Ester 8:11 - Chuj San Sebastian Bible

¹¹ A 'a ch'an̈ carta cha, ata xyalb't win rey chajtlto tztac' scoln sb'a eb' israel yaln̈j tas chon̈b'al 'aj 'ayc' eb'. Yowlal jun yamn tz'aj eb' yic tztan̈wni sb'a eb'. Toto 'ay eb' 'ajc'ojl tzc'och 'a eb', tztac' smilx cham eb' 'ajc'ojl chi yuj eb', tzsatx 'el eb' yuj eb' 'a jun 'ejmn̈ej. Ax eb' tz'i'n can tas 'ay 'a eb' 'ajc'ojl cha, atn eb' tzyac' owl yet' eb', yaln̈j tas chon̈b'al tz'och 'ajc'ojlal 'a eb', tojln̈ej scham eb' yet' yistzil yet' pax yunnal eb'.

Chuj San Mateo Bible

¹¹ A d'a jun ley ix yalb'at vin̈ rey chi', yaln̈ej tas chon̈ab'il b'aj ayec' eb' israel chi', syal smolb'an sb'a eb' yic scolan sb'a eb'. Tato ay eb' ajc'ol yaln̈ej tas chon̈ab'il sc'och d'a eb' yed' syamc'ab' yic oval, syal satanel eb' ajc'ol chi' eb'. Yed' pax yetb'eyum yed' yalyuninal eb' ajc'ol chi' syal satanel eb'. Syic'ancanec' eb' tas ay d'a eb' ajc'ol chi'.

Ester 8:11 Iomraidhean Croise

Ester 3:13

Wal 'a yajn̈ej, 'ix 'ajx 'at eb' checb' 'a smasnil chon̈b' 'ay 'a yol smacb'en win rey cha. A 'a jun ley cha, ata tzyala chajtlto junn̈j c'u 'oj satxoc 'el eb' israel smasnil, tzyal 'el'chi smasnil eb' winac, eb' 'ix 'ix, eb' 'ichmtac 'anma' yet' smasnil eb' 'unin; tzlajw cha, tz'ijx can 'ec' smasnil tas 'ay 'a eb'. A jun cha, tz'el'ch 'a yol jun 'uj Adar sb'i.

Ester 9:18

Yujto a eb' israel cajn 'a chon̈b' Susa cha, 'ix syam sb'a eb' yuj scoln sb'a 'a yic 'oxlajn̈e yoch 'uj, yet' pax 'a yic chan̈lajn̈e yoch 'uj cha, yuj cha, at 'a yic olajn̈e yoch 'uj cha, atta 'ix 'ilj eb', xya'n 'och eb' jun q'uin̈, caw xwa eb' 'a tzaljc'ojlal.

Salmos 137:8

Ex 'aj Babilonia, jab'xoj wal 'oj e satli. Caw wach' yic eb' 'oj 'a'nc qui pac yuj tas on̈ eyutj on̈.

Salmos 68:3

Palta ax eb' wach' sb'eyb'al, caw 'oj tzaljoc eb' 'a yojltac Dios. 'Oj b'atjoc chan̈ eb' yuj tzaljc'ojlal.

Is 10:6

A win tzin checb't mu'c 'a junc nacion̈ may wel'ch 'a sat, atn 'a eb' chon̈b' tzuntzj cot wowal, tzya'n owl yet' junc nacion̈ cha, tzyi'n can 'ec' tas 'ay 'a eb' 'anma', tzte'n can 'ejm junc nacion̈ chi 'icha ste'x can 'ejm lum b'i'ch 'a yol caye.

Ez 39:10

An Jehová in, an tzwala. Man̈x yowlalc 'oj 'at eb' israel chi say sc'atztz 'a najat, man̈x 'oj 'at yic' eb' sc'atztz 'a calte', yujto a jun tzo'n̈ yamc'ab' yic owl chi 'oj sc'atztzoc eb'. 'Ixta wal 'oj yutc eb' yi'n can pax 'ec' tas 'oj wul yi'cc eb' 'ajc'ojl chi 'a eb'.