Ex 12:8 - Chuj San Sebastian Bible

⁸ A 'a yic jun 'ac'wl cha, yic 'oj e chinc no chib'j cha, ton̈j 'oj e b'ol no'. 'Oj e chi no chib'j cha, ax e wan pax 'ixm pan may yich, ax e lon te 'itj caw c'a.

Chuj San Mateo Bible

⁸ A d'a jun ac'val chi' ol schi noc' chib'ej chi' eb' anima, palta ton̈ej ol b'olchaj noc', ol schi an̈ itaj eb' c'a' yed' noc', axo ixim pan malaj yich ayb'at ol sva eb'.

Ex 12:8 Iomraidhean Croise

2 Cr 35:13

Xlajw cha, sb'oln eb' no xajmb'al yic q'uin̈, 'icha yaj stz'ib'xcani; ax jun tzo'n̈ xo no xajmb'al, 'ix tz'an̈x no 'a yol chen, 'a yol cotc chen, yet' 'a yol xalten. Yajn̈ej 'ix spojn 'ec' eb' mu'c 'a smasnil eb' chon̈ab'.

Salmos 22:14

'Icha wal tz'aj a a stob'i, 'ixta tzin 'aji. Caw 'ix 'el wip. 'Ix yactn sb'a in b'aquil, ax in pixan 'ix 'ulb'x can 'at 'a yol in c'ojl 'icha no chab'ic'.

Ex 1:14

Yel xo wal ya tz'ec' eb' smunlji, a eb' tzb'ow xamit, tzb'ow pax n̈a eb'. Man̈ cojnoc cha, palta a eb' tz'a'w pax 'och trigo, tzb'on eb' jun tzo'n̈ xo munljel. Caw wal 'oltac tz'ec' eb'.

Ex 12:9

May xon jac tas tzeyax chi'ej, man̈ e tz'an̈ pax no 'a yol chen. Ton̈j tze b'oln̈j no smasnil: no sjolom, no yoc, yet' no yolsc'ojol.

Ex 13:3

'Ix yaln Moisés 'a smasnil eb' yit chon̈b' chi 'ixtic: Yowlal 'oj qui nac cot jun q'uin̈ tic 'a junjn ab'il yujto on̈ yijec 'elt Jehová yet' spoder 'a Egipto, 'a 'ajtil on̈ 'e'c mosoal. Yuj cha, ma'oj qui wac 'ixm pan 'ay yich.

Ex 13:7

A 'a yic uque c'u cha, may xon 'ixm pan 'ay yich 'oj qui wa'ec, may xon pax yich pan 'ayc' 'a catutec, may pax yich pan 'oj 'ilchjoc 'a 'aj 'oj qui c'ochc cha.

Ex 23:18

A yic tzeya'n no xajmb'al 'ayin, man̈ eyac' no schiq'uil yet' 'ixm pan 'ay yich, man̈ e molcn xepual no xajmb'al chi yico'oc junc xo c'u.

Ex 34:25

A yic tzeya'n no noc' xajmb'al-l 'ayin, man̈ eyac' no schiq'uil, yet' 'ixm pan 'ay yich. A no xajmb'al yic snanb'il cot eyel 'a libre, toto matz lajw schix no', matz tac' smolx can no yico'oc junx c'u.

Is 53:10

A Jehová a 'ix 'a'n yab' syail, 'icha wal yaj snani. 'Ix ya'n sb'a xajmb'al-l 'a yol sc'ab' chamel, sec tz'ajx lajwc smul smasnil 'anma yu'uj. Yuj cha, pitzn 'a jun 'ejmn̈ej. A jun cha, til wal 'oj 'aj yin̈til, ax ya'n 'el'choc Jehová tas nab'il yuj 'a yib'an̈.

Am 4:5

'A'c tz'a 'ixm pan may yich ofrendail yuj e alj yuj diosal. Alc 'el 'a scal smasnil 'anma', yuj jantc eyofrenda tz'el wal 'a e c'ojl eya'ni, 'in a chi caw tze nib'j e b'o'.

Zacarías 12:10

'Oj wac' jun espíritu yic wach' nab'enal 'a eb' yin̈tl David yet' 'a eb' cajn 'a Jerusalén, sec wach' 'oj leslwoc eb' 'ayin. Ax yic 'oj in yilnc eb' tecjnac in, 'oj 'oc' eb' 'icha yoc' junc mach tzcham jun c'otn̈ yunnal, mto yuj junc sb'ab'l 'unnal.

Mt 16:12

At yic xyaln Jesús jun tzo'n̈ chi 'a eb', atta xnachj 'el yuj eb', to man̈oc jun caw yich pan 'ay smay xyal 'a eb'. Palta atn jun tzo'n̈ scuynb'il ewin fariseo, yet' ewin saduceo tzyala.

Mt 26:26

Yic wan swa Jesús yet' eb' scuywum cha, 'ix yi'n chan̈ 'ixm pan, 'ix ya'n yuj diosal yuj 'ixim, xlajwn̈ej cha, 'ix sch'iyn 'ixm pan cha, 'ix xya'n 'a eb' scuywum cha. —Wan̈ec, a jun tic in niwnal, xchi 'a eb'.

Gl 5:9

Tze na coti, a jac yich pan, c'uxn tzpucb't 'a scal nan̈loc 'ixm harina.

Dt 16:7

A no chib'j cha, ton̈j tze b'ol no', tze chin no 'a jun lugar 'oj si'l Jehová qui Diosalec yico'oc, ax yic tzsacb' 'a junx c'u, tzex pax 'a 'aj 'ay e posada.

1 Ts 1:6

Ax xo, xeyamch e b'eylb'an qui b'eyb'al on̈. Xe b'eylb'an pax sb'eyb'al Cajlilec. Wach'xam caw xeyab' syail, yic e chan spaxti Dios, palta caw tzaljc'ojlal chab'il eyu'uj. Yujto a Yespíritu Dios 'a'jnac e tzaljc'ojlal.