Ex 13:3 - Chuj San Sebastian Bible

³ 'Ix yaln Moisés 'a smasnil eb' yit chon̈b' chi 'ixtic: Yowlal 'oj qui nac cot jun q'uin̈ tic 'a junjn ab'il yujto on̈ yijec 'elt Jehová yet' spoder 'a Egipto, 'a 'ajtil on̈ 'e'c mosoal. Yuj cha, ma'oj qui wac 'ixm pan 'ay yich.

Chuj San Mateo Bible

³ Yuj chi' ix yal vin̈aj Moisés d'a masanil eb' yetchon̈ab': Yovalil sco naeccot jun q'uin̈ tic d'a junjun ab'il, yuj co naancoti to a Jehová ix on̈ ic'anelta yed' yipalil d'a yol yic Egipto, b'aj ayon̈ och d'a checab'oc. Mocab' co va ixim pan ayb'at yich d'a scal.

Ex 13:3 Iomraidhean Croise

Gn 15:16

Chan̈ macn̈ xo 'in̈tal tox x'eq'ui, 'ixta to b'i'an ax smeltzj pax eb' jun 'ejm xo 'a tic, yujto mantzac tz'acw smul eb' amorreo tic, xchi Dios.

1 Cr 16:12

An̈ yin̈tl on̈ can Israel win schecb' Dios yaji, atn Jacob, an̈ sic'b'iln̈ec 'el yuj Dios. Qui nac cot tas satjub'tac yilx b'ob'il yu'uj, yet' schecnb'il 'ac'b'il can 'ayn̈ec yu'uj.

Nehemías 1:10

An̈ tic on̈, a checb' on̈, a chon̈b' on̈ paxi, ach on̈ a col yet' a niwquil poder.

Nehemías 9:10

Ach 'ix a b'o jun tzo'n̈ niwc milagro satjub'tac yilx 'a sat win sreyl Eigpto, 'a sat smasnil eb' schon̈b' 'a yol snacion̈ cha, yujto ojtac chajtl wal xyutj eb' yixtn eb' qui mam quichm on̈. Caw niwquil tz'aj sb'inax a b'i 'icha 'a jun c'u tic.

Salmos 105:5

An̈ yin̈tl on̈ can Abraham win schecb' Dios, yet' Jacob, sic'b'iln̈ec 'el yuj Dios. Qui nac cot tas satjub'tac yilx b'ob'il yu'uj, yet' schecnb'il 'ac'b'il can 'ayn̈ec yu'uj.

Salmos 114:1

A yic x'elt eb' israel 'a Egipto, atn eb' yin̈tl Jacob cajn 'ec' 'a scal eb' chuc chon̈b'al cha,

Salmos 136:11

A x'i'n 'elt eb' qui mam quichmec 'a Egipto. A schamc'ojlal Dios 'ayn̈j 'a smasnil tiempo.

Salmos 136:12

Yet' wal spoder xyi'n 'elt eb'. A schamc'ojlal Dios 'ayn̈j 'a smasnil tiempo.

Salmos 89:14

A a despacho caw te'n yaj yuj tojlal yet' yuj wach'il. Ata tzcheclj 'el a chamc'ojlal to yel tz'el'ch tas tzala.

Ex 12:15

Uque c'u 'oj e wa 'ixm pan may yich cha. A 'a yic b'ab'l c'u, tze julcn 'el smasnil yich pan 'ayc' 'a eyatut junjn ex. Toto 'ay junc mach tzwan 'ixm pan 'ay yich 'a e cal 'a jun c'u cha, yowlal tz'ijx 'el 'a e cal.

Ex 12:17

Yowlal tzeyiclj jun q'uin̈ yic 'ixm pan may yich, yujto a 'a yic jun c'u cha, ata 'oj ex wic' 'elt e masnil 'a yol yic Egipto tic. Junjn ab'il tze nan jun q'uin̈ cha; ley tz'ajcn jun chi 'ayex, 'oj syiclcn̈ej eb' eyin̈tl b'aq'uin̈.

