Ester 8:10 - Chuj San Sebastian Bible

¹⁰ A jun tzo'n̈ carta 'aj stz'ib'x jun ley cha, 'ix yac' pax win rey seyo 'a ch'an̈. Xlajw cha, x'ajx ch'an̈ 'a eb' checab', ax eb' x'i'n 'at ch'an̈, xq'ue eb' 'a yib'n̈ e no chej caw jeln sb'eyi, atn e no schej win rey 'ayc' 'a scabayerisa.

Chuj San Mateo Bible

¹⁰ Ix ochpax sello vin̈aj rey Asuero d'ay yic scheclaji to a vin̈ tz'alani. A eb' ix b'at spuc jun ley chi', a d'a yib'an̈ noc' chej jelan sb'eyi, aton noc' schej vin̈ rey ayec' d'a yed'tal, ata' ix q'ue eb'.

Ester 8:10 Iomraidhean Croise

A Ch'an̈ B'ab'el Libro Yic Yab'ixal Eb' Rey 21:8

Xlajw cha, stz'ib'n 'ix jun tzo'n̈ carta 'a sb'i win Acab, xya'n 'ejm 'ix seyo win 'a eb' ch'an̈ carta cha, 'ix ya'n 'at 'ix 'a ewin 'ichmtac winac, yet' 'a eb' yajl 'a jun chon̈b' 'aj cajn win Nabot cha.

A Ch'an̈ B'ab'el Libro Yic Yab'ixal Eb' Rey 4:28

A mach 'aych 'a stzol-l yi'n cot jun tzo'n̈ cha, tzyij cot 'ixm cebada, yet' yan̈ no chej, yet' pax yic jun tzo'n̈ xo no 'ictzum noc', tz'at can 'a slugar 'aj 'ayc' cha.

2 Cr 30:6

Xlajw cha, 'ix 'at eb' schecb' win rey 'a smasnil yol yic Israel yet' 'a yol yic Judá yet' ch'an̈ scarta win rey yet' eb' yajl yaj yet'oc. Xchi 'a ch'an̈ carta chi 'ixtic: Ex quit israelal on̈, meltzjan̈c 'a Jehová qui Diosalec, atn sDiosal Abraham, Isaac yet' Israel, sec 'oj meltzjoc pax cot Dios 'ayex, ex to 'atnc 'ex 'elc 'a yol sc'ab' eb' sreyl Asiria.

Ester 8:8

A ticnec, tz'ib'jec 'at 'icha wal tas tze na'a, yuj e wach'loc yet' smasnil eb' eyit chon̈b' cha. Tzeya'n 'och in b'i, yet' pax in seyo yic wopiso 'a ch'an̈, yujto a junc ch'an̈ un̈ 'aj 'aych in b'i, 'aych pax in seyo 'a 'a, caw matz tac' stenx 'ec' tas tzyala, xchi winac.

Job 9:25

A jab' in q'uinl tic, caw wal ji'lti yec' muc'uc, may xon pax 'aj xwil jac tzaljc'ojlal.

Ec 8:4

Cojxn win rey chi tztac' yaln slajb' junc paxti', may mach 'oj stac' sc'anb'n yab'i', tas tzb'o winac.

Is 60:6

Ax eyilni to til wal 'oj jawc eb' 'anma 'ayx yet' scameyo: 'Ay eb' 'oj cot 'a Madián. 'Ay eb' 'oj cot 'a chon̈b' Efa, 'oj jawc smasnil eb' 'aj Sabá. Caw 'al yaj eb' yet' yicatz ax sjaw eb', yet' eb' q'uen oro yet' incienso. 'Oj yaln eb' swach' paxti 'ayn an Jehová in, yujto satjub'tac yilx tas tzin b'o yil eb'.

Is 66:20

An Jehová in, an tzwala. A eb' 'anma 'a jun tzo'n̈ nacion̈ cha, 'oj yi' paxt eb' nan̈loc eb' eyit chon̈b' chi 'ayc' 'a scal eb' cha. 'Ay eb' 'oj 'ijxoc cot 'a yib'n̈ chej, 'ay eb' 'a yol caruaje, 'ay eb' 'a yib'n̈ b'achte', 'ay eb' 'a yib'n̈ no mula, yet' pax 'a yib'n̈ no cameyo. 'Icha wal tz'aj yijx cot junc ofrenda 'ayin, 'ixta 'oj 'aj yijx paxt eb' 'a Jerusalén 'a 'aj 'ay lum tzaln 'aj tz'och 'emmquilal 'ayin. Lajn 'oj 'aj yijx cot eb' 'icha tz'aj yi'n cot eb' israel ofrenda tz'em 'a yol jun tzo'n̈ 'ac' waso 'ay 'a watut.

Jeremías 2:23

'Oj cob' eyal 'ixtic: An̈ tic on̈, may on̈ x'och qui mul on̈, may on̈ xcac' 'emmquilal 'a jun tzo'n̈ comn dios, 'oj e chioc. Nac coti, tas xeyutj e b'eyb'al 'a yic 'ayx 'ec' 'a lum niwn pan̈an. Nac coti, tas wal 'ix 'el e b'on ta', ton̈j tzex comn oyb'x 'ec' 'a smasnil lugar yuj eya'n 'emmquilal 'a jun tzo'n̈ comn dios, 'icha tzyac' junc no nun cameyo tzoyb'x 'ec' sayn 'ec' no smam.

Jeremías 51:21

Xin mil cham no chej yet'oc, yet' eb' 'ay q'ue 'a yib'n̈ no', yet' jun tzo'n̈ caruaje, yet' pax eb' 'aych 'a yojol.

Dn 4:1

'Ix yaln win rey Nabucodonosor jun tzo'n̈ spaxti tic 'ixtc 'a smasnil eb' chon̈b' 'ay 'a yol smacb'en: An reyn tic, tzwac' stzatzl e c'ojl e masnil ex chon̈ab', ex nacion̈, wach'xam chucchc e ti tzeyala, ex to cajn ex 'a sat smasnil lum lum tic.

Dn 6:8

A ticnec jun mamin rey, 'ac' a firma 'a jun ley tic, sec wach' may junc mach tztac' sjelni, a tzyal yaln qui leyl an̈ 'aj Media yet' an̈ 'aj Persia on̈ tic, to man̈xtzac 'ec' jun ley cha, xchi eb'.