Ex 15:26 - Chuj San Sebastian Bible

²⁶ 'Ix yaln Jehová 'a eb' 'ixtic: Toto tzeyiclj tas 'oj wal an Jehová e Diosal in tic, ax eyiclni tas 'oj yal in checnb'il yet' smasnil in ley, toto 'ixta', ma'oj wa' cot yab'il 'a eyib'an̈, 'icha 'ix wutj wa'n cot 'a yib'n̈ eb' 'aj Egipto, yujto an Jehová in tic, an 'oj ex wan̈toc, xchi 'a Moisés.

Chuj San Mateo Bible

²⁶ Ix yalan Jehová: Tato tze c'anab'ajej tas sval a in Jehová in tic, tze c'ulan tas syal in checnab'il yed' masanil in c'ayb'ub'al, man̈ ol vac'cotlaj ilya d'a eyib'an̈ icha juntzan̈ ix vac'cot d'a yib'an̈ eb' aj Egipto, yujto a in Jehová in tzex van̈tej, xchi.

Ex 15:26 Iomraidhean Croise

A Ch'an̈ B'ab'el Libro Yic Yab'ixal Eb' Rey 11:33

Yujto in yactj can Salomón, ax 'a jun tzo'n̈ comn dios, ata xyac' 'emmquilal, atn 'a Astarté 'ix sdiosal eb' sidonio, yet' 'a Quemós sdiosal eb' moabita, yet' pax 'a Milcom sdiosal eb' amonita. Caw man̈x wach'c tas tzb'o 'a in sat, man̈xtzac syiclj in ley yet' in checnb'il, 'icha yutjnac syiclni David, atn smam.

A Ch'an̈ B'ab'el Libro Yic Yab'ixal Eb' Rey 11:38

Toto 'oj a b'o smasnil tas 'oj wac' a b'o', wach' 'oj otc a b'a, toto 'oj a b'o tas tojl 'a in sat, ax a yiclni in ley yet' in checnb'il, 'icha ya'jnac in checb' David, toto 'ixta', 'aynn̈ej 'ec' et'oc. Caw 'oj wa'ch opiso 'a jun 'ejmn̈ej, 'icha wutjnac wa'n yopiso David cha, ax wa'n 'och chon̈b' Israel tic 'a yol a c'ab'.

A Ch'an̈ Schab'il Libro Yic Yab'ixal Eb' Rey 2:21

Xlajw cha, 'ix 'at secnc 'ejm 'a yib'n̈ a spac'b'a cha, 'ix yaln 'ixtic: —'Ixtc 'ix yutj Jehová yalni: An 'oj in b'o jun a a tic, may b'a'n̈ to 'ay mach 'oj cham yuj a', may b'a'n̈ to may tas 'oj 'el 'a sat lum lum tic, xchi Jehová, xchi Eliseo.

A Ch'an̈ Schab'il Libro Yic Yab'ixal Eb' Rey 20:5

Meltzjan̈, 'at al 'a Ezequías syajlil in chon̈ab', to an Jehová in, e Diosal in yet' e mam 'ichm David, an tzwal 'ixtic: Tox 'ix wab' a lesal, 'ix wil yelt yal a sat oq'ui, yuj cha, 'oj wac' b'oxc a c'ojol, ax chab'ej tzach 'at 'a watut an Jehová 'in tic.

A Ch'an̈ Schab'il Libro Yic Yab'ixal Eb' Rey 22:2

Caw tojl tas 'ix 'el sb'on Josías 'a sat Jehová, 'ix sb'eylb'ej 'icha sb'eyb'al David, atn smam yicham. May xon 'aj 'ix yij 'el sb'a jac 'a sb'eyb'al David cha.

Job 5:18

Toto a tz'a'n lajwc junc mach, a pax tz'an̈tni; toto a tz'a'n 'och syailal junc mach, a pax tz'a'n b'oxc sc'ojol.

Salmos 103:3

Yujto tzyac' niwnc'ojlal smasnil in mul, tzya'n b'oxc in c'ojol yic 'ay in yailal.

Salmos 147:3

A tz'a'n sniwnal sc'ojl eb' to 'icha lajwnac spixn tzyab'i, a tz'an̈tn slajwelal eb' cha.

Salmos 81:9

May cab' e diosal tzeyij cot 'a junc xo chuc chon̈b'al, man̈ eyac' 'ejm e b'a 'a jun tzo'n̈ dios man̈ 'ojcab'ilc cha.

