Ex 15:2 - Chuj San Sebastian Bible

² A jun b'it tic a 'a Jehová tzcalec, yujto a qui Colmalec yaji, 'a 'aych quipoc. 'Ijx cab' chan̈ sb'i qui Diosalec, alx cab' wach' paxti 'a 'a, atn sDiosal eb' qui mam quichmec.

Chuj San Mateo Bible

² A jun co b'it tic yic Jehová, yujto a co Columal yaji, yuj chi' squic'chaan̈. Ol cal vach' lolonel d'a co Diosal, sDiosal pax eb' co mam quicham, yuj chi' smoj val quic'anchaan̈.

Ex 15:2 Iomraidhean Croise

Gn 17:7

A jun in trato tzwac' et' tic, yet' smasnil pax eb' en̈tl 'a smasnil tiempo, to a Diosal in, sDiosal in pax eb' en̈tl cha.

Gn 49:18

¡Mamin Jehová tzin tan̈wj in a colni!

A Ch'an̈ Schab'l Libro Samuel 22:3

Ach in Diosal, ach 'aych 'och yipc in c'ojol, a 'aych tzin col in b'a, in tan̈mal aji, in colmal ach, caw wal 'ay ep. Oj wali, yuj cha, matz in yamchj yuj eb' 'ajc'ojl yajch 'ayin. Ach in a col 'a mach xnib'n in satn 'eli.

A Ch'an̈ Schab'l Libro Samuel 22:47

Mamin Jehová pitzn achn̈ej. Alx cab' wach' paxti 'aych ach in Colmal; 'ijx cab' chan̈ a b'i ach in Diosal, to in Colmal aji.

A Ch'an̈ Schab'l Libro Samuel 22:51

O'oj, tzwa'n ganar niwc owl an reyn tic, to sic'b'iln 'el o'oj. Yuj a chamc'ojlal, tzach 'och wet' an David in tic, yet' eb' win̈tl 'a smasnil tiempo, xchi David.

A Ch'an̈ Schab'l Libro Samuel 7:24

yujto ach a'jnacn̈ 'och a chon̈b'oc 'a jun 'ejmn̈ej, ach xo Mamin Jehová, ach 'ochcn qui Diosalc on̈.

A Ch'an̈ Schab'l Libro Samuel 7:5

'Ixic, 'at al 'a in checb' David, to an Jehová in, an tzwal 'a 'ixtic: Man̈oc ach 'oj a b'o chan̈ junc watut 'aj 'oj in can cajan.

A Ch'an̈ B'ab'el Libro Yic Yab'ixal Eb' Rey 8:13

Palta an tic, 'ix in b'o jun atut caw man̈x jantcoc swach'il, a 'aj tzach 'aji, jun et'l 'aj 'oj a can cajn 'a smasnil tiempo, xchi.

A Ch'an̈ B'ab'el Libro Yic Yab'ixal Eb' Rey 8:27

Palta ach in Diosal, ¿yel am wali 'oj stac' aj cajn 'a sat lum lum tic? 'Intax a satcha'an̈, may yalnb'il 'aj tzlajw c'ochi, palta caw matz techj ach smolni, ¡Ocxom wal jun yune n̈a 'ix in b'o eco'oc tic!

1 Cr 16:14

A Jehová a qui Diosalec yaji; a tz'a'n Yajlil 'a yib'n̈ lum lum tic smasnil.

Salmos 109:1

Ach in Diosal, a 'aych tzwal in wach' paxti', man̈toc tzach 'el ch'umn 'ayin yic tzwa'n in lesl 'ayach.

Salmos 118:14

Yuj cha, tzin b'itn 'a 'a, yujto a wip yaji. A 'in Colmal yaji.

Salmos 118:21

Mamin Jehová, 'oj wac' yuj diosal 'ayach, yujto 'ix ab' tas xwala, in Colmal pax aji.

Salmos 118:28

Ach qui Diosal on̈, tzcal yuj diosal 'ayach, yujto niwn el'chi. Smoj caln qui wach' paxti 'ayach.

