Ester 9:2 - Chuj San Sebastian Bible

² A 'a smasnil yol smacb'en win rey Asuero, c'uxn 'ix syam sb'a smasnil eb' israel 'a junjn chon̈b' 'aj 'ayq'ui, syamn 'och eb' ya'n owl yet' eb' xnib'n milnc cham eb' cha. Toc 'ayt junc mach ste'wtzej sb'a 'a yojltac eb', yujto tox x'och xiwc'ojlal 'a scal eb' 'anma smasnil.

Chuj San Mateo Bible

² A d'a masanil yol smacb'en vin̈aj rey Asuero chi', ix smolb'ej sb'a masanil eb' israel d'a junjun chon̈ab' b'ajtac ay eb'. Ix syamanoch eb' yac'an oval yed' eb' ix snib'ej satanel eb' chi'. Man̈xa junoc mach ix stec'b'ej sb'a d'a yichan̈ eb' israel chi', yujto toxo ix och xivc'olal d'a scal eb' anima smasanil.

Ester 9:2 Iomraidhean Croise

Gn 35:5

A yic x'elt eb' 'a jun lugar cha, a Dios x'a'n xiwc'ojlal 'a yib'n̈ smasnil eb' chon̈b' 'ayc' 'a stz'ey eb' cha, yuj cha, may eb' 'anma xpechn eb'.

Ester 8:11

A 'a ch'an̈ carta cha, ata xyalb't win rey chajtlto tztac' scoln sb'a eb' israel yaln̈j tas chon̈b'al 'aj 'ayc' eb'. Yowlal jun yamn tz'aj eb' yic tztan̈wni sb'a eb'. Toto 'ay eb' 'ajc'ojl tzc'och 'a eb', tztac' smilx cham eb' 'ajc'ojl chi yuj eb', tzsatx 'el eb' yuj eb' 'a jun 'ejmn̈ej. Ax eb' tz'i'n can tas 'ay 'a eb' 'ajc'ojl cha, atn eb' tzyac' owl yet' eb', yaln̈j tas chon̈b'al tz'och 'ajc'ojlal 'a eb', tojln̈ej scham eb' yet' yistzil yet' pax yunnal eb'.

Ester 8:17

A yic xc'och jun ley chi 'a smasnil lugar yet' 'a smasnil chon̈ab', a smasnil eb' israel cha, caw wal stzalj chan̈ eb'. 'Ix ya'n 'och eb' jun q'uin̈, 'ix laj wa eb'. Til wal eb' 'anma 'aj chon̈b' chi xya'ch sb'a israelal yet' eb' israel cha, yuj xiwc'ojlal eb' 'a eb'.

Ester 9:10

yunnal win Amán eb' slajn̈wan̈il, atn win 'ochnc 'ajc'ojl 'a eb' israel. May xon wal jac tas 'ay 'a eb' xcham chi 'ix yij 'at eb' israel cha.

Salmos 71:13

A eb' 'ajc'ojl yajch 'ayin, q'uixw cab' can 'el eb', sat cab' can 'el eb'. May cab' jac yel'ch tz'ajcn eb' tznib'n b'onc tas tu 'a in patic.

Salmos 71:24

'Oj wal-l pax a tojlal 'a junjn c'u, ax eb' tznib'n b'onc tas tu 'a in patic, somchj cab' 'el eb', q'uixw cab' pax 'el eb'.

Ex 23:27

'Oj in xib'tc eb' 'anma tzchichn 'och 'ayex, ax wa'n somchjoc 'el eb' tzeyac' owl yet'oc. Smasnil eb' 'ajc'ojl yajch 'ayx 'a junjn chon̈b' 'aj 'oj eyeq'ui, an 'oj wac' 'at eb' 'elc 'ayex.

Is 8:9

Ex nacion̈, yamc e b'a yic tzex cot 'a owal, palta toxn to 'oj e satli; ex nacion̈ 'ay 'a najat, 'ab'tec wali, nab'a cob' tzeyij cot eyamc'ab' yic owal, toxn to 'oj e lajw 'eli.

Dt 2:30

Palta ax win rey Sihón cha, ma'ix yal sc'ojl win on̈ 'e'tec 'a sat slum cha, yujto a Jehová qui Diosalec, a x'a'n sna winac, to matz on̈ schajec 'e'ta, sec wach' tzcan win 'a yol qui c'ab'ec, 'icha ton wal wan yuj tic.

Josué 11:20

A Jehová x'a'n pitb'oc 'el snab'en eb' 'ajc'ojl cha, sec tzte'wtzej sb'a eb' ya'n owl yet' eb' israel, yic tzsatl eb' smasnil yuj eb' israel cha. May junc eb' 'aj x'o'ch sc'ojl eb', 'icha wal yaj yaln can Jehová 'a Moisés.

Josué 2:9

—Wojc an tic, to a Jehová a tz'a'n jun lum tic 'ayex. A pax tzon̈ 'a'n 'och 'a xiwc'ojlal qui masnil 'a jun tzo'n̈ lugar tic on̈. Man̈x on̈ 'anmac tzcab'i yic tzcab'n eyab'xil.