Ex 14:11 - Chuj San Sebastian Bible

¹¹ 'Ix yaln eb' 'ixtc 'a Moisés: —¿Tom may campusan 'a Egipto, yuj cha, a 'a lum cusltac lum tic tzon̈ ej cot chamoc? ¿Tas wal yuj on̈ ej 'elt 'a Egipto?

Chuj San Mateo Bible

¹¹ Ix yalan eb' d'a vin̈aj Moisés chi': —¿Tom malaj campusante d'a Egipto, yuj chi' a d'a jun lum taquin̈ luum tic ix on̈ ic'coti yic tzon̈ cham d'a tic? ¿Tas val yuj ix on̈ iq'uelta d'a Egipto?

Ex 14:11 Iomraidhean Croise

Gn 43:6

Yuj cha, xyaln win Israel 'a eb' 'ixtic: ¿Tas yuj xeyal 'a winac, toto 'ayt junx ni eyu'tac tic? Caw wal tzin eya'ch 'a cusc'ojlal tzwab'i, xchi winac.

Ex 13:17

A yic 'ix 'ajx 'elt chon̈b' Israel yuj win rey 'a yol yic Egipto, ma'ix yal sc'ojl Dios to xyij 'at eb' 'a jun b'e tz'ec' 'a yic ewin filisteo. Wach'xam tojl jun b'e cha, palta 'ix sna Dios, lemb'il tzyac' eb' filisteo chi owl yet' eb' israel cha, toq'ue tzmeltzj eb' 'a Egipto, yic 'oj yilnc eb' to 'ay owal.

Ex 32:1

Ax xyiln eb' israel to tz'inni sjaw Moisés. 'Ix 'ec' tiempo yemx wul 'a sjolm lum witz cha, yuj cha, 'ix 'och oyn eb' 'a Aarón, xyaln eb' 'a 'ixtic: —A ticnec b'i'an, tzqui nib'ej to tza b'o junc qui diosal tzon̈ jucb'tzani, yujto a Moisés win on̈ 'i'nec 'elt 'a Egipto, man̈ cojcoc tas 'ix 'i'ni, xchi eb' 'anma cha.

Ex 5:21

'Ix yaln eb' 'a eb' 'ixtic: —'Ojxam yil Jehová tas 'oj ex yutoc, yujto ax ab' 'ay e mul, yuj cha, a win rey yet' eb' 'aych yajlil yet'oc, caw wal tzon̈ yixtj eb' ticnec on̈; 'icha to ax xeyac' q'uen espada 'a eb', yic tzon̈ smiln cham eb' on̈, xchi eb'.

Ex 5:22

Yuj cha, 'ix leslwi Moisés 'a Jehová 'ixtic: —Mamin Jehová, ¿tas wal yuj caw ya tz'ec' eb' a chon̈b' tic? ¿Tas yuj in a chec coti?

Nm 11:1

'Ay jun c'ual, 'ix syamch eb' israel yaln tu paxti 'a Jehová, yuj yailal tzlaj 'ec' 'a yib'n̈ eb'. A wal yic xyab'n Jehová jun tzo'n̈ paxti cha, caw wal 'ix cot yowal. Yuj cha, 'ix ya'n cot jun c'ac' 'a scal eb', 'ix tz'a eb' 'ayc' 'a sti 'el camplamento cha.

Nm 11:15

Toto 'oj a'n̈j jun yailal tic 'ayin, yel xo wach' tzin a mil chamoc; palta toto 'ay wal a chamc'ojlal 'ayin, 'ij in 'el 'a scal jun tzo'n̈ yailal tic, xchi Moisés.

Nm 14:22

A eb' x'iln in tzictznil tic, yet' milagro in ch'oxjnac yil eb' 'a Egipto, xin ch'oxn pax yil eb' 'a lum cusltac lu'um, palta slajn̈ 'ejmal xo in ya'n prowal eb' tic, matz yiclj eb' xon tas tzwala.

Nm 16:41

Ax 'a junx c'u, smasnil eb' 'anma', 'ix meltzj 'och eb' 'ajc'ojlal 'a Moisés yet' 'a Aarón, 'ix laj yalnc eb' 'a eb' 'ixtic: —Ax tic, 'in to 'ipn e satn 'el eb' schon̈b' Jehová, xchi eb'.