Ester 6:4 - Chuj San Sebastian Bible

⁴ Wanto cha, xjaw Amán 'a yamq'uil sti despacho, yic tzwul sc'annoc 'a win rey cha, to tz'ajx q'ue locn Mardoqueo 'a jun te 'oy xyac' win b'o'oc. 'Ix sc'anb'n win rey chi 'ixtic: —¿Mach jun 'ayc' 'a sti 'el cha? xchi winac.

Chuj San Mateo Bible

⁴ Ix yalan vin̈ rey chi' icha tic: —¿Mach jun ayec' d'a yamaq'uil palacio tic? Ixiquec eyila', xchi vin̈. A val ta' van sjavi vin̈aj Amán yic tzul sc'anan vin̈ d'a vin̈ rey chi' to tz'ac'chajq'ue locan vin̈aj Mardoqueo d'a jun te te' toxo ix schec b'ojoc vin̈.

Ester 6:4 Iomraidhean Croise

Ester 4:11

Smasnil mach 'aych schecb'oc win rey, yet' pax smasnil eb' chon̈b' 'ay 'a yol smacb'en winac, yojc eb' to a smasnil mach tz'och 'a yol sti sdespacho winac, 'ay jun ley tzalni chajtlto tojln̈ej schami. Wach'xam winac, mto 'ix, toto man̈oc win tz'awtni, yowlal tzchami. Cojxn toto tzyij chan̈ win rey chi jun sc'occh nab'a oro, tzch'oxn 'elt win 'a 'a; toto 'ixta', a jun cha, matz chami. An tic, 'ayx jun 'uj man̈x 'a 'aj tzin yawtj 'at win rey 'a 'a, xchi 'ix.

Ester 5:1

Ax yic xlajw 'oxe c'u cha, sb'on sb'a Ester yet' spichul, xya'n 'och spichl yic sreinail. Xlajw cha, xc'och 'ix 'a yamq'uil yatut win rey 'a stojlal 'elt spuertail yet'l win 'aj wocn 'elt 'a sdespacho.

Ester 5:14

Yuj cha, 'ix yaln 'ix yistzil win cha, yet' pax eb' swach'c'ojl win chi 'a 'ixtic: —'Ac' b'o junc te 'oy, jun ch'an̈l tz'aj ste'il, ax q'ui'n 'a sq'uin̈b'ial, tza c'ann 'a win rey to tzq'ue locn win Mardoqueo chi 'a te', yic wach' caw tzaljc'ojlal 'oj a wa yet' win rey chi q'uic'an, xchi eb'. A wal jun nab'en cha, caw schaj sc'ojl win Amán, yuj cha, 'ix ya'n win b'o jun te 'oy cha.

Ester 6:3

Yuj cha, 'ix sc'anb'n win rey 'ixtc 'a eb' 'ay yopiso yuj win ta': —¿Tas junc 'ix 'ajxi, yet' tas 'ix 'utx Mardoqueo yuj jun tas sb'ojnac tic? xchi winac. —May xon jac tas 'ix 'ajx 'a 'a, xchi eb' 'a winac.

Ester 6:5

—A win Amán 'ayq'ui, xchi ewin schecb' win cha. 'Awtjec 'oxt winac, xchi win rey cha.

Job 5:13

A tztenn 'och wan eb' maysch'olnil snab'en cha, sec matz 'el'ch tas tznib'j eb'.

Salmos 2:4

Ax Jehová Syajlil satcha'an̈, ton̈j tzewj yuj eb', tzlaj b'uchx eb' yu'uj.

Salmos 33:19

sec tzcolx 'el eb' 'a yol sc'ab' chaml yu'uj. Tzya'n pax tas tzc'ux eb' 'a yic stiempoal 'ay wejel.

Ec 9:10

A smasnil tas tzqui b'o'ec, qui b'oc 'a smasnil qui c'ojol; yujto a yic 'oj qui chamec, yic 'ayn̈ecx 'ec' 'a campusan, toc 'ayt tas 'oj qui b'oc ta'. Ata', man̈x 'a tas 'oj qui na'ec, man̈x 'a pax yel'ch jelnal ta'.