Ester 5:2 - Chuj San Sebastian Bible

² Ax yic xyiln 'elt win rey to 'ayc' Ester 'a sti 'elt sdespacho, caw x'o'ch sc'ojl win 'a 'ix, yuj cha, xya'n 'elt sc'ab' yet' sc'occh nab'a oro 'a 'ix. 'Ix 'ochch Ester 'a stz'ey winac, syamn cot 'ix sn̈i te c'occh cha.

Chuj San Mateo Bible

² Ayic ix yilanelta vin̈ to ayec' ix d'a stielta chi', ix sch'oxan vin̈ to stzalaj vin̈ yed' ix, ix yac'anelta sc'ococh vin̈ nab'a oro. Ix ochc'och ix, ix och yub'yub' ix d'a sn̈i' q'uen c'ococh chi'.

Ester 5:2 Iomraidhean Croise

Gn 32:28

Xyaln win 'a Jacob 'ixtic: —A ticnec man̈x 'oj a b'ic Jacob. Palta Israel 'oj a b'i'oc, yujto stac' 'a'n owl yet' Dios, yet' pax 'anma', xchi winac.

Nehemías 1:11

Tzin tew 'aych ticnec ach Cajlil on̈, to tza chaj ab' in lesl an a checb' in tic, yet' slesl jun tzo'n̈ xo eb' a checab', to tzqui nib'j tzach quij cha'an̈. Tzin c'an 'aych ticnec, to tzac' a wach'c'ojlal 'ayin, sec chab'iln an a checb' in tic yuj win rey, xin chi 'a in lesal. 'Ixta xwutj walni yujto an tic, 'ayn 'och sb'achmalc svaso win rey.

Ester 2:9

A 'ix Ester cha, caw wal wach' snab'en 'ix xyilch win Hegai, yuj cha, caw wach' xyutj win snab'en 'a 'ix. Wal 'a yajn̈ej, xya'n win 'ajxoc b'o yilx 'ix, ax tas caw wach' sc'uxxi, a xyac' win 'ajxoc 'a 'ix. 'Ix 'ajx 'och ucwn̈ eb' 'ix ya'mal servil win rey chi ya'malc servil 'ix, eb' 'ix to caw wach' ya'w servil. Xlajw cha, x'ajx 'at eb' 'ix yet' 'ix Ester chi 'a jun cuarto caw wach' 'a jun n̈a 'aj cajn 'ec' eb' 'ix yistzil win rey.

Ester 4:11

Smasnil mach 'aych schecb'oc win rey, yet' pax smasnil eb' chon̈b' 'ay 'a yol smacb'en winac, yojc eb' to a smasnil mach tz'och 'a yol sti sdespacho winac, 'ay jun ley tzalni chajtlto tojln̈ej schami. Wach'xam winac, mto 'ix, toto man̈oc win tz'awtni, yowlal tzchami. Cojxn toto tzyij chan̈ win rey chi jun sc'occh nab'a oro, tzch'oxn 'elt win 'a 'a; toto 'ixta', a jun cha, matz chami. An tic, 'ayx jun 'uj man̈x 'a 'aj tzin yawtj 'at win rey 'a 'a, xchi 'ix.

Ester 8:4

'Ix ya'n cot win rey chi sc'ab' yet' sc'occh nab'a oro 'a 'ix Ester cha, 'ix q'ue lin̈njoc 'ix 'a yojltac win rey cha.

Salmos 116:1

Tzin chamc'ojlej Jehová, yujto xyab' tas xwal 'a in lesal.

Pr 21:1

A snab'en eb' rey, a 'a yol sc'ab' Jehová 'ayq'ui, a tz'i'n b'ey snab'en eb' 'icha tzyac' junc a a tzjelx sb'e 'aj tzb'eyi.

A Tas Sc'ulejnac Eb' Schecab' Jesús Hechos 10:4

'Ix 'och q'ueln Cornelio a jun ángel cha. Caw 'ix xiw win yu'uj: —Mamin, ¿tas tzal 'ayin? xchi win 'a 'a. Yuj cha, xyaln 'a win 'ixtic: —Caw 'ix yab' Dios a lesal. 'Ix yiln pax jun tzo'n̈ a siylab' tzac' 'a eb' meb'a'. Caw matz sat sc'ojl 'a jun tzo'n̈ cha.

A Tas Sc'ulejnac Eb' Schecab' Jesús Hechos 7:10

A coljnac can 'elt José chi 'a scal syail. Ya'jnac sjelnal 'a 'a. 'Ochnc yet'oc, sec caw wach' 'ajnc 'a sat win faraón, win sreyl Egipto. Yuj cha, ya'jnac 'och win yopiso yajlil 'a Egipto cha. An̈jtona', ya'n pax 'och win yajloc yatut.