Ex 12:19

A 'a jun uque c'u cha, may cab' junc mach 'ayc' yich pan yuj 'a yatut. Toto 'ay junc mach tzwan 'ixm pan 'ay yich, junc chuc chon̈b'al mto eyit israelal; a jun cha, yowlal tz'ijx 'el 'a e cal.

Ex 12:2

A jun 'uj tic, niwn cab' yel'ch 'a e sat, b'ab'l 'uj tz'ajcn 'a yol junjn ab'il.

Ex 12:41

A 'a jun c'u 'aj 'ix tz'acw 430 ab'il sc'och eb' 'a jun lugar cha, ata 'ix 'elt eb' schon̈b' Jehová 'a yol yic Egipto.

Ex 12:42

A wal 'a yic jun 'ac'wl cha, 'ix munlj Jehová yic xyi'n 'elt eb' schon̈ab'. Yuj cha, 'a junjn ab'il yowlal tzna cot eb' israel chi jun tic, tz'el swayn̈ eb' 'a jun 'ac'wl 'aj ujnac jun tic, yic tzyi'n chan̈ eb' sb'i Jehová 'a smasnil tiempo.

Ex 12:8

A 'a yic jun 'ac'wl cha, yic 'oj e chinc no chib'j cha, ton̈j 'oj e b'ol no'. 'Oj e chi no chib'j cha, ax e wan pax 'ixm pan may yich, ax e lon te 'itj caw c'a.

Ex 13:14

A yic 'oj sc'anb'noc eb' cunnalec 'ayn̈ b'aq'uin̈: ¿Tas tzyal 'el'ch jun tic? toto xchi eb', tzcalnec 'ixtc 'a eb': Sch'oxnb'il yic on̈ yi'n 'elt Jehová yet' spoder 'a yol yic Egipto, 'a 'ajtil 'e'nc on̈ mosoal.

Ex 13:9

'Icha wal yopiso no tz'um 'aych 'a qui c'ab' yet' 'a snan̈l qui sat, 'ixta yopiso jun q'uin̈ tic yic tzqui nan coti. Yuj cha, to 'oj calb'tan̈c sley Jehová, ax qui yiclniec paxi, yujto a on̈ 'i'nec 'elt 'a Egipto yet' spoder.

Ex 20:2

An ton Jehová e Diosal in, an ex wij 'elt 'a yol yic Egipto 'a 'ajtil 'ayx 'och mosoal, 'aj man̈ eyico'oc e b'a.

Ex 20:8

Niwn cab' yel'ch sc'ul 'iljelal 'a e sat. A 'a jun c'u cha, ata smoj eyi'n chan̈ in b'i an Jehová in.

Ex 23:15

A 'a jun 'uj Abib sb'i, ata tze na sq'uin̈l 'ixm pan may yich, 'icha wutjnac waln 'ayex. Uque c'u tze waj 'ixm pan may yich, yujto a 'a yic jun 'ujl cha, ata ex 'elt 'a Egipto. May cab' junc mach tzsat sc'ojl yi'n cot yofrenda 'a wojltac.

Ex 3:20

Yuj cha, 'oj in ch'ox in poder, 'oj wac' yailal to satjub'tac yilx 'a yib'n̈ jun nacion̈ cha, 'ixta 'oj wutoc, sec 'oj ex yac' 'elt win rey chi 'a libre.

Ex 34:18

Tze na sq'uin̈l 'ixm pan may yich, tze b'on 'icha wal tzwutj waln 'ayx tic: uque c'u tze waj 'ixm pan may yich cha, checl yaj sc'ul 'aj tzwax 'ixim, atn 'a jun 'uj tzcuch Abib, yujto a 'a jun 'uj chi 'aj 'elnc ext 'a Egipto.

Ex 6:1

'Ix ta'w Jehová 'a Moisés 'ixtic: —'Ojt el wal nab'an tas 'oj wutc win sreyl Egipto tic yet' in poder. Teb'il 'oj ex ya'l 'a yol schon̈b' tic, palta caw a win 'oj alnoc ax eyeli, xchi.

