Ester 9:29 - Chuj San Sebastian Bible

²⁹ Ax pax 'ix reina Ester yisl win Abihail, yet' Mardoqueo win israel, 'a sb'i yopiso eb', 'ix stz'ib'n eb' junx ch'an̈ carta yuj q'uin̈ yic Purim, yic tzwach' 'ajx 'och yip ch'an̈ b'ab'l carta.

Chuj San Mateo Bible

²⁹ Axo ix reina Ester yisilcan vin̈aj Abihail yed' vin̈aj Mardoqueo vin̈ israel, a d'a sb'i yopisio eb' chi', ix schec eb' tz'ib'chajb'at yuj q'uin̈ yic Purim chi', yic svach' ac'chajoch yip jun ix schec b'ab'laj tz'ib'chajb'at eb'.

Ester 9:29 Iomraidhean Croise

Ester 2:15

Ax x'aji, a yic xjaw stzol-l yic 'ix Ester, 'ix yisl win Abihail yican Mardoqueo, yic tz'at 'ix wayc yet' win rey, cojn wal tas 'ix yal Hegai win yilmal eb' 'ix 'ix, cojn chi xyij 'at 'ix. Caw wach' 'ix Ester chi 'a sat smasnil eb' tztan̈wni 'ix.

Ester 3:15

Wal 'a yajn̈ej 'ix spucn 'el eb' checb' chi ch'an̈ un̈ 'aj tz'ib'b'il jun ley cha, a tzyal xyutj win rey yalni. 'Ix alx 'el jun paxti chi mu'c 'a yol chon̈b' Susa. Ya' sb'a wan yu'w 'an̈ win rey yet' win Amán, ax eb' 'anma 'a chon̈b' Susa cha, caw wal somchj chan̈ eb' yuj jun paxti cha.

Ester 8:10

A jun tzo'n̈ carta 'aj stz'ib'x jun ley cha, 'ix yac' pax win rey seyo 'a ch'an̈. Xlajw cha, x'ajx ch'an̈ 'a eb' checab', ax eb' x'i'n 'at ch'an̈, xq'ue eb' 'a yib'n̈ e no chej caw jeln sb'eyi, atn e no schej win rey 'ayc' 'a scabayerisa.

Ester 9:20

'Ix stz'ib'n Mardoqueo smasnil jun tzo'n̈ tas 'ix uj tic, xya'n 'at scarta 'a smasnil eb' yit israelal cajn 'a yol smacb'en win rey Asuero, 'a eb' cajn 'a lac'an, yet' pax 'a eb' cajn 'a najat.

Ester 9:21

'Ix yaln 'ati, to a 'a junjn ab'il 'a yic chan̈lajn̈e' yet' 'a yic olajn̈e yoch jun 'uj Adar, yowlal tznax q'uin̈ ta'.

Ester 9:28

'Ixta x'ajcni, sec tznax cot yuj smasnil yin̈tl eb' israel 'a junjn niwc chon̈ab' yet' 'a jun tzo'n̈ xo chon̈ab', to yowlal tzna cot eb' q'uin̈ Purim chi 'a smasnil tiempo.