Ex 12:48 - Chuj San Sebastian Bible

⁴⁸ Palta toto 'ay junc win man̈ israeloc 'ayc' 'a e cal, tznib'j tzyiclj q'uin̈, b'ab'el tz'ajx can circuncidar eb' winc 'ay 'a junjn n̈ail, 'ixta to b'i'an, tztac' snan eb' jun q'uin̈ cha, 'icha to eyit chon̈b' tz'aji. A pax junc winc man̈ 'ac'b'ilc circuncidar, matz tac' schin win no xajmb'al cha.

Chuj San Mateo Bible

⁴⁸ Talaj ay junoc ch'oc chon̈ab'il snib'ej syac'och jun q'uin̈ chi' d'a e cal yic tzin yic'anchaan̈, b'ab'el tz'ac'ji circuncidar eb' vin̈ vinac d'a jun patil anima chi'. Ichato chi' syal schi'an noc' yic jun q'uin̈ chi' eb'. Ichato eyetchon̈ab' yaj eb'. A pax junoc vin̈ to manto ac'b'iloc circuncidar jun, max yal-laj schi'an noc' silab' chi' vin̈.

Ex 12:48 Iomraidhean Croise

Gn 17:11

Yuj cha, 'ijx cab' 'el jac stz'umal sjolm swincal eb' winac, atn jun cha, yechl in trato tz'ajcn eyet'oc.

Gn 17:12

Yucb'ixial yalj junjn winc 'unin, tz'ajx 'och jun yechl chi 'a eb' eyunnal yet' 'a yunnal eb' e checab'. An̈jtona yet' eb' e checb' manb'il 'a chuc chon̈b'al, tz'ajx 'och jun yechl chi 'a eb'. Junjn ex yowlal tz'ajx 'och jun yechl chi 'ayex, matz 'eq'ui, sec a jun in trato tzwac' eyet' cha, checl cab' 'a e niwnal 'a smasnil tiempo.

Ex 12:19

A 'a jun uque c'u cha, may cab' junc mach 'ayc' yich pan yuj 'a yatut. Toto 'ay junc mach tzwan 'ixm pan 'ay yich, junc chuc chon̈b'al mto eyit israelal; a jun cha, yowlal tz'ijx 'el 'a e cal.

Ex 12:43

'Ix yaln Jehová 'a Moisés yet' 'a Aarón 'ixtic: —Tic tzwalcni tas sleyl q'uin̈ yuj snanb'il cot eyel 'a libre tic: May junc eb' chuc chon̈b'al tztac' schin no xajmb'al.

Ez 14:7

Yujto tzann̈j junc mach, junc israel mto junc chuc chon̈b'al cajn 'a scal eb' israel, to tzyij 'el snab'en 'ayin, ax 'a eb' comn dios chi 'aj tzyac' 'ejm sb'a, tzya'n 'och pax snab'en 'a maysch'olnil, toto tzcob' jawc 'a junc in checab' yic tzwul sc'anb'n sb'a 'ayin, an tzwala to a yailal 'oj wac' spacc 'a junc mach cha.

Ez 44:9

Yuj cha, an Jehová in, an tzwal 'ixtic: May wal junc chuc chon̈b'al to may yel'ch in trato 'a 'a, may pax yechl in trato 'a sniwnal, tztac' yoch 'a yol watut cha; wach'xam cajn 'ec' 'a e cal, palta may xon yaln yic yoch ta'.

Ez 47:22

Tzeya'ch suerte 'a yib'n̈ lu'um, sec tzcheclji 'aj tzcan e macl junjn 'in̈tal ex, tzeya'n pax yic eb' chuc chon̈b'al cajn 'a e cal, mto yunnal eb' 'aljnac 'a yol e chon̈ab'. A yic tze pojn e lum cha, tzeyac' yic eb' chuc chon̈b'al chi eyet'oc, sec 'ay slum eb' chi 'a scal eb' yin̈tl Israel.

Lv 19:34

'Ay cab' yel'ch eb' 'ayex, tze chamc'ojlej eb', 'icha tzeyutj e chamc'ojlan e b'a. Yujto ax tic, 'e'nc ex cajn 'a scal eb' chuc chon̈b'al 'a Egipto.

Nm 9:14

Toto 'ay eb' chuc chon̈b'al cajn 'ec' 'a e cal, tznib'j eb' tzna jun q'uin̈ chi eyet'oc, yic tzyi'n chan̈ eb' in b'i, yowlal tzyiclj eb' sleyl 'icha 'ix wutj walni. 'Icha wal sleyl 'ix wac' eyicloc, a pax tzyiclj eb' chuc chon̈b'al 'ayc' 'a e cal, xchi Dios.

Gl 3:28

Man̈x 'a yel'chi, toto israel on̈, mto griego on̈. Wach'xam 'ayn̈ 'och mosoal to man̈ quico'oc qui b'a, wach'xam mun quic qui b'a, toxn̈ej winac, toxn̈ej 'ix, may yel'chi, yujto junxn̈ej cajc qui masnil yet' Cristo. 'Icha to junxn̈ej 'anmal cajc qui masnil.

A Scarta San Pablo D'a Eb' Aj Colosas 3:11

Yuj cha, may yel'chi, toto israel on̈, mto man̈ on̈ israeloc. Wach' cab' 'ay mach 'ac'b'il circuncidar, wach' cab' 'ay mach ma'ay. Wach'xam chuc chon̈b'al, wach'xam cab'nal 'anma', mto moso to man̈ yico'oc sb'a, toxn̈ej yicn̈ej sb'a, may yel'ch jun tzo'n̈ tic. Cojxn Cristo 'ay yel'chi, yujto a 'aych 'a qui pixn junjn on̈ec.