Ester 8:17 - Chuj San Sebastian Bible

¹⁷ A yic xc'och jun ley chi 'a smasnil lugar yet' 'a smasnil chon̈ab', a smasnil eb' israel cha, caw wal stzalj chan̈ eb'. 'Ix ya'n 'och eb' jun q'uin̈, 'ix laj wa eb'. Til wal eb' 'anma 'aj chon̈b' chi xya'ch sb'a israelal yet' eb' israel cha, yuj xiwc'ojlal eb' 'a eb'.

Chuj San Mateo Bible

¹⁷ Ayic ix c'och jun ley chi' d'a masanil lugar yed' d'a junjun chon̈ab', masanil eb' israel ix te tzalaji. Ix yac'anoch jun q'uin̈ eb', ix va eb'. Tzijtum eb' anima d'a junjun chon̈ab' ix yac'och sb'a israelal yed' eb', yujto xiv eb' d'a eb' israel chi'.

Ester 8:17 Iomraidhean Croise

Gn 35:5

A yic x'elt eb' 'a jun lugar cha, a Dios x'a'n xiwc'ojlal 'a yib'n̈ smasnil eb' chon̈b' 'ayc' 'a stz'ey eb' cha, yuj cha, may eb' 'anma xpechn eb'.

Nehemías 8:10

An̈jtona', xyaln pax Esdras 'a eb' 'ixtic: 'Ixquec wa'oc. A wal tas wach' tzlaj e c'uxu', tzeyu'n yal uva caw wach'. A eb' may yic b'ob'il yu'uj tzeyawtj eb' wac eyet'oc, yujto a jun c'u tic yic Jehová qui Diosalec yaji. Man̈ ex cusoc, yujto a tzaljc'ojlal tzyac' Jehová, atn wal 'aych qui te'naloc, xchi 'a eb'.

Ester 9:19

Ax pax eb' israel cajn 'a jun tzo'n̈ xo chon̈ab', yet' 'a jun tzo'n̈ aldea to may smuroal schon̈ab', a 'a yic chan̈lajn̈e yoch 'uj Adar sb'i, ata xya'ch eb' q'uin̈ 'a tzaljc'ojlal, 'ix laj siylan eb' tastc 'a 'a.

Ester 9:2

A 'a smasnil yol smacb'en win rey Asuero, c'uxn 'ix syam sb'a smasnil eb' israel 'a junjn chon̈b' 'aj 'ayq'ui, syamn 'och eb' ya'n owl yet' eb' xnib'n milnc cham eb' cha. Toc 'ayt junc mach ste'wtzej sb'a 'a yojltac eb', yujto tox x'och xiwc'ojlal 'a scal eb' 'anma smasnil.

Ester 9:22

Yujto a 'a jun tzo'n̈ c'u cha, ata 'ix yac' lajwc eb' israel eb' 'ajc'ojl yajch 'a 'a. A wal 'a jun c'ul cha, 'aych wal eb' 'a 'oq'uel, tz'el yaw eb' yuj chamel. Palta 'ix jelmji, tzaljc'ojlal xo x'aj 'el'chi. Yuj cha, a 'a jun tzo'n̈ c'u cha, ata tzna eb' q'uin̈, tzsiyn eb' tastc 'a 'a, tzya'n eb' scolwal 'a eb' meb'a'.

Ester 9:27

a chi 'ix sb'eylb'ej eb' israel chi yet' yin̈til, yet' pax smasnil eb' tzya'ch sb'a israelal yet' eb'. Yowlal tzna eb' chab' c'u q'uin̈ chi 'a junjn ab'il, 'icha 'ix 'aj yalxcani.

Ester 9:3

Smasnil eb' niwc yajl 'ay yopiso 'a junjn chon̈ab', yet' eb' to niwc yel'ch yopiso 'a yol smacb'en win rey, c'uxn xya'ch sb'a eb' yet' eb' israel, yujto caw tzxiw eb' 'a Mardoqueo,

Salmos 105:38

Caw wal stzalj eb' 'aj Egipto cha, yic xyiln eb' yelt eb', yujto caw 'aych eb' 'a xiwc'ojlal yuj eb'.

Salmos 18:43

In a colcn 'el 'a yol sc'ab' eb' chon̈ab', in a'n 'och syajlilc niwc chon̈ab'. A eb' 'anma man̈ wojcoc, a eb' tzin 'a'n servil.

Ex 15:16

Mamin Jehová, xiw cab' chan̈ eb' yajl cha, sicb'oc cab' can 'el eb'. 'Icha cab' q'uen tz'ajcn eb' yuj a poder, masnto 'oj que'cn an̈ colb'iln̈ 'el 'oj tic.

Dt 11:25

May xon junc mach 'oj ste'wtzoc sb'a 'a eyojltac. A Jehová qui Diosalec, a 'oj 'a'noc 'och eb' 'anma chi 'a xiwc'ojlal, ax stac chan̈ sc'ojl eb' 'aj 'oj eyec' cha, 'icha wal 'ix yutj yaln cani.

Dt 2:25

Wal 'a jun c'u tic, tz'el yich wa'n xiwc'ojlal 'a smasnil eb' chon̈b' 'ay 'a sat lum lum tic. A yic 'oj laj yab'nc eb' yalx eyab'xil, caw wal 'oj xiw chan̈ eb'. 'Oj laj 'ib'xoc chan̈ eb' yuj xiwlal. Caw 'ayxn̈ej xiwc'ojlal eb', xchi Dios, xchi Moisés.

Josué 2:11

Caw wal tzon̈ xiw chan̈ cab'n eyab'xil. Toc 'ayt junc on̈ tzqui te'wtzej qui b'a 'a eyojltac, yujto a Jehová e Diosal, sDiosal pax tas 'ay 'a satcha'an̈ yet' tas 'ay 'a sat lum lum tic.

Josué 2:9

—Wojc an tic, to a Jehová a tz'a'n jun lum tic 'ayex. A pax tzon̈ 'a'n 'och 'a xiwc'ojlal qui masnil 'a jun tzo'n̈ lugar tic on̈. Man̈x on̈ 'anmac tzcab'i yic tzcab'n eyab'xil.

A Ch'an̈ B'ab'el Libro Samuel 25:8

Tztac' tza c'anb'j jun tzo'n̈ tic 'a eb' a checb' cha, 'oj yal eb' 'ayach chajtlto yel. Sc'ul wal a nan a q'uin̈ on̈ jaw on̈, yuj cha, tztew David 'ayach, to tzon̈ 'a chaj 'a tzaljc'ojlal. Tza'n tastc 'ay 'a yol a c'ab' 'ayn̈ on̈, yet' 'a jun a wach'c'ojl cha, xe chi 'a 'a, xchi David.