Ex 14:10 - Chuj San Sebastian Bible

¹⁰ Ax 'ix yiln eb' israel chajtlto tza'n xo 'och win yuj eb', ajun eb' soldado winac. Yuj cha, caw wal 'ix xiw eb', 'ix 'awj chan̈ eb' 'a Jehová.

Chuj San Mateo Bible

¹⁰ Axo ix yilanb'at eb' israel to tzac'anxooch vin̈ rey yed' eb' soldado d'a spatic eb', ix xivq'ue eb', ix q'ue yav eb' d'a Jehová.

Ex 14:10 Iomraidhean Croise

2 Cr 18:31

Ax eb' scapitan̈il jun tzo'n̈ caruaje cha, a yic xyiln eb' Josafat, a snan eb' to a sreyl Israel, yuj cha, 'ix yoyn 'och sb'a eb' 'a spatquil, yic tzya'n eb' owl yet' snani. Yuj cha, caw 'ix 'el yaw Josafat sc'ann colwal, 'ix colwj Jehová yet'oc. A Dios chi 'ix 'i'n 'el eb' capitan̈ chi 'a 'a.

Nehemías 9:9

Ach tic 'ix ela to caw 'ix yab' syal eb' qui mam quichm 'a Egipto on̈, 'ix ab'n wal yel yaw eb' 'a sti a Chac mar.

Salmos 106:44

Palta a yic 'ayc' eb' 'a scal syailal cha, 'ix ab'n stew pax 'och eb' 'ayach.

Salmos 107:13

Palta a 'a scal somc'ojlal eb' cha, ata 'ix yal sb'a eb' 'a Jehová, ax 'ix coln 'elt eb' 'a yol sc'ab' syailal cha.

Salmos 107:19

Palta a 'a scal syailal eb' cha, ata 'ix yal sb'a eb' 'a Jehová, ax 'ix coln 'el eb'.

Salmos 107:28

Palta a 'a scal somc'ojlal eb' cha, ata 'ix yal sb'a eb' 'a Jehová, ax 'ix coln 'elt eb' 'a yol sc'ab' syailal cha.

Salmos 107:6

Palta a 'a scal somc'ojlal eb' cha, ata 'ix yal sb'a eb' 'a Jehová, ax 'ix coln 'elt eb' 'a yol sc'ab' syailal cha.

Salmos 34:17

A eb' 'anma wach' sb'eyb'al, a yic tzyaln sb'a eb' 'a Jehová, yajn̈ej tzyab'n tas tzyal eb'. Caw tzcolx 'el eb' 'a scal smasnil somc'ojlal yu'uj.

Salmos 53:5

Wach'xam may tas tzxib'tn eb', palta caw 'oj 'ib'xoc chan̈ eb' yuj xiwlal. Yujto a Dios 'oj 'a'n sactzic sb'acl eb' 'ajc'ojl cha. 'Oj cancn eb' 'a q'uixwc'ojlal, ax spatquilx can 'el eb' yu'uj.

Salmos 81:7

A yic 'ayx 'ec' 'a yol sc'ab' eyailal in eyawtni, yuj cha, ex in coln 'elta. In ta'w 'ayx 'a scal jun 'asn 'aj til wal sc'an̈ c'u; ex wa'n prowal 'a sti a a yic Meriba.

Ex 13:17

A yic 'ix 'ajx 'elt chon̈b' Israel yuj win rey 'a yol yic Egipto, ma'ix yal sc'ojl Dios to xyij 'at eb' 'a jun b'e tz'ec' 'a yic ewin filisteo. Wach'xam tojl jun b'e cha, palta 'ix sna Dios, lemb'il tzyac' eb' filisteo chi owl yet' eb' israel cha, toq'ue tzmeltzj eb' 'a Egipto, yic 'oj yilnc eb' to 'ay owal.

Ex 15:25

Xlajw cha, 'ix sc'ann Moisés scolwal Jehová; 'ix sch'oxn Dios jun te te', xya'n 'ejm Moisés chi te 'a yojl a a cha, 'ix b'o a yuj te'. Ata 'ix yac' Jehová jun schecnb'il 'a eb', yic tzya'lni prowal eb' toto tzyiclj eb' schecnb'il.

Is 26:16

Mamin Jehová, a wal yic on̈ 'a'n cuenta on̈, ach qui nan cot on̈, a yic 'ayn̈ 'och 'a qui yailal on̈, on̈ leslwi 'ayach.

Is 7:2

A 'a jun tiempoal cha, yajnej xit' alxc 'ixtc 'a win rey Acaz yet' 'a eb' 'aych yopiso yet'oc: A eb' 'aj Siria yet' eb' Israel, junn̈j tzyutj sb'a eb' yic tzya'n eb' owl yet' Judá tic, xchi. Yuj cha, 'ix syamn 'och win rey yet' eb' yajl chi yib'x cha'an̈, 'ixta pax eb' 'anma chi smasnil, toxn̈ej tzchinchni eb' 'a yet'l chi 'icha tzyac' te te tz'ib'x yuj 'ic'.

Jeremías 22:23

A ticnec, caw tzaljc'ojlal eyajc' 'a eyatut cotnc stel 'a Líbano, nab'a c'ute 'aych 'a 'a. Palta a wal yic 'oj jawc yailal 'a eyib'an̈, caw 'oj 'el eyaw eyab'n syail, 'icha yab'n junc 'ix 'ix syail yic tz'alj yune 'ix, xchi Dios.

Dt 9:7

May wal b'a'n̈ tzeyac' sat 'a e c'ojol, chajtlto ax tic, 'ochnc ex 'ajc'ojlal 'a Jehová, yic 'ayn̈ec 'ec' 'a lum cusltac lu'um. Yictax on̈ 'eltec 'a Egipto masnto on̈ jawc 'a jun lugar tic, an̈j 'ijnoc pit tzeyutj e b'a 'a 'a.

Josué 24:6

A yic xwi'n 'elt eb' e mam eyichm cha, ax eb' 'aj Egipto, 'ix 'och tza'n eb' yuj eb'; xyij cot eb' scaruaje yic owal, xyi'n cot eb' schej, masnto 'a a Chac Mar.

Josué 24:7

Yuj cha, x'awj eb' e mam eyichm chi 'ayn an Jehová in tic. An xo xwac' 'ejm jun niwquil q'uic'q'uinl 'a scal eb' yet' eb' 'ajc'ojl cha. Xwa'n cot a mar 'a yib'n̈ eb', xmucchj can 'ejm eb' 'aj Egipto chi yuj a'. Ax tic, eyiljnac wal si'mb'il tas xwutj eb'. Caw niwn tiempo x'ec' eb' e mam eyichm chi 'a cusltac lu'um,

1 Jn 4:18

Toto yel 'ay qui chamc'ojlalec, man̈xtzac on̈ xiwec. A mach tz'acn schamc'ojlal, man̈xtzac xiwi. Yujto a yic tzon̈ xiwec, caw tzcab'c syal yu'uj. Yuj cha, a eb' tzxiwi, mant tz'acnoc schamc'ojlal eb'.