Ex 6:6

A ticnec jun, 'at al 'a eb' et israelal cha, to an Jehová in, an tzwal 'ixtic: 'Oj ex in col-l 'a 'aj 'ayx 'och mosoal tic, 'aj 'oltac tzex 'aj yuj munljel. 'Oj in ch'ox in poder 'a eb' 'aj Egipto tic, to 'oj wa'ch niwc yailal 'a yib'n̈ eb'. 'Ixta 'oj ex wutc ex in coln 'el 'a yol sc'ab' jun chon̈b' tic.

Ex 6:7

'Oj ex wi'ch in chon̈b'oc, ax woch e Diosaloc. 'Ixta 'oj eyutc eyojcan 'eli to an ton Jehová in, e Diosal in. An tzex in col-l 'a yol sc'ab' eb' 'aj Egipto tic.

Ex 7:4

A win rey cha, ma'oj scha win yab' tas 'oj eyala', palta 'oj in ch'ox in poder yil win rey cha, yic tzwa'n cot yailal 'a yib'n̈ eb' 'aj Egipto tic, 'ixta 'oj wutc ex wi'n 'elta.

Jeremías 34:13

An Jehová in, e Diosal in, in b'ojnac jun in trato yet' eb' e mam eyicham, yic 'ix wi'n 'elt eb' 'a Egipto, atn 'a 'aj 'aych eb' mosoal, 'aj man̈ yico'oc sb'a eb'. A yic cha, 'ix wala,

Dn 9:15

Ach qui Diosal, Cajlil ach. 'Ix a ch'ox wal a poder yic 'ix e'n 'elt eb' qui mam quichm 'a lum Egipto on̈. Caw ach b'inax 'a yic jun tiempoal cha, masnto ticnec. Palta an̈ xo tic on̈, 'ix 'ochx qui mul on̈, cojn maysch'olnil tzqui b'o on̈.

Mt 10:12

A yic tzex laj c'och 'a jun n̈a cha, tzeyal 'a eb' 'ajn̈a chi 'ixtic: 'Ay cab' sjunc'ojlal Dios eyet'oc, xe chi 'a eb'.

Lc 22:19

Xlajw cha, xyi'n chan̈ jun pan. 'Ix ya'n yuj diosal 'a Dios yu'uj. 'Ix ch'iyn 'ec' 'a eb'. 'Ix yaln 'a eb' 'ixtic: —A jun tic, atn in niwnal tic 'oj 'ajxoc eyu'uj, Wajec. Tze b'o jun tic, yic tzin e nan coti, xchi.

1 Co 11:24

Ax yic xlajw ya'n yuj diosal 'a Dios, 'ix sch'iyn 'ixm pan cha. 'Ix yaln 'a eb' scuywum 'ixtic: [Wan̈ec.] A jun tic, atn in niwnal 'oj yab' syal e jeloc. Nachji, tze b'o jun tic, yic tzin e nan coti, xchi.

1 Co 5:8

Yuj cha, yowlal tzqui nac cot jun schaml chi 'a smasnil qui c'ojol. To 'ixta', 'icha junc pan may yich, may jac spaltail, 'ixta qui b'eyb'alec. Toto tzqui nac cot jun schaml cha, man̈xtzac stac' qui 'atc 'a scal 'ajmulal, 'a scal maysch'olnilal. Yujto a jun tzo'n̈ cha, lajn 'icha junc yich pan cha.

Ef 1:19

Tzin c'ann pax 'a 'a, sec 'oj eyojcoc 'eli, to caw niwn yel'ch spoder, tztac' yuj smasnil. Atn jun chi 'aych 'ayn̈ec, yujto tzca'c 'och qui c'ojl 'a 'a. Sch'oxjnac, to caw niwn spoder si'mb'il,

Dt 13:10

A jun 'ixta snab'en cha, julc cham yet' q'uen q'ue'en, yujto tznib'j tzex yij 'el 'a stz'ey Jehová qui Diosalec, atn jun on̈ 'i'nec 'elt 'a Egipto 'a 'aj 'ayn̈ec 'och mosoal.

