Palta a qui Mam Dios 'ojtnac, to 'ay tz'och jun tzo'n̈ chi cujec.

Jn 6:49

A eb' qui mam quichmec, sc'uxjnac eb' jun maná 'a cusltac lu'um, palta chamnc pax eb' smasnil.

Jn 6:58

Ticnec, wan waln yuj jun 'icha wal cotnc 'a satcha'an̈. A jun tic, man̈ lajnoc yet' jun maná sc'uxjnac eb' qui mam quichmec 'a pecti'. Niwnoc cob' sc'uxjnac eb', palta 'in chamnc pax eb'. Palta a eb' 'oj wanc jun 'icha wal tic, 'oj scha eb' sq'uinl 'a jun 'ejmn̈ej, xchi Jesús 'a eb'.

1 Co 10:3

Smasnil eb' wajnac jun 'icha wal 'ac'b'il yuj Dios 'a eb' 'a 'esal.

Dt 8:16

'Ix qui wan maná 'a lum cusltac lum cha. A jun cha, man̈ 'ojcab'ilc yuj eb' qui mam quichmec. 'Ixta 'on̈ yutjec on̈ ya'lni prowal, sec wach' tzex 'el'ch b'aq'uin̈.

Dt 8:3

Til wal yailal xquilec, xca'nec pax wejel, ax Jehová 'ix 'a'n qui c'uxc maná. A jun cha, man̈ eyojcoc sc'uxxi. May pax 'aj c'uxb'il yuj eb' qui mam quichmec 'a pecti'. 'Ixta xyutj ya'n cojcoc 'eli to man̈ cojnoc yuj tas tzc'uxxi pitzn on̈ec, palta pitzn on̈c yuj smasnil tas tzyal Dios.

A Ch'an̈ Carta D'a Eb' Hebreo 9:4

Ata 'ay jun yet'l 'a 'aj tzn̈usx jun tzo'n̈ incienso, a jun cha, nab'a oro. Ata 'ay pax scaxail strato Dios, c'uxn 'aych oro 'a spatic. Ax 'a yojol, ata 'ay 'ejm jun q'uen chen oro, 'ay 'ejm maná 'a yojol. Ax 'a stz'ey jun chen cha, ata 'ay 'ejm jun sc'occh Aarón 'ix wolni. 'Ay 'ejm pax chab' q'uen 'aj tz'ib'b'il can jun strato Dios.

Josué 5:12

Atnta 'ix 'och wan sjaw maná 'a eb' 'anma cha, man̈x 'a 'aj sc'ux eb' maná yic syamn 'och eb' sc'uxn sb'al sat lum lum cha. A 'a jun ab'il cha, cojn tas tz'el 'a lum Canaán, a chi sc'ux eb'.

Apoc 2:17

Jantcn̈ej eb' tz'ab'ni, ya' cab' 'och eb' schicn 'a tas tzyal Espíritu 'a junjn iglesia. A eb' 'oj 'a'nc ganar ya'n techjoc, 'oj wac' swa eb' jun maná c'ub'b'il 'eli. 'Oj wac' pax junjn q'uen caw sac 'a eb'. Ax 'a junjn q'uen cha, tz'ib'b'il 'och jun 'ac' b'i may mach 'ojtnac. Cojn eb' 'oj chanc yico', a eb' 'oj 'ojcanc 'el jun cha, xchi.