Ex 16:12 - Chuj San Sebastian Bible

¹² —'Ix wab'i tas xyutj paxtinc sb'a eb' 'anma tic 'ayin, yuj cha, al 'a eb': To a 'a yemc'ul tic, 'oj wac' schi eb' chib'ej, ax 'a sq'uin̈b'il q'uic'an, ata 'oj wac' wa eb', masnto 'oj b'ut'joc sc'ojl eb'. 'Ixta 'oj yutc eb' yojcan 'eli, to an tic Jehová in, e Diosal in e masnil, xchi Dios.

Chuj San Mateo Bible

¹² —Ix vab' val tas ix yal eb' israel tic d'a in patic. Yuj chi' al d'a eb' to a ticnaic d'a q'uic'b'alil, ol vac' noc' schib'ej eb', axo sq'uin̈ib'i q'uic'an svac' tas sva eb', masanto sb'ud'ji val sc'ol eb'. Icha chi' ol aj yojtacanel eb' to a in ton Jehová e Diosal in, xchi Jehová.

Ex 16:12 Iomraidhean Croise

A Ch'an̈ B'ab'el Libro Yic Yab'ixal Eb' Rey 20:28

At wal cha, xjaw jun schecb' Dios 'a win sreyl Israel, 'ix yaln 'ixtc 'a winac: —'Ixtc wal xyutj Jehová yalni: Yujto a eb' sirio, xyal eb' to sdiosal in eb' lum niwc witz, man̈ sdiosaloc in lum pan̈n 'a'lic, yuj cha, 'oj wac' jun tzo'n̈ 'anma chi 'a yol a c'ab', sec 'oj ojcoc 'eli to Jehová Dios in, xchi Dios, xchi winac.

Salmos 105:40

'Ix sc'an eb' tas tzc'ux 'a 'a, yuj cha, xya'n cot no chiltich schib'joc eb', ax 'a satcha'an̈, ata xcot yoch eb' swa'aj, caw wal xb'ut'j eb' si'mb'il.

Ex 12:6

Ton̈j tze si'cn 'elt no', masnto 'a yic chan̈lajn̈e yoch jun 'uj tic, atta 'oj e mil cham no 'a jun c'u cha. A yic wan xo sq'uic'b'i ax e miln eyic e masnil.

Ex 16:11

'Ix yaln Jehová 'a Moisés chi 'ixtic:

Ex 4:5

Xyaln pax Jehová chi 'ixtic: —Yuj tas 'ix el tic, yuj cha, ax ya'n 'och eb' et chon̈b' chi 'a sc'ojol, chajtlto 'ix in ch'ox in b'a 'ayach, an ton tic sDiosal in eb' a mam echam, atn Abraham, Isaac yet' Jacob.

Ex 6:7

'Oj ex wi'ch in chon̈b'oc, ax woch e Diosaloc. 'Ixta 'oj eyutc eyojcan 'eli to an ton Jehová in, e Diosal in. An tzex in col-l 'a yol sc'ab' eb' 'aj Egipto tic.

Ex 7:17

Yuj wal cha, xyaln Jehová oj 'ixtic: A ticnec, yuj tas 'oj in ch'ox ela', ax ojcan 'eli chajtlto an Jehová in. A yic 'oj in ma'nc 'ejm in c'occh 'a yib'n̈ a a tic, yajn̈ej ax yoch a a tic chic'al.

Jeremías 31:24

A eb' 'anma cajn 'a jun tzo'n̈ chon̈b' 'a yol yic Judá, eb' munljum 'a tas tz'awxi, yet' eb' 'ilm calnelu, junxn̈ej 'oj 'aj eb' ta'.

Ez 34:30

Atta 'oj yojcoc 'el eb', to an Jehová in, sDiosal in eb', cajn in 'ec' 'a scal eb', in chon̈b' pax eb', atn eb' yin̈tl can Israel.

Ez 35:13

Xcob' e' chan̈ a b'a, 'ix aln jun tzo'n̈ a paxti caw ya yalx 'ayin, til wal tas 'ix ala, palta c'uxn 'ix wab'i.

Ez 39:22

A 'a jun tiempoal cha, yet' 'a yojltac, ata 'oj yojcoc 'el eb' israel, to an Jehová in, sDiosal in eb'.

Jl 3:17

Ax tic 'oj eyojcoc 'eli, to an tic, Jehová e Diosal in, 'ayn 'ec' 'a tzaln Sión 'a 'aj tz'och 'emmquilal 'ayin. A Jerusalén tic, in chon̈b' 'oj 'ajcni. Man̈x 'a b'a'n̈ 'oj 'ejmc jun 'ejm xo yuj eb' chuc chon̈b'al.

Lv 11:44

An tic Jehová e Diosal in, yuj cha, 'ijec 'el e b'a 'a jun tzo'n̈ tas man̈ wach'c cha. Yowlal wach'n̈j tzeyutj e b'a, yujto an tic, caw wach'nn̈ej. Yuj cha, caw matz tac' eyixtn 'el e b'a yuj jun tzo'n̈ no noc' cha.

Zacarías 13:9

A eb' 'oj can cha, 'oj wac' yab' eb' syail yic tz'elcn smaysch'olnilal eb', 'icha tz'aj yel slumal q'uen plata 'a scal c'ac', 'icha pax tz'aj sb'o q'uen oro. 'Oj lajwc cha, ax yaln sb'a eb' 'ayin, ax in ta'w 'a eb'. 'Oj walch eb' in chon̈b'oc, ax yaln eb' 'ixtic: A Jehová, atn qui Diosalec, 'oj xchic eb', xchi Dios.

Nm 11:4

Til wal eb' chuc chon̈b'al toxn ajun 'a scal eb' israel. A jun tzo'n̈ 'anma cha, a wal tas tz'aj eb' swa'i, a chi nan yuj eb'. Locn pax eb' israel tzcham yuj wejl yet' eb', yuj cha, 'ix 'oc' chan̈ eb', xyaln eb' 'ixtic: ¡Mach junc tz'a'n qui chi chib'j 'a tic!

Nm 14:27

—¿Jantcto wal tiempo 'oj techjoc sti jun tzo'n̈ 'anma maysch'olnil tic wu'uj? 'Ix wab'i to caw tu yaln eb' 'ayin.