Ex 12:14 - Chuj San Sebastian Bible

¹⁴ A jun c'u cha, niwn cab' yel'ch tz'ajcn 'a e sat, tzeya'ch junc niwquil q'uin̈ yic tzeyi'n chan̈ in b'i an Jehová in tic. Smasnil tiempo tze na cot jun tic, ax snan cot eb' eyunnal b'aq'uin̈. Ley tz'ajcn jun tic 'a e cal 'a smasnil tiempo.

Chuj San Mateo Bible

¹⁴ Aton val jun c'ual chi' nivan ol ajcan yelc'och d'ayex, tzeyac'anoch junoc nivan q'uin̈ yic tzin eyic'anchaan̈ a in Jehová in tic. Masanil tiempo tze nacoti. Yed' eb' eyuninal ol snacot jun tic eb'. Ley tz'ajcan jun tic d'a e cal d'a masanil tiempo.

Ex 12:14 Iomraidhean Croise

A Ch'an̈ Schab'il Libro Yic Yab'ixal Eb' Rey 23:21

Xlajw cha, 'ix yaln win rey Josías 'a smasnil eb' chon̈b' 'ixtic: To tzqui nac q'uin̈ yic yelt eb' qui mam quichmec 'a libre 'a Egipto, yuj qui'nec chan̈ sb'i Jehová qui Diosalec, a tzyal yaj stz'ib'x 'a ch'an̈ libro yic trato, xchi.

Salmos 111:4

Satjub'tac yilx tas b'ob'il yu'uj, may b'a'n̈ tz'at 'a satc'ojlal. A Jehová caw wach' snab'en, 'ay schamc'ojlal.

Salmos 135:13

Mamin Jehová, a 'a b'inab'ilal may b'a'n̈ 'oj satli, 'oj a nax cot 'a smasnil tiempo.

Ex 12:17

Yowlal tzeyiclj jun q'uin̈ yic 'ixm pan may yich, yujto a 'a yic jun c'u cha, ata 'oj ex wic' 'elt e masnil 'a yol yic Egipto tic. Junjn ab'il tze nan jun q'uin̈ cha; ley tz'ajcn jun chi 'ayex, 'oj syiclcn̈ej eb' eyin̈tl b'aq'uin̈.

Ex 12:24

A jun checnb'il tic 'oj eyiclcn̈ej, ax syiclni pax eb' eyin̈tl b'aq'uin̈. 'Icha junc ley may slajub', 'ixta tz'ajcn jun tic 'ayex.

Ex 12:43

'Ix yaln Jehová 'a Moisés yet' 'a Aarón 'ixtic: —Tic tzwalcni tas sleyl q'uin̈ yuj snanb'il cot eyel 'a libre tic: May junc eb' chuc chon̈b'al tztac' schin no xajmb'al.

Ex 12:6

Ton̈j tze si'cn 'elt no', masnto 'a yic chan̈lajn̈e yoch jun 'uj tic, atta 'oj e mil cham no 'a jun c'u cha. A yic wan xo sq'uic'b'i ax e miln eyic e masnil.

Ex 23:15

A 'a jun 'uj Abib sb'i, ata tze na sq'uin̈l 'ixm pan may yich, 'icha wutjnac waln 'ayex. Uque c'u tze waj 'ixm pan may yich, yujto a 'a yic jun 'ujl cha, ata ex 'elt 'a Egipto. May cab' junc mach tzsat sc'ojl yi'n cot yofrenda 'a wojltac.

Ex 27:21

Ax Aarón yet' eb' yunnal, a eb' tz'och 'ajcuentail ya'n 'och sc'a'l jun tzo'n̈ cantil cha, sec 'ayn̈j 'och sc'a'l 'a wojltac an Jehová in tic yic tz'ec' 'ac'wl 'a yojl in Mantiado, atn 'a yojltac 'elt te cortina 'aych yen̈loc scaxail in trato. A jun tic, ley tz'ajcn 'ayx yet' 'a eb' eyin̈tl b'aq'uin̈, xchi Dios.

Ex 5:1

'Ix 'e'cn jun tzo'n̈ cha, 'ix 'at Moisés yet' Aarón paxtinc yet' win rey, 'ix yaln ewin 'ixtc 'a winac: —'Ixtc wal yaln Jehová qui Diosal an̈ israel on̈ tic on̈: To tza chaj 'at eb' in chon̈b' tic 'a lum cusltac lu'um, yic tzyi'n chan̈ eb' in b'i yet' junc q'uin̈, xchi Dios, xchi eb' 'a winac.

Ez 46:14

An̈jtona 'a junjn sq'uin̈b'ial, tz'ajx pax tz'a chan̈e'oc libra 'ixm harina ofrendail 'a 'ayin, yet' pax junc litro aceite. A jun aceite cha, ton̈j tzsecx q'ue 'a yib'n̈ 'ixm harina cha. Ley tz'ajcn jun tic 'a smasnil tiempo.

