Ex 13:19 - Chuj San Sebastian Bible

¹⁹ 'Ix yaln Moisés 'a eb' to tzyij 'at eb' sniwnal win José, yujto yaljnac can win 'a eb' smam yichm eb', to tzya'cn eb' sti 'a winac chajtlto 'oj sb'o eb' 'icha tznib'j win cha. Yaljnac can win 'a eb' 'ixtic: Wal yel a Dios 'oj colwjoc eyet'oc. A yic 'oj ex yi'nc 'el 'a tic, yowlal tzeyij 'at in niwnal tic eyet'oc, xchi can José chi 'a eb'.

Chuj San Mateo Bible

¹⁹ Ix yalan vin̈aj Moisés to tz'ic'chajb'at snivanil vin̈aj José, yujto ayic pitzanto vin̈ yalannac vin̈ d'a eb' yetchon̈ab' to syac' sti' eb' to ol sc'ulej eb' d'a icha chi'. Yalnaccan vin̈ d'a eb': Val yel a Dios ol colvaj eyed'oc. Yuj chi', ayic ol ujoc jun tic, ol eyic'b'at in nivanil eyed'oc, xchinaccan vin̈.

Ex 13:19 Iomraidhean Croise

Gn 48:21

Xlajw cha, xyaln pax 'a José 'ixtic: —Ach wunnal, an tic jab'xoj wal 'oj in chami; palta a Dios 'aychn̈ej cab' eyet'oc, a 'oj eyi'n meltzjoc pax 'a slum eb' qui mam quichmec.

Ex 4:31

A yic xyab'n eb' chon̈b' chi tas xyal eb' chawn̈ cha, 'ix ya'n 'och eb' 'anma chi 'a sc'ojol, chajtlto 'ix 'ilx cot eb' yuj Dios, yujto caw 'oltac tz'aj eb' 'a 'aj 'ayc' cha. Yuj cha, 'ix 'em n̈ojn eb', xya'n 'ejm sb'a eb' 'a Dios.

Lc 1:58

Ax eb' 'ay 'a stz'ey 'ix, yet' eb' yican, 'ix laj yab'nc eb' chajtlto sch'ox Dios swach'c'ojlal 'a 'ix. Yuj cha, caw xlaj tzalj eb' yet' 'ix jun xo.

Lc 7:16

Yic 'ix yiln eb' 'anma chi jun cha, caw 'ix xiw chan̈ eb' smasnil. 'Ix laj yalnc eb' wach' paxti 'ixtc 'a Dios. —'Ay jun schecb' Dios 'ix checlj 'el 'a qui calc tic, caw niwn yel'chi, xchi eb'. 'Ix laj yalnc pax eb' 'ixtic: —Caw 'ix jaw Dios colwjoc 'ayn̈ an̈ schon̈b' on̈ec tic, xchi eb'.

A Tas Sc'ulejnac Eb' Schecab' Jesús Hechos 7:15

'Ixta 'ajnc Jacob chi sc'och 'a Egipto cha. Ata chamnac. Junjnal chamnc pax eb' qui mam quichmec ta'.

A Tas Sc'ulejnac Eb' Schecab' Jesús Hechos 7:16

'Ixta to b'i'an, x'ijx pax 'at sniwnal eb' jun 'ejm xo 'a chon̈b' Siquem. Ata x'ajx can 'och sniwnal eb' 'a yol jun q'uen olb'il. A jun q'uen cha, a 'a yic yaln̈taxi manb'il can yuj Abraham 'a eb' yunnal Hamor 'a Siquem cha.

A Ch'an̈ Carta D'a Eb' Hebreo 11:22

A José, caw ya'jnac 'och Dios 'a sc'ojol. Yuj cha, a yic wan schami, yaln cani to a eb' israel 'oj 'el eb' 'a yol yic Egipto. Yaln can paxi, tas yowlal 'oj sb'o eb' yet' sb'acl José cha.

Josué 24:32

Ax sb'acl win José yijnac cot eb' israel chi 'a Egipto, 'ix smucn can eb' 'a Siquem cha, atn lum smanjnac can Jacob 'a eb' yunnal Hamor, win smam win Siquem, lum jun ciente plata stojol, atn lum 'ochnc can yico'oc eb' yin̈tl José.