Ester 7:10 - Chuj San Sebastian Bible

¹⁰ 'Ix slocn q'ue eb' win Amán 'a te 'oy ya'jnac b'o yuj Mardoqueo. 'Ixta x'aj sicb' yowl sc'ojl win rey cha.

Chuj San Mateo Bible

¹⁰ Yuj chi' ix q'ue locan vin̈aj Amán chi' d'a te', aton te' ix sb'oq'ue vin̈ yuj vin̈aj Mardoqueo yalani. Icha chi' ix aj sicb'i yoval sc'ol vin̈ rey chi'.

Ester 7:10 Iomraidhean Croise

Gn 40:22

Ax pax win syajlil eb' tzb'on 'ixm pan cha, 'ix yac' win rey locxoc q'ue win 'a jun te te', 'icha wal xyutj José yalni.

Ester 2:1

'Ix 'ec' junc tiempoal, 'ix sicb' yowl win rey Asuero cha, 'ix snan cot win 'ix Vasti yuj tas sb'ojnac, yet' pax yuj ley tox x'ajx 'el 'a yib'n̈ 'ix.

Ester 5:14

Yuj cha, 'ix yaln 'ix yistzil win cha, yet' pax eb' swach'c'ojl win chi 'a 'ixtic: —'Ac' b'o junc te 'oy, jun ch'an̈l tz'aj ste'il, ax q'ui'n 'a sq'uin̈b'ial, tza c'ann 'a win rey to tzq'ue locn win Mardoqueo chi 'a te', yic wach' caw tzaljc'ojlal 'oj a wa yet' win rey chi q'uic'an, xchi eb'. A wal jun nab'en cha, caw schaj sc'ojl win Amán, yuj cha, 'ix ya'n win b'o jun te 'oy cha.

Ester 7:7

Yuj cha, 'ix q'ue wan win rey, caw wal 'ay cot yowl si'mb'il. 'Ix 'elt win 'a yol n̈a 'a 'aj tzwa eb' cha, x'el-l 'a 'aj 'ay te nichte 'a sti sdespacho. Palta ax Amán, a yic xyilni to 'oj 'ajxoc 'och chaml 'a yib'n̈ yuj win rey, 'ix cancn 'a yol n̈a cha, 'ix tew 'och 'a 'ix reina Ester, sec tzcolchji.

Ester 7:8

A yic 'ix 'ochx c'och win rey 'a yol n̈a 'a 'aj tzwa eb' cha, ax xyiln winac cumn 'ejm win Amán 'a stz'ey 'aj wocn 'ejm 'ix reina Ester cha, 'ix yaln win rey chi 'ixtic: —¿Tom tza nib'j tzach muln yet' 'ix reina tic 'a yol watut tic? xchi winac. A yic xyaln win rey jun tzo'n̈ paxti cha, wal 'a yajn̈ej xcot jun tzo'n̈ eb' schecb' win rey 'aych stan̈maloc, xwul smacnc eb' sat Amán cha, 'ix yaln jun win checb' tzcuch Harbona 'ixtic: —A 'a yatut win Amán tic, 'ay jun te 'oy 'ix yac' win b'o'oc, 'aym junc ch'an̈l stel te', sec ata tzq'ue locn win Mardoqueo yuj win yalni, atn win b'ojnac jun tas caw wach' 'aych mamin rey, xchi winac. —Locc q'ue win Amán tic 'a jun te cha, xchi win rey cha.

Ester 8:7

'Ix yaln win rey Asuero 'a 'ix reina Ester yet' 'a win Mardoqueo 'ixtic: —A win Amán cha, tox 'ix q'uelocan, yujto caw tu tas 'ix sna chan̈ 'a yib'n̈ eb' eyit chon̈ab'. A smasnil tas xcan yuj winac, tox 'ix wac' 'aych Ester.

Ester 9:14

'Ix yaln win rey, to tzb'o 'ixta'. 'Ix alx 'el jun ley chi 'a smasnil yol chon̈b' Susa, yuj cha, x'ajx q'ue locn sniwnal eb' yunnal Amán slajn̈wan̈il 'a te 'oy cha.

