Ex 10:21 - Chuj San Sebastian Bible

²¹ 'Ix yaln pax Jehová 'ixtc 'a Moisés: —A ticnec, 'ij chan̈ a c'ab' 'a satcha'an̈, sec 'oj 'och q'uic'q'uinl 'a yol yic Egipto tic, xchi.

Chuj San Mateo Bible

²¹ Ix yalanxi Jehová d'a vin̈aj Moisés chi': —A ticnaic, ic'chaan̈ a c'ab', yic vach' sq'uic'b'iq'uinal d'a masanil yol yic Egipto tic. Yelxo val to q'uic'alq'uinal ol ajoc, xchi d'a vin̈.

Ex 10:21 Iomraidhean Croise

Job 5:14

Caw wal chimc'ual tzlaj telw 'ejm eb' 'icha to 'ac'wl xo 'ayc' eb'. Toxn̈ej tzlaj smachlc eb' tz'ec' eb'.

Salmos 105:28

'Ix ya' cot Dios jun niwquil q'uic'q'uinl 'a yib'n̈ eb' 'anma smasnil, palta ma'ix schaj eb' 'aj Egipto chi yab' tas xyal cha.

Salmos 35:6

Q'uic'q'uinl cab'i', n̈el-li cab' sb'e eb' 'aj tzb'eyi, ax cab' jun sat ángel chi tzpechn b'eyc'oc eb'.

Salmos 78:49

'Ix ya' cot Dios yowl sc'ojol yet' sc'a'lc'ojlal 'a yib'n̈ eb' 'aj Egipto cha, yuj cha, 'ix schecn cot yailal, somc'ojlal yet' chamel.

Ex 7:19

An̈jtona', 'ix yaln pax Jehová 'a Moisés 'ixtic: —Al 'a Aarón to tzya't sc'ab' yet' sc'occh 'a yib'n̈ smasnil a a 'a yol yic Egipto tic: a spac'b'a', a cotc a', a ton̈j pan̈n 'eq'ui, a 'ay 'a yol q'ue'en yet' a 'ay 'a yol jucub', 'oj 'och eb' a chic'al. An̈jtona a molb'il 'a yol b'el, 'a yol tzu, 'a yol q'uen ch'ub', c'uxn 'oj 'och a chic'al, xchi.

Ex 9:22

Xlajw cha, xyaln Jehová 'ixtc 'a Moisés: —'Ij chan̈ a c'ab' 'a satcha'an̈, sec 'oj cot niwc sacb'at 'a yib'n̈ smasnil 'anma', 'a yib'n̈ smasnil no noc', yet' 'a yib'n̈ smasnil 'awb'en 'ay 'a yol yic Egipto tic, xchi Dios.

Pr 4:19

Palta ax eb' maysch'olnil cha, a sb'eyb'al eb', lajn wal 'icha q'uic'q'uinal, yuj cha, matz yil eb' 'aj tztench eb' yoc.

Ec 2:14

A eb' 'ay sjelnal, caw tzya'ilj eb' 'aj tz'eq'ui, ax pax eb' may snab'en, 'icha to q'uic'q'uinl 'aj tzb'ey eb'. Palta xnachj 'el wu'uj, to lajnn̈ej tzon̈ 'ajc 'el'chi.

Ec 6:4

Wach'xam a jun 'unn cha, ton̈j tzsat 'ejmi, may 'aj tzb'inax jab'oc,

Ez 32:7

A yic 'oj ach in satnc 'el cha, 'oj 'och q'uic'q'uinl 'a satcha'an̈, ax stup yoc c'anal; 'oj 'och 'asn 'a sat c'u, ax stup pax yoc 'uj.

Mt 27:45

Ax 'a chimc'ual, 'ix 'och q'uiq'uinl 'a smasnil yolyib'n̈q'uinal, masnto 'a las tres.

Mr 15:33

Ax 'a chimc'ual, 'ix 'och q'uic'q'uinl 'a smasnil yolyib'n̈q'uinal, masnto 'a las tres.