Salmos 132:5

ya' sb'a mantzac in b'o scajnub' Jehová 'aj tz'aj cajan, atn jun mach tz'a'n yipl eb' yin̈tl Jacob, xchi.

Salmos 140:7

Wajlil ach, in Colmal pax aji to tztac' oj smasnil. Ach tzin a col 'a scal owal, xin chi.

Salmos 145:1

Ach in Diosal, 'oj wal-li to niwn ton wal el'chi, Reych paxi, 'oj wal wach' paxti 'ayach.

Salmos 18:46

Mamin Jehová pitzn achn̈ej. Alx cab' wach' paxti 'aych ach in Colmal; 'ijx cab' chan̈ a b'i ach in Diosal, to in Colmal aji.

Salmos 22:10

Yictax mantzac in 'alji, 'ayn xon 'och 'a yol a c'ab'; yic 'ayn to 'ec' 'a yol sc'ojl in nun, in Diosal ach xoni.

Salmos 22:3

Ach tic Mamin caw wal wach'chn̈ej, tzach b'inax 'a scal swach' paxti eb' wit israelal yic tzach sb'itnan eb'.

Salmos 27:1

A Jehová tz'a'n sacq'uinl 'ayin, in Colmal paxi. A 'a tzin col in b'a, yuj cha, man̈x 'a in xiwc'ojlal. Man̈x 'a mach 'aj tzin xiwi.

Salmos 28:8

Ach 'aych 'och yipc sc'ojl eb' a chon̈ab', tzach colwj pax 'ayin, to sreyl in eb', to sic'b'iln 'el o'oj.

Salmos 30:1

Mamin Jehová tzach in b'itnej yet' in wach' paxti', yujto ach in a sic'q'ue wan 'a scal in yailal; ma'ix a nib'j in sb'uch eb' 'ajc'ojl yajch 'ayin.

Salmos 34:3

Qui mol 'i'c chan̈ sb'i yuj calnec wach' paxti 'a 'a.

Salmos 48:14

A sDiosal Sión, atn qui Diosalec 'a jun 'ejmn̈ej. A tzon̈ 'i'nec b'ey 'a smasnil tiempo, masnto 'a slajub'.

Salmos 59:17

Ach in Diosal 'oj in b'itn 'ayach, yujto in Colmal aji, tzin a chamc'ojlan paxi.

Salmos 68:20

A qui Diosalec, atn qui Colmalec paxi. A Jehová Cajlilec tic, tztac' on̈ scolnec 'el 'a yol sc'ab' chamel.

Salmos 99:5

Ex wit chon̈ab', ¡Calc wach' paxti 'a Jehová qui Diosalec, qui'c chan̈ sb'i! 'Em coyc cumn 'a yojltac, yujto Dios Cojxn̈ej Toni.

Salmos 99:9

Ex wit chon̈ab', ¡Calc wach' paxti 'a Jehová qui Diosalec! 'Em coyc cumn 'a yojltac 'a lum tzaln yic yaji, yujto a qui Diosalec, Dios Cojxn̈ej Toni.

Ex 14:13

'Ix ta'w Moisés 'ixtc 'a eb' 'anma cha: —Man̈ ex xiwoc, te'wtzejc e b'a, 'oj eyila' tas 'oj yutc colwjoc sb'a Jehová quet'ec, yujto man̈x 'a xon b'a'n̈ 'oj eyilch jun tzo'n̈ 'aj Egipto tic, cojxn̈ej ticnec tzeyilcn 'och eb'.

Ex 3:6

An tic, sDiosal in eb' a mam echam, atn Abraham, Isaac yet' Jacob, xchi Dios. A yic xyab'n Moisés yalx jun tzo'n̈ paxti cha, 'ix smacn 'och sc'ab' 'a sat, yujto caw xiw yiln Jehová.

Ex 4:22

Tzlajw cha, ax aln 'a win rey cha. To an Jehová in an tzwal 'ixtic: A eb' israel tic, 'icha to in b'ab'l 'unnal yaj eb'.