Dt 13:11

'Ixta wal 'oj yutc eb' quit chon̈b' tic yojcan 'el jun cha, ax xiw eb' sb'on jun tzo'n̈ tic, sec man̈ comnoc tzya'ch eb' smul 'icha jun cha.

Dt 13:5

Ax jun tzyalch sb'a schecb'oc Dios, mto waychnum cha, yowlal tzmilx chamoc, yujto a tz'a'n e c'ojloc yic tzeyi'n 'el e nab'en 'a Jehová qui Diosalec, atn jun on̈ 'i'nec 'elt 'a Egipto 'a 'aj 'ayn̈ec 'och mosoal. A jun 'anma cha, tzmilx chamoc, sec tzsatl jun maysch'olnil chi 'a e cal, yujto tznib'j tzex yij 'el 'a sb'eyb'al Jehová 'ix yalcn 'ayex.

Dt 13:6

Q'uinloc 'ay junc mach tzex c'ultac 'i'n 'at eyac' 'ejm e b'a a jun tzo'n̈ tzalx 'och diosal, atn sdiosal eb' chon̈b' oyn 'och 'a sla'nil, mto 'a snajtil 'el sti lum e lum cha, atn jun tzo'n̈ man̈ yojcoc eb' qui mam qui nun 'a pecti', man̈ e cha eyab' 'a 'a. Wach'xam a junc eyu'tac, junc eyunnal, junc eyisil, mto eyistzil chamc'ojlb'il eyu'uj, mto junc e wach'c'ojl caw wach' eyaj yet'oc, man̈ 'o'ch e c'ojl 'a 'a, man̈ junn̈joc tzeyutj e nab'en yet'oc, man̈ e c'ub'c 'eli.

Dt 15:15

Tze na coti, chajtlto on̈ 'e'c mosoal 'a Egipto, palta a Jehová qui Diosalec on̈ 'i'nec 'elt 'a libre. Yuj cha, tzwaln can eyab' jun tzo'n̈ checnb'il tic.

Dt 16:1

'Ix yaln pax Moisés 'ixtic: A yic tzjaw jun 'uj tzcuch Abib 'a junjn ab'il, ata tze na q'uin̈ yic quelc 'a libre 'a Egipto, yuj eyi'n chan̈ sb'i Jehová qui Diosalec, yujto a 'a jun 'uj cha, ata 'ay jun 'ac'wl 'aj on̈ yijec 'elt Jehová Dios 'a Egipto cha.

Dt 16:12

Nac coti chajtlto 'e'nc on̈c mosoal 'a eb' 'aj Egipto. Yuj cha, yowlal tze b'eylb'ej pax jun tzo'n̈ ley tic.

Dt 16:3

A no noc' tzeyac' e xajmb'alc cha, tze chi no', tze wan pax 'ixm pan may yich. Uque c'u tze waj 'ixm pan cha, sec a 'ixm tz'och snanb'ilc cot yailal, yujto caw ji'ltixn̈ej on̈ 'eltec 'a Egipto. Ya' sb'a pitzn ex, 'a junjn ab'il yowlal tze na cot jun c'u yic queltec cha.

Dt 24:18

Man̈ eyac' sat 'a e c'ojol, yujto an̈ec tic, on̈ 'e'c mosoal 'a Egipto, ax Jehová Dios a on̈ 'i'nec 'elta, yuj cha, tzwaln can 'ayex, to tzeyiclj smasnil jun tzo'n̈ tic.

Dt 24:22

Nac coti, chajtlto an̈ec tic, on̈ 'e'c mosoal 'a Egipto; yuj cha, tzwaln can 'ayex, to tzeyiclj smasnil jun tzo'n̈ checnb'il tic.

Dt 26:8

Yuj cha, sch'oxn wal Dios spoder to 'ay xo smay yilxi, caw satjub'tac yilx tas 'ix sch'ox 'a Egipto, yic on̈ yi'nec 'elta.

