Ex 10:6 - Chuj San Sebastian Bible

⁶ 'Oj b'ut'joc 'el yojl a despacho yuj no', 'oj 'och no 'a yol yatut eb' 'aych yajlil et'oc, yet' 'a yol yet'l smasnil eb' 'anma 'a jun nacion̈ tic. A eb' e mam yet' eb' e mam eyicham, may xon 'aj yiljnac eb' jun wan yuj tic, xchi Moisés. A yic xlajw yaln Moisés jun tzo'n̈ tic, 'ix 'el paxt 'a yol sdespacho win rey cha.

Chuj San Mateo Bible

⁶ Ol b'ud'joccanel yol a despacho yuj noc' yed' yoltac spat eb' ay yopisio ed'oc yed' masanil yoltac pat d'a yol yic Egipto tic. Malaj b'aj ix yil eb' e mam eyicham junoc icha tic yictax ix ja cajan eb' d'a jun lugar tic, xchi Jehová, xchi vin̈aj Moisés chi'. Ayic ix lajvi yalan juntzan̈ tic vin̈, ix elixta eb' d'a yol sdespacho vin̈ rey chi'.

Ex 10:6 Iomraidhean Croise

Ex 10:11

Cojn ax winc ex tic tzex 'at eyac' 'emmquilal 'a Jehová e Diosal cha, 'in a jun chi tze c'an 'ayin, xchi winac. Xlajw xoj yaln win jun tzo'n̈ cha, 'ix ya'n win pechxoc 'elt Moisés yet' Aarón 'a yojltac.

Ex 11:6

Man̈x yalnb'ilc 'o'l 'oj 'och 'a smasnil yol yic Egipto tic. May xon 'aj 'ix uj jun tic jun 'ejmoc 'a yaln̈taxi, man̈x pax b'a'n̈ 'oj ujc jun 'ejmoc xo.

Ex 11:8

A yic cha, 'oj cob' to jawc jun tzo'n̈ eb' winc 'aych yajlil et' tic 'ayin, 'oj 'em cumn eb', ax yaln eb' 'ayn 'ixtic: 'Ixc yet' smasnil eb' chon̈b' tza'n 'och oj cha, 'oj schic eb'. A yic tox x'el'ch jun tzo'n̈ tic, ax qui 'at on̈, xchi Moisés. Caw wal ow Moisés yic 'ix 'el paxt 'a yojltac win rey cha.

Ex 8:21

Palta toto ma'oj a'l eb' in chon̈b' tic, man̈x jantcoc no tzac' 'oj wa' cot 'a eb'an̈, 'a yib'n̈ smasnil eb' 'aych yajlil et'oc, yet' 'a yib'n̈ smasnil 'anma 'a sat lum lum tic.

Ex 8:3

'Oj wac' pitzwc no 'a yol a a smasnil: c'uxn 'oj c'och no 'a yol a despacho, 'a 'aj tzach wayi, 'a sat a ch'at, 'a yol yatut eb' 'aych yajlil et'oc, 'a yol yatut smasnil 'anma', 'a yol jorna 'aj tzb'o 'ixm pan tza wa'aj, yet' pax 'a sat te 'a'nte 'aj tzcalx 'ixim.

Ex 9:18

Yuj cha, q'uic'an yab'n wal 'icha hora tic, ax wa'n 'ejm q'uen sacb'at 'a yib'n̈ jun chon̈b' tic, jun niwquil sacb'at to mant 'a 'aj tzyac' xon 'a yictax yel yich sb'o chon̈b' Egipto tic.

Ex 9:24

Man̈xtzac 'och wan sma'n sb'a c'u, man̈x yalnb'ilc q'uen sacb'at chi tz'ejmi, coplji yec' letz'lo'om, mant 'a 'aj tzb'inax jun 'ejmoc q'uen sacb'at chi 'a yol yic Egipto, 'icha jun 'ix yac' cha.

Jl 2:2

A 'a jun c'u cha, caw q'uic'q'uinl 'oj 'ajoc. 'Oj 'och q'ui'l 'asun, yuj cha, 'oj 'och wewen. A wal no c'ulub', lajn wal no 'icha eb' soldado caw niwn sb'isul. Caw b'essi sb'ey e no 'icha wal sb'ey b'essoc wewen, masnto tzmacchj 'el lum jolmctac witz yu'uj. Mant 'a 'aj ujnc jun tic jun 'ejmoc 'a yic yaln̈taxi, man̈x 'a pax b'a'n̈ 'oj 'ujc jun 'ejm xo.

Jl 2:9

A yic tzc'och no 'a junc chon̈ab', tojln̈ej sjen̈w 'ec' no 'a yib'n̈ smuroal, tojln̈ej yoch no 'a yol n̈a. Lajn no 'icha junc 'elc'm tz'och 'a te wentnu.

A Ch'an̈ Carta D'a Eb' Hebreo 11:27

Caw ya'jnac 'och Dios 'a sc'ojol. Yuj cha, yelt 'a yol yic Egipto cha. Ma'ix xiw jac yuj yowl sc'ojl win rey cha. Caw te'n yutjnac snab'en, 'icha to caw yiljnac jun matz tac' quilnec, atn Dios.