Ex 10:12 - Chuj San Sebastian Bible

¹² Palta 'ix yaln pax Jehová 'ixtc 'a Moisés cha: —'A't a c'ab' 'a yib'n̈ lum Egipto tic, sec 'oj jawc no c'ulub', ax wul swach' c'uxnc no smasnil tas 'ix can yuj q'uen sacb'at, xchi.

Chuj San Mateo Bible

¹² Ix yalanxi Jehová d'a vin̈aj Moisés chi': —Ic'chaan̈ a c'ab' d'a yib'an̈ chon̈ab' Egipto tic, yic sjavi noc' c'ulub' ul sc'uxb'at masanil tastac ixto can yuj q'uen sacb'at chi', xchi.

Ex 10:12 Iomraidhean Croise

Salmos 105:34

Xyaln paxi to tzpitzw chan̈ no c'ulub', no tzc'uxn 'ejm smasnil 'awb'en. 'Ix c'och secnjoc e no', man̈x 'a yalnb'il sb'isl e no'.

Ex 10:15

Caw wal 'ix macchj 'el sat lum lum yuj no', man̈x 'a jac lum chequel. A jancto tas 'ix can yuj q'uen sacb'at cha, c'uxn 'ix lajw yuj no', man̈x 'a 'awb'en xcan yuj no'. Man̈x 'a jac 'ix can 'a sc'ab'te', 'ixta pax 'a jolmctac te', c'uxn 'ix lajw smasnil, cojxn̈ej te spenc 'ix cani.

Ex 7:19

An̈jtona', 'ix yaln pax Jehová 'a Moisés 'ixtic: —Al 'a Aarón to tzya't sc'ab' yet' sc'occh 'a yib'n̈ smasnil a a 'a yol yic Egipto tic: a spac'b'a', a cotc a', a ton̈j pan̈n 'eq'ui, a 'ay 'a yol q'ue'en yet' a 'ay 'a yol jucub', 'oj 'och eb' a chic'al. An̈jtona a molb'il 'a yol b'el, 'a yol tzu, 'a yol q'uen ch'ub', c'uxn 'oj 'och a chic'al, xchi.

Apoc 9:3

Til wal e no c'ulb' xq'uel 'a scal jun tab' cha. 'Ix laj pucb't e no 'a yolyib'n̈q'uinal. A e no c'ulb' cha, 'ix 'ajx spoder e no schiwj 'icha schiwj no sina'an.