Ex 1:9 - Chuj San Sebastian Bible

⁹ Yuj cha, 'ix yaln win rey chi 'a smasnil eb' schon̈b' chi 'ixtic: Tzeyil am ticnec, chajtlto a eb' israel tic, caw 'ec'b'alx sb'isl eb' 'ayn̈ec, yel xo pax caw 'ay yip eb' 'a quib'n̈ec.

Chuj San Mateo Bible

⁹ Tzam eyil ticnaic te tzijtum ix aj juntzan̈ eb' israel tic, yelxo val ay smay eb' d'a quichan̈.

Ex 1:9 Iomraidhean Croise

Gn 26:16

'Ix yaln win rey chi 'a Isaac chi 'ixtic: —'Eln̈ 'a tic, yujto yel xo rico ach 'a quib'n̈ on̈, xchi winac.

Gn 46:3

Xyaln Dios 'a 'ixtic: —An ton tic a Diosal in, sDiosal in pax a mam, man̈ ach xiw a 'at 'a Egipto, yujto ata 'oj wa'ch eb' en̈tl niwc chon̈b'al.

Job 5:2

A junc 'anma may snab'en, a yowl sc'ojl chi 'oj milnoc, ax mach tznib'n 'och junc tas, 'oj c'un cham yuj schichnc'ojlal.

Ex 5:5

¿Tom matz eyila to til xo wal eb' eyit chon̈b' chi 'a yol yic Egipto tic? Tzlajw cha, tzeyi'n 'ec' stiempo eb' 'a smunljel, xchi winac.

Pr 14:28

A junc rey 'aych yajlil 'a junc niwquil chon̈ab', caw wal b'inab'il si'mb'il; palta toto yunen̈ej junc chon̈b' 'aj 'aych yajlil, to 'ixta', 'oj lajwoc 'ejmi.

Pr 27:4

A c'a'lc'ojlal yel xo wal tu', niwn tas tzjuw 'el yu'uj. Ax pax chichnc'ojlal, toc 'ay mach tztac' scoln sb'a 'a 'a.

Ec 4:4

Xwiln paxi, 'ay 'aj caw tzcob' quixtquec qui b'a qui munlji yic tzcob' qui nib'noquec q'ue'ch qui b'a yet' tas 'ay 'ayn̈ec. Nab'an̈ej jun tzon̈ munljel cha, yujto lajn wal 'icha yic tzcob' qui pechnec qui b'a yet' 'ic' yic tzcob' ca'lnoc qui yamni.

Tito 3:3

Yujto an̈ tic 'a yic yalan̈, caw may jac qui nab'en. Man̈ on̈ yiclumoc 'a Dios. Caw satnc on̈ to ta'. Caw ca'jnac servil jun tzo'n̈ tzann̈j maysch'olnil qui nib'jnac 'ochi. Caw maysch'olnil qui b'eyb'al ta'. Caw on̈ chichn 'och 'a eb' quit 'anmal yuj tastc 'ay 'a 'a. Yajb'iln̈ 'el yuj eb'. An̈jtona', xlaj qui yaj qui b'a junjn on̈ ta'.

Santiago 4:5

¿Tom tze na'a, to may yel'ch tas tzyal spaxti Dios 'a Ch'an̈ U'un̈ 'a 'aj tzyal 'ixtic: A Dios 'ix 'a'n 'och cajn Yespíritu 'ayn̈ junjn on̈. Caw wal tznib'j Yespíritu cha, to yic on̈cn̈ej 'a jun 'ejmn̈ej, xchi.