Ex 12:32 - Chuj San Sebastian Bible

³² 'Ijec 'at smasnil e cajb'en noc' chi eyet'oc: e calnelu, e wacax, e chiwo. 'Ixquec muc'uc, tzex tew 'a Jehová wu'uj, xchi win rey cha.

Chuj San Mateo Bible

³² Iq'uecb'at masanil noc' e molb'etzal noc': Noc' calnel, noc' vacax yed' noc' chiva, icha ix aj eyalan chi'. Ixiquec, tzex tevipax d'a Jehová vuuj, xchi vin̈ rey chi'.

Ex 12:32 Iomraidhean Croise

Gn 15:14

Palta an 'oj wac' yailal 'a yib'n̈ jun chon̈b' 'aj 'oj 'och eb' mosoal cha. 'Oj lajwc cha, ax yajx 'elt eb' en̈tl cha, 'oj yic' cot eb' sricoal jun chon̈b' cha.

Gn 27:34

Ax yic xyab'n Esaú smasnil tas 'ix yal smam cha, yuj cha, caw wal ji'jmtac yoq'ui, 'ix 'awj cha'an̈, 'ix yaln 'ixtic: —¡Alcn pax a wach' paxti chi 'a wib'n̈ mamin! xchi winac.

Gn 27:38

'Ix tew 'och wal to Esaú 'a smam, 'ix yaln 'ixtic: —¿Man̈x am wal junc xo wach'l tzalcn 'a wib'n̈ jun mamin? ¡Alcn pax a wach'l 'a wib'n̈ jun xo! xchi. Xlajw cha, 'ix 'el yaw Esaú yoc' jun 'ejm xo.

Esdras 6:10

yic tzya'n eb' xajmb'al-l 'a Dios 'ay yic satcha'an̈. 'Och cab' lesl wuj an rey in tic yet' yuj eb' wunnal.

Ex 10:26

Yuj cha, a smasnil no qui cajb'en noc' chi 'on̈, 'oj quic' no smasnil quet' on̈. Man̈x 'a junc no 'oj stac' scani, yujto a 'a scal no 'oj qui sic' 'elt no 'oj ca' qui xajmb'alc 'a Jehová qui Diosal on̈. Yic mantzac on̈ c'och 'a jun lugar cha, mantzac nachj 'el cu'uj, 'aj 'ay no 'oj cac' qui xajmb'alc 'a Jehová qui Diosal chi 'on̈, xchi.

Ex 10:9

'Ix ta'w Moisés, xyaln 'ixtic: —Qui masnil 'oj qui 'at on̈. 'Oj 'at eb' 'unn q'uet on̈, eb' 'ichmtac winac, eb' cunnal on̈, eb' 'ix quisl on̈; yet' smasnil qui calnelu, qui wacax, qui chiwo. Smasnil qui cajb'en noc' on̈, 'oj 'at no quet' on̈, yujto caw wal niwquil q'uin̈ 'oj qui b'o ta 'on̈, yic tzqui'n chan̈ sb'i Jehová qui Diosal chi 'on̈, xchi Moisés.

Ex 8:28

'Ix yaln pax win rey chi 'ixtic: —Tztac' e 'at 'a lum cusltac lum cha, yic tz'at eya'nc e xajmb'al 'a Jehová e Diosal cha, cojn toto man̈ najtoc tzex 'ati. Tzex leslwi pax 'a Dios chi wu'uj, xchi win rey cha.

Ex 9:28

'In caw wal tz'ec' 'a yib'n̈ sma'n sb'a c'u, yet' yejm q'uen sacb'at tic. Yuj cha, man̈x 'oj wi'c tiempo 'ayex, tztac' e 'at 'a 'ajtil tzeyal cha. Leslwan̈c 'a Jehová, sec tzyij 'el jun yailal tic 'a quib'n̈ on̈, xchi winac.