Ex 1:8 - Chuj San Sebastian Bible

⁸ 'Ix 'ec' jun tiempoal yuj eb' ta', ax x'aji 'ix 'och junx win rey 'a Egipto cha, man̈x 'ojcab'ilc José yuj winac.

Chuj San Mateo Bible

⁸ Nivanxo tiempo ayec' eb' ta', axo ix aji, ix och junxo vin̈ rey d'a Egipto chi'. Man̈xo yojtacoc jab'oc yab'ixal vin̈aj José chi' vin̈. Ix yalan vin̈ d'a smasanil eb' chon̈ab':

Ex 1:8 Iomraidhean Croise

Salmos 105:25

'Ix sjeln Dios snab'en eb' 'aj lugar cha, sec tz'och eb' 'ajc'ojlal 'a eb' schon̈b' cha, 'ixta x'aj yixtx eb' schecb' Dios chi yuj eb'.

Ex 3:16

'Ixic, 'at yamb'tzej eb' yichm wincal chon̈b' Israel, tzaln 'a eb' 'ixtic: A Jehová qui Diosalec yet' eb' qui mam quicham, atn Abraham, Isaac yet' Jacob, a 'ix sch'ox sb'a 'ayin, 'ix yaln 'ixtic: Wal yel tzwil tas tz'aj eyixtx 'a Egipto.

Ex 3:7

'Ix yaln Jehová 'ixtic: —Wal yel caw wal 'oltac tz'aj eb' in chon̈b' yab'n syal 'a Egipto, tzwab' yoc' eb' yuj tas tz'aj yixtx yuj eb' 'aych yilmalc eb'. Wojtac to caw wal 'oltac tz'aj eb' in chon̈ab'.

Ex 3:9

Caw wal tzq'ue'ch yaw eb' et israelal yawj 'ayin, yujto til wal tz'aj eb' yixtx 'a 'aj 'aych mosoal cha.

Ec 9:15

Palta a 'a jun yune chon̈b' cha, ata cajn jun win meb'a winac, cojn b'i'an to caw wal jelan. Tecn xtechj scoln jun chon̈b' chi yet' sjelnal cha, palta may mach xchan 'ab'nc tas xyala, may xon mach xyiclni.

A Tas Sc'ulejnac Eb' Schecab' Jesús Hechos 7:18

C'ojnc'ojnilt 'ix 'och junx win sreyl Egipto. A win cha, man̈x yojcoc win yab'xil José, yujto pectitax chamnac.

A Tas Sc'ulejnac Eb' Schecab' Jesús Hechos 7:19

A win rey cha, caw xyixtj win eb' qui mam quichmec cha. Caw xyac' win stul 'a eb'. 'Ix yaln win 'a eb', to yowlal tzjulx 'el jantcn̈ej swinc 'unnal eb' tzat 'alji, sec mun tzlaj cham eb'.

Dt 26:6

Palta caw 'oltac x'aj eb' yuj eb' 'aj Egipto cha. 'Ix yab' eb' syal si'mb'il, yic x'ajx 'och eb' 'a munljel caw ya.

Jueces 2:10

'Ix cham pax smasnil eb' yit israelal jun x'ec' yet' 'a yic jun tiempoal cha. Ax eb' tza'n to 'a eb', caw man̈x yojcoc eb' Jehová, man̈x yojcoc pax eb' tas sb'ojnac yuj eb' schon̈b' cha.