Ester 6:1 - Chuj San Sebastian Bible

¹ A wal 'a yic jun 'ac'wl cha, caw ma'ix cot xon swayn̈ win rey. Yuj cha, 'ix yaln winac, to tz'ijx cot ch'an̈ un̈ 'aj tz'ib'b'il smasnil tas 'e'nc xo 'a yib'n̈ jun nacion̈ cha, 'ix 'awtx ch'an̈ 'a yojltac winac.

Chuj San Mateo Bible

¹ A val d'a jun ac'val chi', maj ochlaj svayan̈ vin̈ rey chi', yuj chi' ix yal vin̈ to tz'ic'chajcot juntzan̈ b'aj tz'ib'ab'il yab'ixal tastac ujinac d'a yol smacb'en vin̈ chi', ix avtaj yab' vin̈.

Ester 6:1 Iomraidhean Croise

Gn 22:14

Xlajw cha, xya'n can Abraham sb'ic jun lugar chi 'ixtic: A Jehová, a tz'a'n tasto yowlal tznib'xi, xchi. Yuj cha, an̈ja 'ixta yaln eb' 'anma ticnec: A 'a lum witz yic' Jehová, ata tzyac' tas yowlal tznib'xi, xchi eb'.

Ester 10:2

A smasnil jun tzo'n̈ sjelnal win rey yet' yopiso, yet' pax yab'xil tas wal xyutj win ya'n jun niwquil 'opiso 'a win Mardoqueo, a jun tzo'n̈ cha, 'ix tz'ib'x can 'a yojl ch'an̈ un̈ 'aj tz'ib'x tas ujnc 'a yol yic Media yet' Persia.

Ester 2:21

A yic 'aych Mardoqueo chi 'a yopiso 'a sdespacho win rey cha, 'ix yab'n spaxtin chawn̈ winc 'aych stan̈malc spuertail jun despacho cha, atn win Bigtán yet' Teres. Caw wal ow ewin 'a win rey, smol aln ewinac tas 'oj yutc ewin smiln cham win rey cha.

Ester 2:22

A yic xyab'n Mardoqueo jun paxti cha, 'ix yaln 'a 'ix reina Ester, ax 'ix xaln 'a win rey yuj jun tas 'ix yab' win Mardoqueo cha.

Ester 2:23

A jun paxti cha, 'ix sayx 'ec' wal si'mb'il toto caw yel, ax yic xcheclji, chajtlto caw yel, yuj cha, a eb' schecb' win rey chi schawn̈il, 'ix 'ajx q'ue locn eb' 'a jun te', yic tzcham eb'. A jun 'ix uj cha, 'ix yac' win rey chi tz'ib'xoc can 'a ch'an̈ un̈ 'a 'aj tz'ib'x yab'xil jun nacion̈ cha.

Ester 5:8

Toto yel 'ay a chamc'ojlal 'ayn mamin rey, tzyaln̈j a c'ojl a'n tas tzin c'ana, scha cab' a c'ojl a cotx q'ui'n jun 'ejm xo yet' win Amán yic tzex wa wet'oc, yujto caw niwn el'ch 'a in sat. At q'ui'n chi 'oj wal 'ayach tas tzin nib'j in c'an 'aych mamin rey, xchi 'ix.

Is 41:17

A eb' 'anma to meb'a', eb' may tas 'ay 'a 'a, tzsayc' eb' cob' a a', palta matz 'ilchj a yuj eb'. Caw tacn̈tzaynac tz'aj yac' eb' yuj tacn̈ti'al. An xo Jehová in tic, 'oj in colwjn̈ej 'a eb', ma'oj wactc can eb'.

Dn 2:1

A yic schab'l ab'il xo yoch win Nabucodonosor reyal, ata 'ix 'och jun tzo'n̈ swaych winac. Yuj wal jun tzo'n̈ swaych win cha, caw x'och win 'a somc'ojlal, man̈xtzac cot xon swayn̈ win yu'uj.

Dn 6:18

Xlajw cha, 'ix paxx win rey chi 'a sdespacho. Man̈x 'ic wa'i, man̈x 'ic cot eb' sonnum b'itnc 'a yojltac. 'Ix 'at win wayoc, palta ma'ix cot xon jac swayn̈ win 'a jun 'ac'wl cha.

Malaquías 3:16

Palta a eb' 'ay yel'ch Jehová 'a sat, tzlaj yal-lac junjn eb' 'a 'a yuj swach'l Dios. Ax Dios 'ix yab'i tas wan yaln eb' cha, yuj cha, 'ix ya'n tz'ib'xoc can sb'i eb' 'a jun slibro, yic tzb'inax cot eb' 'ay yel'ch Jehová chi 'a sat.

Ro 11:33

A Dios, man̈ jantcoc swach'il, man̈ jantcoc sjelnal. Caw yojcn̈ej smasnil tas. May junc mach tztac' snachj 'el yu'uj, tas tzyutj Dios snan 'el tas tzb'o'o. May pax junc mach tznachj 'el sb'eyb'al Dios yu'uj.