Ex 12:29

Ax 'a yic chim'ac'wal, 'ix 'ec' smilnc cham Jehová eb' sb'ab'l 'unnal eb' 'aj Egipto 'a junjn n̈ail. 'Ixta 'ix 'aj scham win sb'ab'l 'unnal win rey, win to jab'xoj yochx can sjelc win 'a sdespacho; xcham pax eb' sb'ab'l 'unnal ewin 'aych 'a preso yet' pax sb'ab'l 'une e no noc'.

Ex 19:5

Palta ax ticnec, yiclum tzeyutj e b'a 'ayin, tzeyiclni in trato eyet'oc, to in chon̈b' ex, sic'b'ilx 'el wuj 'a scal jun tzo'n̈ xo chon̈ab', yujto wic smasnil lum lu'um.

Ex 19:6

Ax tic, ya'mal 'och sti eb' 'anma tzex 'ajcn 'ayin, yic tzin eya'n servil. A jun chon̈b'alx tic, wicn̈ej tzex 'ajcni, xchi Jehová, xa chi 'a eb', xchi Dios 'a Moisés.

Ex 20:2

An ton Jehová e Diosal in, an ex wij 'elt 'a yol yic Egipto 'a 'ajtil 'ayx 'och mosoal, 'aj man̈ eyico'oc e b'a.

Ex 23:25

Cojn 'ayn Jehová e Diosal in tic, an̈j 'ayn tzeyal e b'a. Toto 'ixta', 'oj wac' in yaxilal 'a yib'n̈ tas tze c'uxu, yet' 'a yib'n̈ tas tze yuq'uej. 'Oj wi'l smasnil yab'il 'a e cal.

Is 55:3

Cotn̈ec 'ayin, tzcham wal e maclni eyab' tas 'oj wala', tzeyiclni, sec 'ay e q'uinal. 'Oj in b'ox in trato eyet' 'a jun 'ejmn̈ej, ax wa'n 'el'choc in wach'c'ojlal 'aj wa'jnac in ti wa'n 'a rey David.

Is 57:18

Xcham wal woch q'ueln 'a sb'eyb'al eb', palta 'oj wan̈tc eb', ax wa'n 'iljoc eb'. 'Oj wac' pax stzaljc'ojlal eb' si'mb'il, ax wa'n sniwnal sc'ojl eb' in chon̈b' 'ay scusc'ojlal yuj smul.

Jeremías 11:7

A yic xwi'n 'elt eb' e mam eyichm 'a Egipto, caw xcham wal waln 'a eb' to tzchaj eb' yab' tas tzwala. 'A yictax jun tiempoal cha, masnto ticnec, an̈j 'ijnoc waln jun cha.

Jeremías 17:24

An Jehová in, an tzwala: Yicljec wal tas tzwala, man̈ eyi' cot eyictz 'a spuertail chon̈b' tic 'a sc'ul 'iljelal. May junc munljel tze b'o'o, yuj e ch'oxn 'eli to wic yaj jun sc'ul 'iljelal cha.

Jeremías 30:17

Wach'xam tzyal eb' 'ajc'ojl 'a e patc 'ixtic: A Sión tox 'ix 'actx cani, toc 'ayt mach tz'och 'il yu'uj, 'oj xchic eb'. Palta an Jehová in, an tzwala, 'oj wac' b'oxc e c'ojl jun 'ejm xo, 'oj wan̈t tas lajwnac 'ayx cha, xchi Dios.

Jeremías 33:6

Palta 'ay jun c'ual to 'oj wan̈tc pax eb', ax wa'n stzatzl eb' jun 'ejm xo. 'Oj wac' 'aj cajn eb' 'a junc'ojlal, man̈x 'a tas 'oj 'i'nc eb'.

Jeremías 7:23

A tas 'ix wal pax 'a eb', to yiclum cab' eb' 'ayin, to 'ixta', an ton sDiosal in eb', ax eb' tz'ochcn in chon̈b'oc. 'Ix walni to tzyiclj eb' tas 'ix wal 'a eb' sec wach' tz'aj 'el'ch eb'.

Jeremías 8:22

¿Man̈x am wal sb'omb'il 'a lum Galaad? ¿May am wal junc mach tztac' yan̈tn ta'? ¿Tas wal yuj matz tac' yan̈tx eb' wit chon̈b' tic?

