Ex 15:14 - Chuj San Sebastian Bible

¹⁴ A yic 'oj yab'nc jun tzo'n̈ xo nacion̈ jun tic, caw 'oj 'ib'xoc eb' yuj xiwlal, 'oj xiw chan̈ pax eb' filisteo.

Chuj San Mateo Bible

¹⁴ Ayic ol yab'an jun tic juntzan̈xo nación, ol ib'xocq'ue eb' yuj xivelal, ol xivcanq'ue eb' filisteo.

Ex 15:14 Iomraidhean Croise

1 Cr 14:17

'Ixta 'ix 'aj yijx chan̈ sb'inab'ilal David yet' sjelnal 'a sat smasnil nacion̈, ax Jehová a 'ix 'a'n xiwc'ojlal 'a jun tzo'n̈ nacion̈ chi yuj David.

Salmos 48:6

'Ix 'och eb' 'a xiwc'ojlal, xlaj somchjc chan̈ eb'. 'Icha tz'aj junc 'ix yab'n syail yic tz'alj yune', 'ixta x'aj eb' yab'n syail.

Salmos 48:7

'Ix satl eb' 'icha tz'aj te barco yic Tarsis spoj yuj junc niwquil 'ic'.

Is 14:29

Man̈ ex comn tzaljoc mu'c ex filisteo, yujto 'ix wecchj te sjixc'ab'te jun mach 'ix 'a'n 'och eyailal. A junc cha lajn 'icha junc no comn chan. Ax 'a yin̈til ata 'oj pitzwoc 'el junc mach 'icha junc no q'uex. Ax 'a 'a, ata 'oj pitzwc junc mach 'icha junc no chan caw jeln sb'eyi, 'icha xo to tzjen̈wi.

Is 14:31

C'uyyoc cab' yel eyaw ex filisteo, 'el cab' eyaw yuj yailal yet' xiwlal. Yujto a 'a stojlal norte, ata wan scot nan̈l eb' soldado, 'icha to junn̈j 'anmal eb' tzquila, lajn wal sb'ey eb' 'icha 'asun.

Is 23:5

A wal yic 'oj c'och yab'xil jun tic 'a Egipto, caw 'oj 'och eb' 'anma 'a somc'ojlal yuj tas 'ix 'uj 'a Tiro.

Ez 32:9

A yic 'oj c'och ab'xil 'a jun tzo'n̈ xo nacion̈ man̈ ojcoc, 'oj wac' cus chan̈ eb' yuj tas tzach 'aj 'a satli.

Habacuc 3:6

A yic tzach 'och wa'an, caw tz'ib'x lum lum tic o'oj. Smasnil jun tzo'n̈ nacion̈, xlaj 'ib'x chan̈ eb' yuj xiwlal yic ach 'och q'ueln 'a eb'. A jun tzo'n̈ lum niwc witz 'ayc' xon 'a yictax pecti', 'ix laj poj eb' lu'um, 'ix lan̈chj 'ejm smasnil lum witz cha, atn 'a 'aj 'e'nc ach 'a yictax pecti'.

Habacuc 3:7

'Ix wil yochcn eb' 'aj chon̈b' Cusán 'a somc'ojlal, ax eb' cajn 'a lum Madián, 'ix 'ochcn eb' 'a xiwc'ojlal.

Nm 14:14

Caw wal 'oj yal eb' a peclal 'a eb' 'anma 'ay 'a lum Canaán. An̈jtona eb' cha, 'ix yab' pax eb' yab'xil, to ach Jehová ach, 'aych 'ec' 'a qui cal on̈. Q'uelc'mb'a tzach 'aj a paxtin quet' on̈. Ax jun 'asn eco', a 'ayc' 'a quib'n̈ on̈. A 'a c'ual b'ab'l a 'at cuj 'a scal jun 'asn cha, ax 'a 'ac'wal, 'aych 'och 'a scal jun c'ac' b'ab'l s'at cuj on̈.

Nm 22:5

Yuj cha, 'ix 'at ya'nc win Balac cot jun win 'ay tas tztac' yu'uj, atn Balaam, win yunnal Beor. Ata cajn win 'a jun lugar tzcuch Petor, 'a sla'nil sti a Éufrates 'a yol smacb'en Amav. 'Ix ya'n 'at Balac jun tzo'n̈ schecb' 'a Balaam cha, yic tz'at yalnc eb' 'a 'ixtic: A 'a Egipto, ata 'ix cot jun chon̈b'al eb' 'anma', ax ticnec 'ix b'ut'j 'ejm eb' 'a sat in lu'um, 'ix jaw eb' 'a in tz'ey.

Dt 2:25

Wal 'a jun c'u tic, tz'el yich wa'n xiwc'ojlal 'a smasnil eb' chon̈b' 'ay 'a sat lum lum tic. A yic 'oj laj yab'nc eb' yalx eyab'xil, caw wal 'oj xiw chan̈ eb'. 'Oj laj 'ib'xoc chan̈ eb' yuj xiwlal. Caw 'ayxn̈ej xiwc'ojlal eb', xchi Dios, xchi Moisés.

Josué 10:2

yuj cha, 'ix xiw chan̈ winac, yujto a lum chon̈b' Gabaón, caw wal niwquil chon̈ab'. Caw wal b'inab'il, 'ec'b'al 'a yib'n̈ lum chon̈b' Hai, ax eb' 'anma smasnil 'a jun chon̈b' cha, caw wal jeln eb' 'a owal.

Josué 2:11

Caw wal tzon̈ xiw chan̈ cab'n eyab'xil. Toc 'ayt junc on̈ tzqui te'wtzej qui b'a 'a eyojltac, yujto a Jehová e Diosal, sDiosal pax tas 'ay 'a satcha'an̈ yet' tas 'ay 'a sat lum lum tic.

Josué 9:24

'Ix ta'w eb' 'a Josué 'ixtic: —'Ixta 'ix cutj qui b'a, yujto on̈ xiw 'ayex, lemb'il tzon̈ e mil chamoc, yujto xcab'i tas yaj yaln can Jehová e Diosal 'a jun schecab' atn Moisés, to a smasnil jun tzo'n̈ lugar tic, a tz'a'n eyico'oc, tze satn can 'el smasnil 'anma cajn 'a lu'um.

Josué 9:9

—Caw wal najt on̈ coti, yujto xcab'i to a Jehová e Diosal caw wal 'ay spoder. 'Ix cab' paxi tas 'ix sb'o 'a chon̈b' Egipto.

A Ch'an̈ B'ab'el Libro Samuel 4:7

caw 'ix xiw chan̈ eb'. 'Ix laj yalnc eb' 'a 'a: A Dios xjaw 'a scamplamento eb' cha, 'oltac wal 'oj cajec, yujto mant 'a 'aj 'ixta tzon̈ 'ajc jun 'ejmoc.

A Ch'an̈ B'ab'el Libro Samuel 4:8

'Oltacn̈ec wali. ¿Mach wal 'oj qui colnec 'a yol sc'ab' jun tzo'n̈ dios 'ay yip? Atn jun tzo'n̈ dios satjnac 'el eb' 'aj Egipto 'a lum cusltac lu'um yet' jun tzo'n̈ yailal.