Ester 6:13 - Chuj San Sebastian Bible

¹³ 'Ix yaln 'a yistzil, yet' 'a eb' swach'c'ojl yuj tas 'ix 'aji, yuj cha, xyaln eb' 'ixtc 'a 'a: —A jun winc cha, israel winac, 'in to wan sat 'ejm opiso 'a spatic, caw ma'oj 'ejmc o'oj, palta ach 'oj 'em yuj tzyal cha, xchi eb' 'a 'a.

Chuj San Mateo Bible

¹³ Ix yalan vin̈ d'a ix yetb'eyum yed' d'a eb' yamigo masanil tas ix utaj vin̈ chi', yuj chi' ix yal eb' icha tic: —A vin̈aj Mardoqueo chi', israel vin̈, yuj chi' van slajviem opisio tic d'a spatic vin̈. Man̈ ol ac'laj ganar vin̈, palta to a vin̈ ol ach ac'an ganar, xchi eb'.

Ester 6:13 Iomraidhean Croise

Gn 24:66

Ax win checb' cha, 'ix yaln win 'a Isaac yuj smasnil tas 'ix 'aj 'el'ch schecnb'il.

Gn 40:19

Chab'ej 'oj el 'a preso tic yuj win rey cha, 'oj yac' win 'ijxoc 'el a jolom, ax ya'n winc locxoc q'ue a niwnal 'a junc te te', ax e no 'usej, a e no 'oj wul chinoc a chib'jal, xchi 'a winac.

Gn 41:8

Ax yic sacb'eli, caw wal tacn̈c sc'ojl win rey yuj swaych cha, xya'n win 'ijxoc cot smasnil eb' tztac' snan 'el paxti 'a Egipto, yet' eb' jeln snab'en yalni, syamn 'och win rey yal swaych chi 'a eb'; palta may junc ewin stac' yalni tas tzyal 'el'ch swaych win rey cha.

Job 15:24

A yailal mto xiwc'ojlal cha, a 'oj 'a'nc somchjoc 'el snab'en eb', 'icha tzon̈ 'ajc qui xiw chan̈ yuj junc win rey tzjaw yac' owl quet'oc.

Job 16:2

Til wal 'ejm xwab' yalx jun tzo'n̈ paxti 'icha jun tzo'n̈ wan eyaln 'ayn tic. A tzeyutj eyalni to tzcob' eyac' sniwnal in c'ojol, palta ton̈j tze wach' 'ij cot yailal 'a wib'an̈.

Salmos 105:15

Man̈ e tzuntzc eb' sic'b'il 'el wuj tic, man̈ eyixtc eb' in checb' tic, xchi.

Pr 28:18

A mach wach' snab'en, 'oj colxoc, ax junc tu snab'en, 'oj 'el-lc yailal 'a yib'an̈.

Dn 2:12

A wal yic 'ix yab'n win rey chi jun tzo'n̈ cha, caw 'ix cot wal yowl win si'mb'il. 'Ix yaln winac to tzmilx cham smasnil eb' tzcob' yalch jelnal sb'a 'a yol yic Babilonia cha.

Os 14:9

A eb' jelan, yet' eb' wach' snab'en, 'oj nachjoc 'el jun tzo'n̈ paxti tic yuj eb'. A jun b'e yic Jehová, caw wal tojol. A eb' wach' sb'eyb'al, 'oj 'at eb' 'a jun b'e cha, palta ax eb' maysch'olnil sb'eyb'al, 'oj telwc eb' 'a 'a.

Zacarías 2:12

A 'a sat lum slum Jehová to yic xon yaji, ata 'oj si'l Jehová eb' yin̈tl Judá jun 'ejm xo yuj yoch eb' yico'oc, yet' pax chon̈b' Jerusalén.

Nm 24:9

Lajn 'icha junc no león pun̈n 'ejm swayi: Toc 'ay mach tztac' stzuntzni. Alx cab' wach' paxti 'a yib'n̈ mach tzaln wach' paxti 'a eb' israel, ax mach tzaln tu paxti 'a yib'n̈ eb', catb'tzax cab' cani, xchi Balaam.

Dt 32:10

Ata on̈ 'ilchjec yuj 'a lum cusltac lu'um, 'a lum caw tacn̈ sat, 'a 'aj caw ow 'ic'. Ata on̈ sme'c cot Jehová, caw xon̈ ya'ilxec yu'uj, 'icha wal tzcutj qui ya'iln sc'ul yol qui sat.