Ester 7:6 - Chuj San Sebastian Bible

⁶ —A jun 'ajc'ojl tu snab'en cha, atn ton win Amán tic, xchi 'ix. A wal yic xyab'n win Amán jun paxti cha, caw wal sacb'el sat win yuj xiwlal 'a yojltac win rey yet' 'a yojltac 'ix reina Ester.

Chuj San Mateo Bible

⁶ Ix yalan ix icha tic: —A vin̈ ajc'ol chuc spensar chi', aton vin̈aj Amán tic, xchi ix. A val yic ix yab'an jun lolonel vin̈aj Amán chi', sacxon̈ej ix aj yilji sat vin̈ yuj xivelal d'a yichan̈ vin̈ rey yed' d'a yichan̈ ix reina Ester chi'.

Ester 7:6 Iomraidhean Croise

Nehemías 6:16

A yic 'ix yab'n smasnil eb' 'ajc'ojl yajch 'ayn̈ on̈, yet' jun tzo'n̈ xo nacion̈ 'ay 'a qui la'nil, caw 'ix xiw eb'. 'Ix can eb' 'a yalan̈, yujto sb'an̈jnac sb'a eb', 'ix yojquej 'el eb' to yuj scolwal Dios 'ix b'o jun munljel cha.

Ester 3:10

Xlajw cha, 'ix yi'n 'elt win rey scolc'ab' 'aj 'aych seyo, 'ix ya'n 'a win Amán, win 'ajc'ojl yajch 'a eb' israel.

Ester 7:5

Yuj cha, sc'anb'n win rey Asuero chi 'a 'ix 'ixtic: —¿Mach wal jun cha? ¿'Ajtil 'ay jun chi tznib'n b'onc jun tzo'n̈ chi tzal cha? xchi winac.

Ester 8:1

A 'a yic jun c'u cha, a smasnil tas 'ay 'a win Amán, win 'ajc'ojl yajch 'a eb' israel, 'ix yac' win rey chi yico'oc 'ix reina Ester. Ax pax win Mardoqueo, 'ix 'ajx pax jun niwquil 'opiso 'a win yuj win rey cha, yujto tox 'ix yal Ester chajtlto yican sb'a 'ix yet' winac.

Salmos 27:2

A eb' tzb'on maysch'olnil yet' eb' 'ajc'ojl yajch 'ayin, syam sb'a eb' 'a in patic, yic tzin satn 'el eb' snani, palta mun a eb' 'oj lajwc 'eli.

Pr 16:14

A yowl sc'ojl win rey, chaml tzyij coti, ax eb' jeln snab'en, a eb' tzsayn sb'omb'il tas tz'aj yec' yowl sc'ojl win cha.

Ec 5:8

Man̈ sat qui c'ojlec quiln tz'aj yixtx eb' meb'a 'a 'aj matz yiclx tojlal, yujto a eb' 'ay yopiso, tzcolx eb' yuj jun tzo'n̈ xo eb' niwc yopiso. Ax eb' cha, tzcolx eb' yuj jun tzo'n̈ xo eb' yel xo niwc yopiso 'a yib'n̈ eb'.

Is 21:4

Caw somchjnac in nab'en, tu tz'aj in c'ojl yuj tas 'ay smay. May xon tas tzin na 'a junjn yemc'ual yic tzsicb' yoc c'u, palta ax ticnec, 'ix smeltztej 'och sb'a 'a xiwc'ojlal 'ayin.

2 Ts 2:8

At wal ta 'oj checljoc can 'el jun win syajlil maysch'olnil cha. Palta a Cajlilec, 'oj yutz'c cham yet' yic'. A yic 'oj jawc Cajlilec 'a scal stzictznial, ax satcn 'ejm win yu'uj.

A Ch'an̈ B'ab'el Libro Samuel 24:13

'Ay jun paxti tzyal eb' 'anma pecti 'ixtic: A maysch'olnil, ata tzcot 'a eb' maysch'olnil, xchi. Yuj cha, may xon b'a'n̈ 'oj wi' chan̈ in c'ab' 'aych mamin rey.