Ex 40:34

Xlajw cha, 'ix 'eml jun 'asn 'a yib'n̈ Mantiado 'aj tzchaj sb'a Dios yet' eb' 'anma', 'ix macchj 'el yojl chi yuj stzictznil Jehová.

Ex 6:7

'Oj ex wi'ch in chon̈b'oc, ax woch e Diosaloc. 'Ixta 'oj eyutc eyojcan 'eli to an ton Jehová in, e Diosal in. An tzex in col-l 'a yol sc'ab' eb' 'aj Egipto tic.

Is 12:2

Ach qui Diosal qui Colmal aji; tzach ca'ch yipc qui c'ojol, yuj cha, matz on̈ xiw on̈. A ticnec tzon̈ b'itn 'aych Mamin Jehová, yujto achn̈ej 'aych 'och quipc on̈, tzon̈ a coln paxi, 'oj e chioc.

Is 25:1

Mamin Jehová in Diosal ach; 'oj ach in b'itnoc yet' in wach' paxti', yujto caw xac' 'el'choc tas nab'il o'oj, caw satjub'tac yilxi, to wach' yajcn xon oj 'a yictax pecti'.

Is 45:17

Ax pax an̈ israel on̈ tic on̈, caw ach 'oj on̈ a colnc 'el 'a jun 'ejmn̈ej on̈, man̈x 'a cab' b'a'n̈ 'oj quijx 'ejm on̈, man̈x 'a pax cab' b'a'n̈ 'oj qui q'uixw can pax 'el on̈.

Is 49:6

'Ix yaln 'ixtc 'ayin: In checb' ach, palta man̈ yujocn̈ej a tojlb'tzan pax eb' yin̈tl Jacob 'a 'icha xon yaji, yic tze'n pax meltzjoc jaywn̈ xo eb' cann̈cto can 'a Israel, palta yuj pax ach wa'n 'och sacq'uinlal 'a jun tzo'n̈ xo nacion̈, masnto 'a 'aj tzlajw c'och yolyib'n̈q'uinal, tze'n pax 'at colnb'il ta', xchi 'ayin, xchi jun schecb' Dios cha.

Is 66:1

'Ix yaln pax Jehová 'ixtic: A satcha'an̈, a chi in despacho yaji, ax lum lu'um, a chi sb'achnub' woc yaji. Ax xo tic, ¿'aj wach' tze b'o junc watut yic tzin 'ilj 'a 'a?

Jeremías 3:23

Wal yel, nab'an̈ej on̈ xit'c ca'ch sq'uin̈l jun tzo'n̈ comn dios 'a lum jolmctac witz. Palta cojn 'aych Jehová qui Diosal on̈, ata 'ay qui colnb'il on̈.

Jeremías 31:33

Atn junx in trato tic 'oj in b'o yet' eb' 'a yic 'oj jawc jun tiempoal cha: An Jehová in, an tzwala, to 'oj wa'cn 'och jun tzo'n̈ in checnb'il chi 'a snab'en eb', 'icha to 'oj in tz'ib'c can 'och 'a spixn eb'. An 'oj woch sDiosalc eb', ax yoch pax eb' in chon̈b'oc.

Jeremías 32:38

'Oj 'och eb' in chon̈b'oc, an xo 'oj woch sDiosalc eb'.

Habacuc 3:13

Ach 'elt colwjoc 'a a chon̈ab', yet' 'a win rey sic'b'il 'el o'oj, ax win syajlil eb' 'anma maysch'olnil 'ix a te'cn 'ejmi. 'Ix a satn 'el schon̈b' winac, masnto sat 'ejm yopiso winac.

Zacarías 13:9

A eb' 'oj can cha, 'oj wac' yab' eb' syail yic tz'elcn smaysch'olnilal eb', 'icha tz'aj yel slumal q'uen plata 'a scal c'ac', 'icha pax tz'aj sb'o q'uen oro. 'Oj lajwc cha, ax yaln sb'a eb' 'ayin, ax in ta'w 'a eb'. 'Oj walch eb' in chon̈b'oc, ax yaln eb' 'ixtic: A Jehová, atn qui Diosalec, 'oj xchic eb', xchi Dios.