Lc 23:44

A yic wan yoch chimc'ual, 'ix 'och q'uic'q'uinl 'a smasnil yolyib'n̈q'uinal, masnto 'a las tres.

Dt 1:30

A Jehová qui Diosalec, a 'oj b'ab'ljoc cujec, a 'oj 'a'noc owl cujec, 'icha wal cutjnaquec quiln tas 'ix sb'o 'a Egipto,

Dt 28:29

Toxn̈ej 'oj e machloc, yic 'oj e b'eyc' 'a chimc'ual, 'icha yec' machmnoc eb' toxn to matz uj yilni. Ax smasnil tas 'oj e b'o', may xon tas 'oj 'el'choc 'a wach'. Caw wal 'oj eyixtxi, 'oltac wal 'oj eyaji. Man̈x 'a mach 'oj stac' ex scolni.

Dt 4:34

¿Tom 'ay junc xo dios, tox x'i'n 'elt junc schon̈b' 'a scal junc xo chon̈ab' 'icha wal on̈ yutj Jehová on̈ yi'nec 'elt 'a Egipto? Til wal tas ujnac ta'. Eyiljnac milagro, xiwc'ojlal, owal. Yet' wal sjelnal on̈ yi'nec 'elt 'a Egipto cha.

A Schab'il Carta San Pedro 2:17

A eb' 'a'm 'es 'a qui calc tic, 'icha junc spac'b'a tupnc xo, 'ixta eb'. An̈jtona', 'icha junc 'asn ton̈j tzb'eyc' yuj 'ic', 'ixta pax eb'. Yowlal 'oj 'atcn eb' 'a 'aj caw q'uic'q'uinal. Ata 'oj can eb' 'a jun 'ejmn̈ej.

A Schab'il Carta San Pedro 2:4

Qui nac cot tas 'ajnc eb' ángel 'ochnc smul 'a Dios. Toxn ma'ix yac' niwnc'ojlal 'a eb'. Ton̈j xya'cn 'at eb' 'a infierno. Jalb'il can eb' ta yet' q'uen cadena. Preso yajcn eb' 'a q'uic'q'uinl ticnec, masnto 'oj b'eyc'ojlaxc eb'.

San Judas 1:13

'Icha wal tzyac' yib'n̈ a mar, caw ow sq'ue wan chel-loc, 'ixta 'eb', yujto toxn matz tac' stenx 'och wan eb' 'a maysch'olnil. 'Icha swom a a tzcan 'a sti', til wal tastc maysch'olnil 'aych 'a scal, 'ixta eb' yuj jun tzo'n̈ q'uixwelal chi tzb'o cha. Q'uinloc 'ay junc c'anal tzsat 'a sb'e, 'ixta eb'. Yowlal 'oj c'och eb' 'a scal jun niwquil q'uic'q'uinal. Ata 'oj can eb' 'a jun 'ejmn̈ej.

San Judas 1:6

An̈jtona', tze nan cot tas yaj jun tzo'n̈ eb' ángel, atn eb' yijnac 'el sb'a 'a yopiso, yactn can eb' yet'ul. Jalxnac can 'och q'uen cadena 'a eb' 'a jun 'ejmn̈ej. A ticnec, preso yaj eb' 'a q'uic'q'uinl yuj Dios. 'Ixta yajcn eb', masnto 'oj jawc jun c'u caw niwn yel'chi, atta 'oj b'eyc'ojlaxc eb'.

Apoc 8:12

'Ix yutz'n jun schan̈l ángel strompeta. Yajn̈j wal cha, jab'xoj man̈ spacloc x'aj sjuw c'u, yet' 'uj, yet' pax c'anal. Jab'xoj man̈ spacloc x'aj sq'uic'b' eb'. Yuj cha, junjn c'u man̈x 'a wal sacq'uinal, ax 'a junjn 'ac'wal, man̈x 'a wal yoc 'uj yet' c'anal.