Ez 18:5

A mach tojl snab'en, wach' ton tas tzb'o'o:

Os 11:3

'Ixta x'el sb'on eb', wach'xam an xin quetz b'ey eb', palta ma'ix yojquej 'el eb', toto an tzin tan̈wj eb'.

Os 6:1

'Oj cob' yal eb' 'anma chi 'ixtic: Cotn̈ec e masnil, meltzj coyc pax 'a Jehová. A 'on̈ cotc ch'iychtanec 'ati, palta 'oj ya'x b'oxc qui c'ojlec, on̈ ya'c lajwoc, palta a pax 'oj can̈tnec.

Lv 26:13

An Jehová e Diosal in, an ex wij 'elt 'a Egipto, sec wach' man̈xtoc ex can munljoc 'a eb' 'aj Egipto cha. An wal 'ix wij 'el jun munljel caw ya chi 'a eyib'an̈, yic wach' man̈xtoc 'ayx 'och 'a yaln̈ schecnb'il junc xo nacion̈.

Lv 26:3

Toto yiclumn̈ej tzeyutj e b'a 'a in ley, tze b'eylb'ann̈ej in checnb'il smasnil,

Nm 12:13

Yuj cha, 'ix syamn 'och Moisés sleslwi 'a Jehová, xyaln 'ixtic: 'Ac' niwnc'ojlal Mamin, tzin tew 'och 'aych yuj 'unx canb' tic on̈, to tzej 'el jun yab'il tic 'a 'unix, xchi Moisés.

Dt 12:25

Man̈ e c'ux jun tzo'n̈ cha, sec wach' 'oj eyel'ch yet' eb' eyunnal, yujto yiclum tzeyutj e b'a 'a sat Jehová.

Dt 12:28

Tzcham wal eyab'n jun tzo'n̈ tzwal tic, yowlal tzeyiclj smasnil, sec wach' 'oj eyaj 'el'ch yet' eb' eyunnal b'aq'uin̈, yujto wach' tzeyutj eyiclni tas tojl 'a sat Jehová qui Diosalec.

Dt 13:18

Yiclum tzeyutj e b'a 'a Jehová qui Diosalec, wach' cab' tzeyutj e b'eylb'an jun tzo'n̈ checnb'il wan waln can 'ayx tic. A cab' tas tojl tze b'o 'a sat Jehová.

Dt 28:27

A Jehová 'oj yac' wal eyab' syal si'mb'il, 'icha 'ix yutj eb' 'aj Egipto. 'Oj q'ue quiscab' 'ayex, yaxc'a yab'il, ax spitzw chan̈ sno'l e niwnal, yet' q'uilj yab'il. Man̈x 'oj stac' eyan̈tn e b'a 'a jun tzo'n̈ yab'il cha.

Dt 28:58

Toto ma'oj eyiclc jun tzo'n̈ checnb'il tz'ib'b'il can 'a ch'an̈ un̈ tic, may pax yel'ch Jehová qui Diosalec 'ayex, atn jun man̈x jantcoc swach'c'ojlal tzyac' 'ayex.

Dt 28:60

'Oj ya' cot jun tzo'n̈ yailal 'a eyib'an̈, 'icha jun tzo'n̈ jawnc 'a yib'n̈ eb' 'aj Egipto, atn jun tzo'n̈ 'aj ex xiwi. Man̈x 'oj 'el jun tzo'n̈ yailal chi 'ayex.

Dt 32:39

An tic, cojn in ton Dios in, may junc xo dios 'icha 'in tic. An tzwac' cham junc mach, an pax tztac' wa'n sq'uinal. An tzwac' lajwc eb' 'anma', an pax tzwan̈tj eb'. ¡May junc mach tztac' scoln 'el sb'a 'a yol in c'ab'!

Dt 5:1

'Ix ya'n Moisés syam sb'a eb' yit chon̈b' smasnil. 'Ix yaln 'a eb' 'ixtic: Ex wit chon̈ab', 'ab'tec wal jun tzo'n̈ checnb'il yet' jun tzo'n̈ cuynb'il tzwalcn eyab'i'. Yowlal to 'oj e cuyu', ax e b'eylb'ani.

Dt 7:15

A Jehová 'oj e coln 'el 'a yol sc'ab' smasnil yab'il, 'icha wal jun tzo'n̈ eyiljnac ya'n 'och 'a yib'n̈ eb' 'aj Egipto. Palta a jun tzo'n̈ yab'il cha, cojn 'a yib'n̈ eb' 'ajc'ojl yajch 'ayex, ata 'oj ya'chi.