Ester 5:4 - Chuj San Sebastian Bible

⁴ —Toto tzchaj a c'ojl mamin rey, tzin tew 'ayach, to tzach 'at wac wet' ticnec. 'Ix wac' b'o tas tza c'uxu, yujto caw niwn el'ch 'a in sat, tzej 'at win Amán et'oc, xchi 'ix. Xlajw cha, xyaln win rey 'ixtic:

Chuj San Mateo Bible

⁴ —Mamin rey, tato syal a c'ool, ay jun nivan vael ix vac' b'ochajoc to tzach cot vael ticnaic yed' vin̈aj Amán, yujto nivan elc'och d'a yol in sat, xchi ix. Ix yalan vin̈ icha tic:

Ester 5:4 Iomraidhean Croise

Gn 27:25

Yuj cha, xyaln smam 'a 'ixtic: —'Ij cot schib'l woch chi 'an ach wunnal, ya' sb'a tzin chi no c'alte'al noc' x'at e' coti, tzlajw cha, ax waln can 'el in wach' paxti 'a eb'an̈, xchi. 'Ix ya'n wa Jacob smam cha, an̈jtona', 'ix yi'n cot pax te yal uva 'a 'a. 'Ix wa Isaac xyu'n pax tas tzyuq'uej.

Gn 32:20

Tzeyaln 'ixtic: A 'a checb' Jacob, tza'n sjaw 'a qui patc on̈, xe chi 'a 'a, xchi win 'a ewin schecb' cha. Yujto sna win Jacob 'ixtic: Tecn 'oj sicb'oc 'ejm yowl sc'ojl Esaú yuj jun tzo'n̈ siylab' xwac' b'ab'ljoc wuj tic, 'ixta 'oj wutc wiln in b'a yet'oc; toto 'ixta', tecn 'oj in scha 'a tzaljc'ojlal, xchi.

Ester 1:9

An̈jtona pax 'ix reina Vasti, 'ix yac' 'ix b'o jun niwn wa'el, yic wach' tzwa pax eb' 'ix yistzil ewin 'awtb'il 'a sdespacho win rey cha.

Ester 3:15

Wal 'a yajn̈ej 'ix spucn 'el eb' checb' chi ch'an̈ un̈ 'aj tz'ib'b'il jun ley cha, a tzyal xyutj win rey yalni. 'Ix alx 'el jun paxti chi mu'c 'a yol chon̈b' Susa. Ya' sb'a wan yu'w 'an̈ win rey yet' win Amán, ax eb' 'anma 'a chon̈b' Susa cha, caw wal somchj chan̈ eb' yuj jun paxti cha.

Ester 5:3

'Ix sc'anb'n win rey chi 'ixtc 'a 'ix: —¿Tas tzach 'i'n reina Ester? ¿Tas wal tza nib'ej? Toto tza nib'j tza c'an spacloc tas 'ay 'a yol in c'ab', 'oj wa'n̈j 'ayach, xchi win 'a 'ix. Yuj cha, xta'w 'ix Ester 'a win 'ixtic:

Ester 5:5

—'Awtjec cot win Amán muc'uc, yiclx cab' tas tzyal 'ix reina Ester, xchi winac. Xlajw cha, x'at win rey yet' win Amán 'a 'aj 'awtb'il eb' yuj 'ix reina cha.

Ester 5:8

Toto yel 'ay a chamc'ojlal 'ayn mamin rey, tzyaln̈j a c'ojl a'n tas tzin c'ana, scha cab' a c'ojl a cotx q'ui'n jun 'ejm xo yet' win Amán yic tzex wa wet'oc, yujto caw niwn el'ch 'a in sat. At q'ui'n chi 'oj wal 'ayach tas tzin nib'j in c'an 'aych mamin rey, xchi 'ix.

Salmos 112:5

A eb' 'anma wach' snab'en, yet' schamc'ojlal eb' tzya'n eb' junc tas majnil, ax smasnil tas tzb'o eb', wach'n̈j tz'aj 'el'chi.

Pr 29:11

A mach may snab'en, a yic 'ay cot yowal, tojln̈ej sb'on 'icha tas nab'il yu'uj, palta a mach 'ay snab'en, tztac' syamn 'och wan sb'a yet' yowl sc'ojl cha.

1 Co 14:20

Ex wu'tac, ex wanab', man̈ 'icha'oc eb' 'unin, man̈ 'ichcta tzeyutj e b'a e nan jun tzo'n̈ tic. Ax e b'eyb'al, comnoc 'icha eb' cotc 'unin, may 'aj tzb'o eb' maysch'olnil, 'ichcta tzeyutj e b'a. Ax e nab'en, caw te'n tzeyutej, yujto man̈ ex 'unnoc.