Ex 12:3 - Chuj San Sebastian Bible

³ Alc 'a smasnil eb' eyit israelal yuj jun checnb'il tic. To a yic lajn̈e yoch jun 'uj tic, junjn mamb'il 'oj yi' cot junjnoc squelm calnelu mto chiwo, junjn no 'a junjn n̈ail yic tzchix no'.

Chuj San Mateo Bible

^3-5 Alec jun checnab'il tic d'a masanil eb' eyetisraelal: A d'a slajun̈il c'ual yoch jun uj tic, junjun vinac ol yic'cot junoc noc' yune' calnel, ma junoc noc' yune' chiva yic schi'an yed' masanil eb' cajan yed'oc. A noc' noc' chi' junjun ab'il ocab' sq'uinal noc', mocab'a jab'oc spaltail noc', an̈ej to smam noc'. Tato man̈ tzijtumoc anima d'a yol spat, max tzac'van eb' schi'an noc', syal yavtan vin̈ aj pat chi' mach cajan d'a slac'anil yic scolvaj eb' schi'an noc' yed'oc, to spucchajec' noc' ato syala' jantac sb'isul anima, ma jantac schi junjun eb'.

Ex 12:3 Iomraidhean Croise

Gn 22:8

'Ix yaln Abraham 'ixtic: —A Dios 'oj 'a'nc no calnelu 'oj 'och xajmb'al-l ach wunnal, xchi 'a winac: 'Ix b'ey't to eb' 'a yojltac.

Gn 4:4

'Ixta pax win Abel, 'ix yij 'at pax win xajmb'al 'a Jehová, atn e no sb'ab'l yune scalnelu winac, e no caw wal b'aq'uech. 'Ix schaj sc'ojl Jehová win Abel yet' xajmb'al.

2 Cr 35:7

Xlajw cha, ax 'a scal scajb'en noc' win rey Josías cha, ata xyij 'elt jun tzo'n̈ no xyac' siylab'il 'a eb' chon̈b' yamn yaj chi ta', sec 'ay no wach' ya'n eb' xajmb'alc 'a yic tznax q'uin̈ cha: 30 mil no calnelu yet' no chiwo, 'oxe mil no quelm wacax.

Ex 12:2

A jun 'uj tic, niwn cab' yel'ch 'a e sat, b'ab'l 'uj tz'ajcn 'a yol junjn ab'il.

Ex 12:21

'Ix yawtn cot Moisés eb' 'ichmtac winc 'a scal eb' yit israelal cha, xyaln 'ixtc 'a eb': 'At si'c can 'el junjnoc e quelmtac calnelu mto chiwo, to 'oj e mil no e chi yet' eb' eyunnal, yic tze nan q'uin̈ yic tzon̈ 'elc 'a libre.

Ex 12:4

Toto man̈ niwnoc e b'ey 'a yol eyatut, matz lajw no e chini, tztac' eyawtn cot eb' cajn 'a e tz'ey, sec tzcolwj eb' schin no eyet'oc. Tze pojc' no chib'j chi 'a eb', a tzyal jantc sb'isl eb' 'anma cha, mto a tzyal jantc tzchi junjn eb'.

Ex 12:6

Ton̈j tze si'cn 'elt no', masnto 'a yic chan̈lajn̈e yoch jun 'uj tic, atta 'oj e mil cham no 'a jun c'u cha. A yic wan xo sq'uic'b'i ax e miln eyic e masnil.

Ex 14:15

'Ix sc'anb'n Jehová 'ixtc 'a Moisés: —¿Tas yuj tzach 'awj 'ayin? Al 'a eb' et israelal tic, to tz'atx eb' 'a yojltac.

Ex 20:19

'Ix yaln eb' 'a Moisés 'ixtic: —Ach tzach paxtin cab' 'ayon̈, 'oj qui yiclc tas 'oj yal Dios 'ayach, man̈xoc cab' 'ayn̈ tzpaxtini, toto ma'ay, 'oj qui cham yu'uj, xchi eb' 'anma cha.

Ex 4:30

'Ix syamn 'och Aarón chi yaln 'a eb' chon̈b' yuj smasnil tas 'ix yal Jehová 'a Moisés, sch'oxn pax eb' jun tzo'n̈ milagro yil eb' yit chon̈b' cha.

Ex 6:6

A ticnec jun, 'at al 'a eb' et israelal cha, to an Jehová in, an tzwal 'ixtic: 'Oj ex in col-l 'a 'aj 'ayx 'och mosoal tic, 'aj 'oltac tzex 'aj yuj munljel. 'Oj in ch'ox in poder 'a eb' 'aj Egipto tic, to 'oj wa'ch niwc yailal 'a yib'n̈ eb'. 'Ixta 'oj ex wutc ex in coln 'el 'a yol sc'ab' jun chon̈b' tic.