Dt 4:34

¿Tom 'ay junc xo dios, tox x'i'n 'elt junc schon̈b' 'a scal junc xo chon̈ab' 'icha wal on̈ yutj Jehová on̈ yi'nec 'elt 'a Egipto? Til wal tas ujnac ta'. Eyiljnac milagro, xiwc'ojlal, owal. Yet' wal sjelnal on̈ yi'nec 'elt 'a Egipto cha.

Dt 5:15

Tze na coti chajtlto 'e'nc ex mosoal 'a Egipto, 'aj to man̈ eyico'oc e b'a, palta an xo ex wij 'elt ta'. Xin ch'ox wal 'ilxoc in poder. Yuj cha, xwal 'ayex to yowlal tzeyiclj sc'ul 'iljelal.

Dt 5:6

An Jehová e Diosal in, an ex wij 'elt 'a Egipto 'a 'aj 'ayx 'och mosoal, 'aj to man̈ eyico'oc e ba'.

Dt 6:12

A yic 'oj 'el'choc jun cha, tzeyil wal e b'a, xeya't wal sat e c'ojl 'a Jehová, yujto a on̈ 'i'nec 'elt 'a Egipto 'a 'aj 'ayn̈ec 'och mosoal.

Dt 6:21

Tze pac 'a eb' 'ixtic: An̈ tic on̈, mosoaln̈ej cajch 'a win sreyl Egipto pecti', man̈ quico'oc qui b'a on̈. Ax Jehová on̈ 'i'n 'elt 'a jun lugar chi yet' spoder.

Dt 7:8

Yujto 'ay schamc'ojlal Jehová 'ayn̈ec, yuj cha, on̈ yi'n 'elt 'a Egipto 'a 'aj 'ayn̈ec 'och mosoal. Yet' wal spoder on̈ yi'n 'elt 'a yol sc'ab' win rey cha, sec tzyac' 'el'choc tas alb'il can yuj 'a eb' qui mam quichmec 'a pecti'.

Dt 8:14

man̈ e b'an̈ e b'a yet'oc. Xeya't wal sat e c'ojl 'a Jehová qui Diosalec, atn jun on̈ 'i'nec 'elt 'a Egipto, 'a 'aj 'ayn̈ec 'och mosoal.

Dt 9:12

'Ix yaln 'ayn 'ixtic: 'Ixic, paxn̈ 'ejm muc'uc, yujto a jun chon̈b'al eb' 'anma 'ix ej 'elt 'a Egipto, caw wal 'ix juw 'el eb'. Ma'ix syiclj eb' in checnb'il alb'il can wu'uj, yajn̈ej sb'on eb' jun sdiosal to nab'a oro.

Josué 24:17

Yujto a Jehová qui Diosalec, a 'on̈ 'i'nec 'elt yet' eb' qui mam quichmec 'a Egipto, 'a 'aj on̈ 'e'c mosoal. A b'ojnac jun tzo'n̈ tas caw satjub'tac yilx quiljnaquec. A 'on̈ tan̈wniec 'a yol jun tzo'n̈ b'e 'aj xlaj on̈ b'eyec, yet' 'a yic on̈ 'e'tec 'a scal jun tzo'n̈ xo chon̈ab'.

Jueces 2:12

'Ix yij 'el sb'a eb' 'a stz'ey Jehová, atn sDiosal eb' smam yichm eb', jun 'ijnac 'elt eb' 'a lum Egipto. 'Ix ya'n 'ejm sb'a eb' 'a jun tzo'n̈ scomn diosal eb' cajn 'a stz'ey eb' cha, caw stzuntzj cot eb' yowl sc'ojl Jehová,

Jueces 6:8

ax Jehová a 'ix 'a'n cot jun schecb' 'a eb' israel cha, xyaln 'a eb' 'ixtic: 'Ixtc wal yaln Jehová qui Diosalec: An ex wij 'elt 'a Egipto, 'a 'aj 'ayx 'och mosoal, 'aj man̈ eyico'oc e b'a.