Lc 1:77

Ach 'oj ac' nachjc 'el yuj eb' schon̈ab', tas 'oj 'aj eb' scolchji, ax yajx can lajwc smul eb'.

Lc 2:30

A yet' in sat tic, caw tzwil jun Colwjum,

Jn 4:22

Ax 'aj Samaria ex tic, tzcob' eyal e b'a 'a Dios, palta man̈ eyojcoc Dios cha. Aln̈ an̈ israel on̈ tic on̈, caw cojc qui Diosal 'aj tzcal qui b'a on̈. A 'a qui cal on̈, ata 'oj 'eltc jun Colwjum.

Jn 5:23

'Ixta yutjnac in Mam ya'n wopiso an Yunnaln tic, sec wach' lajn wel'ch yet' in Mam chi 'a sat smasnil 'anma'. Toto 'ay eb' may wel'ch 'a sat, an̈jtona', may yel'ch pax in Mam 'a sat eb', yujto a checjnacn coti.

A Tas Sc'ulejnac Eb' Schecab' Jesús Hechos 4:12

May junc xo mach 'aj wach' tzo'n̈ colchjec, yujto a 'a yolyib'n̈q'uinl tic, may junc xo mach 'ix yac' Dios yopiso ya'n qui colnb'ilec, cojxn Jesús, xchi Pedro.

2 Co 5:19

A jun tic, tzyal 'el'chi to a Dios 'aych 'a Cristo yic swulq'ui, sec junc'ojlal tz'aj eb' 'anma yet' smasnil. An̈ec tzon̈ canc 'a junc'ojlal yet'oc, man̈x 'oj ya'ch qui mul 'a quib'n̈ec. A 'a'jnac 'och jun 'ab'x tic 'a yol qui c'ab' on̈, sec tz'ec' cal-l on̈, chajtl tz'aj eb' 'anma yoch 'a junc'ojlal yet'oc.

Ef 2:22

Ax xo, man̈ ex 'ichcta 'a yic yalan̈. Al ticnec, junxn̈ej eyaj yet'oc. Ex 'och yatutoc qui Mam Dios quet' on̈, yujto a x'och cajn 'ayn̈ec qui masnil yet' Yespíritu.

Dt 10:21

Yujto cojn 'a sb'i 'aj wach' calnec qui wach' paxti', qui Diosalec wal yaji. Cujec til wal tas satjub'tac 'ix sch'ox 'ilxoc.

A Scarta San Pablo D'a Eb' Aj Filipos 2:11

Ax yaln eb' smasnil 'ixtic: Atn Jesucristo Cajlilec, 'oj schic eb'. 'Ixta 'oj 'aj scheclj 'eli, chajtlto caw niwn yel'ch qui Mam Dios.

A Scarta San Pablo D'a Eb' Aj Filipos 4:13

Tzann̈j tas tzta'n̈j wu'uj, yujto a Cristo tzyac' spoder 'ayin.

A Scarta San Pablo D'a Eb' Aj Colosas 2:9

A Cristo, tz'acn yajch Dios 'a 'a.

Apoc 15:3

'Ix sb'itnan eb' sb'it Moisés, atn jun schecb' Dios. 'Ix sb'itnan pax eb' sb'it jun tzcuch Calnelu. Xchi jun b'it chi 'ixtic: Mamin, ach qui Diosal, smasnil tas tztac' o'oj. Caw niwn yel'ch jantcn̈ej tas xa b'o'o, xcaw sat qui c'ojl quiln on̈. Caw yel, tojln̈ej a b'eyb'al, sReyl ach junjn nacion̈.

Apoc 19:1

Xlajw cha, xwab'ni, til wal xq'ue yaw eb' 'ayx 'ec' 'a satcha'an̈. Caw 'ip yaln eb' 'ixtic: ¡Calc wach' paxti 'a qui Diosalec! yujto a x'a'n qui colnb'ilec. Caw niwn yel'chi, caw niwn spoder.

Jueces 5:21

A a Cisón, a x'i'n 'at eb' smasnil, palta pecti xon 'ay a'. Ca'c quip qui 'at 'a cojltac.