Ester 9:25

Palta yujto xc'och 'ix Ester paxtinc 'a win rey, yuj cha, xya'n 'elt win jun ley, to a smasnil tas tu 'ix sna Amán sb'on 'a eb' israel cha, a 'a yib'n̈ win tz'atcni, yuj cha, 'ix q'ue locn win yet' eb' yunnal smasnil.

Job 18:8

'Oj 'ajxoc 'ejm ch'an̈yal 'a yol sb'e, ax scan sut'n jun yal chi 'a 'a.

Job 20:8

Ton̈j 'oj satchan̈ eb' 'icha junc tas tzquil 'a qui wayich, man̈x 'a mach 'oj 'ilnc eb'.

Salmos 37:15

Palta mun a yespada eb' chi 'oj tecxoc 'och 'a spixan, ax sjul-lab' eb' cha, 'oj wecchjoc cani.

Salmos 7:16

A smaysch'olnilal yet' stu b'eyb'al eb', a 'oj cotcn 'a yib'n̈ eb'.

Salmos 94:23

Mamin Jehová, ach wal 'oj 'ac' meltzjoc 'och smul eb' chi 'a 'a, ax slajw 'el eb' o'oj. Ach qui Diosal on̈, ach 'oj a satl eb'.

Pr 11:27

A eb' tzb'on tas wach', a swach'c'ojlal eb' 'anma tz'ilchj yuj eb'; ax eb' to a maysch'olnil tzsayq'ui, 'oj yamchjoc eb' yuj stul cha.

Pr 11:8

A mach tojl sb'eyb'al, tzcolx 'el 'a scal yailal yuj Dios; ax junc tu sb'eyb'al, a tz'ochx can syailal sjelc jun cha.

Pr 26:27

A mach tzjoyn junc jul, mun a 'oj 'atcn 'a yojol; a junc tzecn 'at junc q'uen 'a yib'n̈ junc 'anma', an̈jtona', q'uen 'oj cot pax 'a yib'an̈.

Jeremías 34:17

Yuj cha, an Jehová in, an tzwala: Ax tic ma'ix eyiclj tas 'ix wala, yujto ma'ix eya'l eb' eyit chon̈b' 'a libre. Yuj cha, an tzwala to 'oj wa' cot owal, wejel, yet' yab'il 'a eyib'an̈. Caw 'oj xiw smasnil eb' nacion̈ yic 'oj yab'nc eb' tas 'oj ex wutoc.

Ez 5:13

'Ixta wal 'oj wutc wa'n cot yowl in c'ojl 'a yib'n̈ eb'; 'ixta to b'i'an, ax sb'o in c'ojol. 'Oj yojcoc 'el eb', to yet' sc'a'l in c'ojl an Jehová in tic, 'ix waln jun tzo'n̈ paxti tic.

Dn 6:24

Xlajw cha, xya'n win rey chi 'ijxoc cot eb' x'a'n queja win Daniel cha. Xya'n win julxoc 'ejm eb' yet' yistzil, yet' yunnal 'a yol yet'l e no león cha. Mantzac xon 'emch eb' 'a yich jun xab' cha, 'ix q'uet chelnjoc e no stoc' 'ejm eb', schin e no eb', cojxn sb'acl eb' xcani.

Dn 6:25

Xlajw cha, stz'ib'n 'at win rey Darío scarta 'a smasnil eb' 'anma 'a junjn nacion̈, yet' 'a junjn ti'al, xyaln 'at win 'ixtic: Tic tzwa't stzatzl e c'ojol, 'ay cab' e junc'ojlal.

Zacarías 6:8

Xlajw cha, x'awj jun ángel chi 'ayn 'ixtic: 'Ilt nab'an, yuj wal jun caruaje 'ix 'at 'a jun nacion̈ 'ay 'a stojlal norte, ax yoch wan yowl sc'ojl Jehová 'a yib'n̈ jun nacion̈ cha, xchi.

Jueces 15:7

Yuj cha, 'ix yaln Sansón 'ixtic: —Yujto 'ixta xeyutej, yuj cha, tzwac' in ti' to ma'oj woch wan ex wixtni, masnto 'oj wa'cn in pac 'ayex, xchi.