Lv 23:6

Ax 'a olajn̈e yoch jun 'uj cha, ata tze na jun q'uin̈ yic 'ixm pan may yich, yuj yi'nb'ilc chan̈ in b'i an Jehová in. A 'a yol uque c'u cha, cojn 'ixm pan may yich tze wa'aj.

Zacarías 6:14

Ax jun corona 'oj a b'o cha, 'icha snanb'il cot watut 'oj 'ajcni yic tznax cot yuj Helem, Tobías, Jedaías yet' Hen yunnal Sofonías, xa chi 'a 'a, xchi Dios 'ayin.

Nm 10:8

A mach 'oj 'utz'nc q'uen trompeta cha, atn eb' ya'mal 'och sti eb' 'anma', eb' yin̈tl Aarón. A jun tic ley tz'ajcn 'ayx 'a smasnil tiempo.

Nm 15:15

A jun in ley tic, tz'och yopiso 'ayex yet' 'a eb' chuc chon̈b'al. 'Oj sc'anlb'ocn̈ej eb' eyin̈tl b'aq'uin̈.

Nm 16:40

A jun tic, cuynb'il x'ajcn 'a eb' israel, chajtlto cojn eb' yin̈tl Aarón tztac' yochch sn̈us incienso 'a yib'n̈ yet'l xajmb'al 'a yojltac Jehová. Yuj cha, toto 'ay mach tzb'on 'icha eb' x'och tza'n yuj Coré cha, 'ixta pax tz'aj eb' jun xo. 'Icha wal xyutj Jehová yaln 'a Moisés, 'ixta wal xyutj Eleazar jun tzo'n̈ cha.

Nm 18:8

'Ix yaln pax Jehová 'ixtc 'a Aarón: An 'ix wac' opiso a chan smasnil ofrenda tz'ajx 'ayn yuj eb' israel tic. A jun tzo'n̈ cha, wicn̈ej yaji, palta an xo tzwac' 'aych yet' 'a eb' onnal, sec eyic tz'ajcn jun tzo'n̈ cha. A jun tic ley tz'ajcn 'a e cal 'a smasnil tiempo.

Mt 26:13

Wal yel tzwal 'ayex, tzann̈j lugar 'a yolyib'n̈q'uinl tic 'aj 'oj alxc 'el wach' ab'x yic colnb'il, 'oj alxc pax 'el yab'xil tas 'ix sb'o jun 'ix tic, yic 'oj naxc cot 'ix, xchi 'a eb'.

Lc 22:19

Xlajw cha, xyi'n chan̈ jun pan. 'Ix ya'n yuj diosal 'a Dios yu'uj. 'Ix ch'iyn 'ec' 'a eb'. 'Ix yaln 'a eb' 'ixtic: —A jun tic, atn in niwnal tic 'oj 'ajxoc eyu'uj, Wajec. Tze b'o jun tic, yic tzin e nan coti, xchi.

Dt 16:1

'Ix yaln pax Moisés 'ixtic: A yic tzjaw jun 'uj tzcuch Abib 'a junjn ab'il, ata tze na q'uin̈ yic quelc 'a libre 'a Egipto, yuj eyi'n chan̈ sb'i Jehová qui Diosalec, yujto a 'a jun 'uj cha, ata 'ay jun 'ac'wl 'aj on̈ yijec 'elt Jehová Dios 'a Egipto cha.

Dt 16:11

Tze nan jun q'uin̈ chi 'a yojltac Jehová Dios, 'a jun lugar 'oj si'l yico'oc cha. Tze mol naj jun q'uin̈ chi yet' eb' eyunnal, eb' eyisil, ewin e moso, eb' 'ix eya'mal servil, eb' levita, eb' chuc chon̈b'al, eb' meb'a 'unn chamnc xo smam, yet' eb' 'ix 'ix chamnc yichmil cajn 'a yol e chon̈b' cha.

Dt 6:8

'A'c 'och jun tzo'n̈ checnb'il tic 'a e c'ab' yet' 'a snan̈l e sat, 'icha to ch'oxnb'il tz'ajch 'ayex.

Josué 4:7

Ax eyaln 'a eb' 'ixtic: A yic xyi'n 'e't eb' ya'mal 'och qui ti 'a Dios te scaxail strato Jehová 'a yojl 'a Jordán, ax a a cha, spoj sb'a a 'a yojltac te caxa cha, a jun tzo'n̈ q'uen tusb'il can chan̈ tic, snanb'il cot tas ujnac 'a qui calc 'a jun lugar tic, xe chi 'a eb', xchi.

A Ch'an̈ B'ab'el Libro Samuel 30:25

(At xo can 'a yic jun tiempoal cha, 'ix 'ochcn jun tic leyl 'a scal eb' israel.)