Ez 40:1

A 'a yic 25 ab'il xo quijx cot 'icha presoal 'a Babilonia, 'a lajn̈e yoch b'ab'l 'uj, 'a yic schan̈lajn̈il xo ab'il yajx ganar chon̈b' Jerusalén, 'ix 'ochx spoder Jehová 'ayin. Ax Yespíritu 'ix 'a'n wila', 'icha to in yij 'at 'a Jerusalén cha. Axta in c'och yuj 'a sjolm jun tzalan. Ax xwilni, ata 'ay jun chon̈b' 'a stojlal sur, til wal n̈a 'a jun chon̈b' cha.

Lv 1:2

Al yab' eb' et israelal, to an tzwal jun tzo'n̈ checnb'il tic: Toto 'ay junc mach tz'i'n cot junc no noc' xajmb'al-l 'ayn an Jehová in, a cab' 'a scal swacax, mto 'a scal scalnelu, mto 'a scal schiwo tzyij 'elt no noc' cha.

Lv 5:6

Tztac' ya'n jun 'anma chi junc no nun calnelu mto junc no nun chiwo xajmb'al-l 'ayn an Jehová in, yuj smul cha. A yuj jun xajmb'al cha, ax yajx can lajwc smul jun 'anma cha.

Nm 15:11

Atn jun tzo'n̈ cha, yowlal tzeyac' yet' junjn no wacx cha, mto mam calnelu, mto quelm calnelu mto junc no yune chiwo tzeyac'a.

Jn 1:29

Ax 'a junx c'u, 'ix yiln sb'a Juan to wan sc'och Jesús 'a 'a, yuj cha, xyaln 'ixtic: —'Iltec, a jun wan sjaw tic, 'icha yopiso junc quelm calnelu, 'ixta yopiso yuj Dios, yujto a tzwul 'i'nc 'el qui mulc qui masnil 'a yolyib'n̈q'uinl tic.

Jn 1:36

Ax 'ix yiln 'ati, wan yec' Jesús. Yuj cha, xyaln 'ixtic: —'Iltec, a jun tz'ec' cha, 'icha yopiso junc quelm calnelu, 'ixta yopiso yuj Dios, xchi.

Jn 12:1

Ob'xoc to yoch q'uin̈ 'a Jerusalén, atn q'uin̈ yic snanb'il cot yel eb' israel 'a libre, 'ix c'ochx Jesús 'a Betania. Ata 'ay yatut Lázaro, win pitzwnac pax yu'uj.

Jn 12:12

Til wal 'anma 'ix c'och 'a Jerusalén yuj q'uin̈ yic snanb'il cot yel eb' israel 'a libre. Ax 'a junx c'u, 'ix yab'n eb' to wan sc'och Jesús ta'.

1 Co 5:7

Yuj cha, 'actjec can jun tzo'n̈ e b'eyb'al 'a yic yalan̈. Yujto a jun tzo'n̈ cha, lajn 'icha yich pan. Toto 'ixta', 'oj eyoch 'icha jun pan tzwax 'a q'uin̈ yic tznax cot yel eb' israel 'a libre, may jac spaltail. Yujto wal yel, 'ixta ex 'a sat Cristo, yujto a xcham qui jelquec. 'Icha no quelm calnelu tzmilx chamoc, tz'och xajmb'al-l 'a jun q'uin̈ cha, 'ixta x'aj scham Cristo yic yi'n can 'el qui mulec.

Josué 7:14

A 'a sq'uin̈b'il q'uic'an, junjn 'in̈tal ex tzex jaw 'a wojltac, wul e ch'ox e b'a. Ax 'a e cal, ata 'oj in sic' 'elt junc 'in̈tal ex. A 'a junc 'in̈tal cha, ata 'oj in sic' 'elt junc macan̈. Ax 'a scal junc macn̈ cha, ata 'oj in sic' 'elt jun c'ajoc eb' yican sb'a. A eb' cha, junjnal 'oj wul sch'ox sb'a eb' winc chi 'a wojltac, ax 'a scal eb' winc cha, ata 'oj in sic' 'elt mach 'ay smul cha.

Apoc 13:8

Smasnil 'anma 'a yolyib'n̈q'uinal, 'ix yal sb'a eb' 'a jun noc' sb'i cha. Palta ax eb' tz'ib'b'ilx can sb'i 'a jun libro yic q'uinl 'a jun 'ejmn̈ej, ma'ix yal sb'a eb' 'a 'a. A eb' cha, yictax mantzac b'o yolyib'n̈q'uinal, tz'ib'b'ilx can sb'i eb' 'a ch'an̈ libro yic jun tzcuch Calnelu, atn jun milb'il chamoc.

A Ch'an̈ B'ab'el Libro Samuel 7:9

Ax Samuel, yajn̈ej 'ix yi'n cot jun no nene calnelu tzat chuwi, 'ix ya'n tz'a no xajmb'al-l 'a Jehová. Syamn 'och sc'ann scolwal Jehová 'a yib'n̈ yet' eb' yit israelal cha, ax Jehová caw yajn̈ej xta'w 'a 'a.