Ex 12:16 - Chuj San Sebastian Bible

¹⁶ A 'a yic b'ab'l c'u cha, tzeyam e b'a yic tzex 'och 'emmquilal 'ayin, 'ixta tzeyutj pax 'a yic yucl c'ual. A 'a chab' c'u cha, may xon mach tzmunlji, cojn tas tze c'uxu a tztac' e b'oni.

Chuj San Mateo Bible

¹⁶ A d'a b'ab'el c'u tze molb'ej e b'a tzex och ejmelal d'ayin. Icha pax chi' tzeyutej d'a yuquil c'ual, an̈eja' tze molb'ejpax e b'a. A d'a chab' c'ual chi' malaj mach smunlaji, an̈ej e b'oan va e b'a syala'.

Ex 12:16 Iomraidhean Croise

Ex 16:23

'Ix yaln Moisés 'ixtc 'a eb': —A jun cha, a Jehová 'ix alni, yujto q'uic'an sc'ul 'iljelal, a jun sc'ul 'iljelal cha, sc'ul yic tz'ijx chan̈ sb'i Jehová. A tas tze c'ux q'uic'an, tz'an̈c can ticnec, mto tzeya'cn xejc tas yic e q'ui'n cha, tze moln cani, sec wach' toxn̈ej 'oj e c'ux q'uic'an, xchi 'a eb'.

Ex 16:29

Nac wal si'mb'il, chajtlto an Jehová in, an tzwala, to yowlal tzeyiclj sc'ul 'iljelal. A 'a yic swacl c'ual, ata tze molcn tas tze c'ux 'a yucl c'ual, sec ax 'a yucl c'u cha, 'ayx 'ec'n̈ej 'a yol eyet'ul, may mach tz'elt munljoc, xchi Dios.

Ex 16:5

Ax 'a swacl c'u, 'oj si'cn eb' tas 'oj sc'ux 'a jun c'u cha; yet' pax tas 'oj sc'ux 'a junx c'u, tzyal 'el'chi chab' c'ul chi yamn tzsi'cn eb', xchi Dios.

Ex 20:10

ax 'a yucl c'ual tzex 'ilji, yujto sc'ul 'iljelal. Matz tac' e munlj 'a jun c'u cha, yujto wicn̈ej yaji. Matz tac' smunlj eb' eyunnal, eb' eyisil, ewin e moso, eb' 'ix eya'mal servil, e cajb'en noc', mto eb' 'anma chuc chon̈b'al ton̈j 'ayc' eyet'oc.

Ex 34:18

Tze na sq'uin̈l 'ixm pan may yich, tze b'on 'icha wal tzwutj waln 'ayx tic: uque c'u tze waj 'ixm pan may yich cha, checl yaj sc'ul 'aj tzwax 'ixim, atn 'a jun 'uj tzcuch Abib, yujto a 'a jun 'uj chi 'aj 'elnc ext 'a Egipto.

Is 1:13

Man̈x eyi' cot jun tzo'n̈ eyofrenda cha, yujto man̈x 'a tas tzb'o yu'uj. A incienso tze n̈usu, man̈xtzac schaj in c'ojol. Ax jun tzo'n̈ e q'uin̈ tzlaj e na 'a yic tzpac' 'uj yet' 'a sc'ul 'iljelal, caw tzex tzalj cob' eyamn e b'a 'a jun tzo'n̈ eyamnil cha, palta an xo tic, man̈xtzac ex in nib'j wil yet' e q'uin̈ cha, yujto maysch'olnil tas tze b'o'o.

Lv 23:21

A 'a jun c'u cha, yowlal tzeyam e b'a yic tzex 'och 'emmquilal 'ayin, may pax junc mach tztac' smunlji. A jun tic ley tz'ajcn 'a e cal yet' 'a eb' eyin̈tl b'aq'uin̈, yaln̈ej 'aj 'ayx 'eq'ui.

Lv 23:27

A 'a lajn̈e yoch yucl 'uj cha, ata 'ay sc'ul yic tz'ajx lajwc mul. Yowlal tzeyam e b'a yic tzex 'och 'emmquilal 'ayin, tzex 'och 'a c'ajb'c'ojlal, tzeya'n tz'a eyofrenda xajmb'al-l 'ayin.

Lv 23:35

A 'a b'ab'l c'u cha, tzex 'och 'emmquilal 'ayin, may junc mach tzmunlji.

Nm 28:18

A 'a jun b'ab'l c'u yic uque c'u cha, ata tz'och jun niwquil yamnil, yic tzex 'och 'a 'emmquilal 'ayin. A 'a jun c'u cha, may xon junc mach tztac' sb'on smunljel, yujto niwn yel'chi.

Nm 28:25

Ax 'a yucl c'u q'uin̈ cha, tzeyamn pax e b'a yic tzex 'och 'a 'emmquilal 'ayin. A 'a jun c'u cha, may xon junc mach tztac' smunlji.

Nm 28:26

A yic tox 'ix 'ec' uque seman yec' q'uin̈ yuj e nan cot eyel 'a libre, yic tzeya'n eyofrenda 'a 'ayn yuj sb'ab'l sat eyawb'en tze mol cha, ata tzeyamx e b'a e masnil, yuj eyochx 'emmquilal 'ayin. A 'a jun c'u cha, may xon junc mach tzmunlji.

Nm 29:1

A 'a b'ab'l c'u yic yucl 'uj, ata tzeyamx e b'a yic tzex 'och 'emmquilal. A 'a jun c'u cha, may mach tztac' smunlji, yujto sc'ul yutz'x trompeta.

Nm 29:12

A 'a yolajn̈il c'u yoch yucl 'uj cha, ata tzeyamx e b'a yic tzex 'och 'emmquilal. A 'a jun c'u cha, may mach tzmunlji, uque c'u tze na jun q'uin̈ cha, yuj eyi'n chan̈ in b'i an Jehová in.

Jn 19:31

A jun c'u cha, q'ui'noc xoj yoch q'uin̈ yic snanb'il cot yel israel 'a libre, sc'ul 'iljelal paxi. Ax ewin 'aj Judea cha, may sgana ewin tzcan sniwnal eb' 'a te culs cha. Yujto a jun c'u tzjaw cha, caw 'ay yel'ch 'a eb' israel. Yuj cha, xit' tewc ewin 'a win Pilato, to tzyac' win ma'xoc poj sb'acl sat spenc eb', sec yajn̈ej, tz'ijx 'emt sniwnal eb' cha.

Dt 16:8

Waque c'u tze waj 'ixm pan may yich, ax 'a yucl c'ual, tzeyamn e b'a e masnil yic tzex 'och 'emmquilal, tzeyi'n chan̈ sb'i Jehová Dios. A 'a jun c'u cha, may mach tzmunlji.