Ex 12:50 - Chuj San Sebastian Bible

⁵⁰ Smasnil tas xyac' Jehová yal Moisés yet' Aarón, syiclj smasnil eb' yit chon̈b' eb' cha.

Chuj San Mateo Bible

⁵⁰ Masanil tas ix checji yal vin̈aj Moisés yed' vin̈aj Aarón chi', ix sc'anab'ajej eb' anima chi'.

Ex 12:50 Iomraidhean Croise

Ex 12:41

A 'a jun c'u 'aj 'ix tz'acw 430 ab'il sc'och eb' 'a jun lugar cha, ata 'ix 'elt eb' schon̈b' Jehová 'a yol yic Egipto.

Ex 12:49

A jun ley tic, yowlal tzyiclj smasnil eb' 'anma tz'alj 'a e cal, yet' eb' chuc chon̈b'al tzjaw cajn 'a e cal, xchi Dios.

Ex 12:51

A 'a jun c'u cha, stzol-l 'ix yutj Jehová yi'n 'elt eb' israel 'a sat slum eb' 'aj Egipto.

Ex 6:26

Ax Aarón yet' Moisés, eb' tzb'inax 'a jun lista tic, atn 'a eb' 'aj 'ix yal Jehová, to a eb' tz'i'n 'elt smasnil eb' yin̈tl Israel 'a yol yic Egipto, 'a 'icha wal stzolil.

Ex 7:4

A win rey cha, ma'oj scha win yab' tas 'oj eyala', palta 'oj in ch'ox in poder yil win rey cha, yic tzwa'n cot yailal 'a yib'n̈ eb' 'aj Egipto tic, 'ixta 'oj wutc ex wi'n 'elta.

Nm 3:51

Xlajw cha, xya'n Moisés q'uen 'a Aarón yet' 'a eb' yunnal, 'icha wal xyutj Jehová yalni.

Nm 36:10

Yuj cha, ax eb' 'ix yisl Zelofehad, syiclj eb' 'icha xyutj Jehová yaln 'a Moisés, atn 'ix Maala, Tirsa, Hogla, Milca yet' 'ix Noa. 'Ix laj yij sb'a eb' 'ix yet' ewin yican can smam,

Nm 5:4

'Ix syiclj eb' israel tas xyal Jehová 'a Moisés, 'ix yij 'elt eb' jun tzo'n̈ 'anma cha.

Nm 8:19

An xin si'cn 'elt eb' levita tic 'a e cal e masnil, 'ix wa'n can eb' 'a Aarón yet' 'a eb' yunnal, sec wach' a eb' tzin 'a'n servil e jelc 'a jun Mantiado 'aj tzin chaj in b'a eyet'oc, yic tzwa'n lajwc e mul. Ax eb' chon̈ab', matz tac' sjaw eb' 'a stz'ey in cajnub', sec wach' may tas 'oj 'i'nc eb', xchi Dios.

Nm 8:20

Ax Moisés yet' Aarón yet' smasnil chon̈b' Israel, 'ix syiclj eb' tas 'ix yal Jehová 'a Moisés yuj eb' levita cha.

Nm 8:22

Ax yic xlajw ye'cn jun tzo'n̈ tic, 'ix 'el yich smunlj eb' levita 'a jun Mantiado cha, ax Aarón yet' eb' yunnal, a tzjucb'tzan eb'. 'Icha wal xyutj Jehová yaln 'a Moisés, 'ixta xyutj eb' syiclni tas 'ix alx yuj eb' levita cha.

Nm 9:5

Ax eb' 'anma cha, 'ix snan eb' jun q'uin̈ chi 'a chan̈lajn̈e yoch jun b'ab'l 'uj chi 'a yic yemc'ual, yic 'ayc' eb' 'a lum cusltac lum yic Sinaí, 'icha 'ix yutj Jehová yaln 'a Moisés.

Mt 28:20

Tz'ec' laj e cuy eb', sec wach' jantcn̈ej tas waljnac can 'ayex, 'oj laj syiclc eb'. An tic 'ayn 'ec' eyet' 'a smasnil tiempo, masnto 'oj lajwc 'ec' yolyib'n̈q'uinl tic, xchi Jesús 'a eb'. [B'o cab' 'ixta']

Jn 13:17

Toto tznachj 'el jun tzo'n̈ tic eyu'uj, tzeyiclni, caw wach' eyico'.

Jn 15:14

Ax tic, toto tzeyiclj jun tzo'n̈ in checnb'il, to 'ixta', in wach'c'ojl ex.

Jn 2:5

Palta 'ix yaln snun chi 'ixtc 'a eb' tz'a'w servil cha: —Jantcn̈ej tas 'oj yal Jesús 'ayex, tze b'on̈ej, xchi 'a eb'.

Dt 12:32

A smasnil jun tzo'n̈ tzwalcn tic, yowlal tze b'eylb'ej, man̈ eya'ch stz'acub', man̈ eyi'l pax jab'oc 'a 'a, xchi Moisés.

A Ch'an̈ Carta D'a Eb' Hebreo 11:27

Caw ya'jnac 'och Dios 'a sc'ojol. Yuj cha, yelt 'a yol yic Egipto cha. Ma'ix xiw jac yuj yowl sc'ojl win rey cha. Caw te'n yutjnac snab'en, 'icha to caw yiljnac jun matz tac' quilnec, atn Dios.

Apoc 22:15

Palta 'ay pax jun tzo'n̈ eb' ma'oj stac' yochi. Atn eb' tu snab'en, 'icha junc tz'i', yet' eb' 'ajchum, eb' tzb'on 'ajmulal, eb' milm cham 'anma', eb' tzyal sb'a 'a jun tzo'n̈ yechl tzalx 'och diosal, yet' jantcn̈ej eb' 'aych snab'en 'a jun tzo'n̈ 'es, tzlaj yalnc pax eb' 'es cha. Atn eb' tic, ma'oj stac' yochi.