Ester 5:14 - Chuj San Sebastian Bible

¹⁴ Yuj cha, 'ix yaln 'ix yistzil win cha, yet' pax eb' swach'c'ojl win chi 'a 'ixtic: —'Ac' b'o junc te 'oy, jun ch'an̈l tz'aj ste'il, ax q'ui'n 'a sq'uin̈b'ial, tza c'ann 'a win rey to tzq'ue locn win Mardoqueo chi 'a te', yic wach' caw tzaljc'ojlal 'oj a wa yet' win rey chi q'uic'an, xchi eb'. A wal jun nab'en cha, caw schaj sc'ojl win Amán, yuj cha, 'ix ya'n win b'o jun te 'oy cha.

Chuj San Mateo Bible

¹⁴ Yuj chi' ix yal ix yetb'eyum vin̈ chi' yed' eb' yamigo vin̈ chi' icha tic: —Ac' b'ochajem junoc te te' jun ch'an̈il tz'ajq'ue steel. Tza c'anan d'a vin̈ rey chi', axo q'uic'an q'uin̈ib'al sq'ue d'un̈an vin̈aj Mardoqueo chi' d'a te', yic vach' tzalajc'olal tzach b'at d'a jun nivan vael yed' vin̈ rey chi', man̈xa jab'oc tas tza na'a, xchi eb'. A jun pensar chi' ix scha sc'ol vin̈aj Amán chi', ix schecan vin̈ b'ojoc jun te te' chi'.

Ester 5:14 Iomraidhean Croise

A Ch'an̈ Schab'l Libro Samuel 16:21

'Ix yaln win Ahitofel chi 'ixtc 'a 'a: —A tas 'oj a b'o', to tzach way yet' eb' 'ix schab'l 'istzil a mam 'aycn tan̈j n̈a, sec 'oj nachjoc 'el yuj smasnil eb' chon̈b' tic, to caw tzach schacl a mam cha, ax smasnil eb' tz'och tza'n oj tic, 'oj ach ya'ch eb' yipc sc'ojol, xchi winac.

A Ch'an̈ B'ab'el Libro Yic Yab'ixal Eb' Rey 21:25

(Wal yel, may junc rey 'ixta xyutj sb'a 'icha win Acab, yujto xmontchj win yuj yistzil yic ste'wtzan sb'a sb'on tas tu 'a sat Jehová.

A Ch'an̈ B'ab'el Libro Yic Yab'ixal Eb' Rey 21:7

—Ach tic sreyl ach Israel, q'uen̈ wa'an, wa'an̈, man̈ ach cusoc. Mun 'oj in na' tas 'oj 'aj eca'an slum win Nabot cha, xchi 'ix yistl win cha.

Ester 6:4

Wanto cha, xjaw Amán 'a yamq'uil sti despacho, yic tzwul sc'annoc 'a win rey cha, to tz'ajx q'ue locn Mardoqueo 'a jun te 'oy xyac' win b'o'oc. 'Ix sc'anb'n win rey chi 'ixtic: —¿Mach jun 'ayc' 'a sti 'el cha? xchi winac.

Salmos 37:14

A eb' tzb'on maysch'olnil, tzyij q'uet eb' yespada 'a yol yet'ul, tzb'on eb' sjul-lab', sec tz'ejm eb' meb'a yuj eb' yet' eb' 'emmquilal yeq'ui. 'Ixta tz'aj scham eb' wach' sb'eyb'al chi snan eb'.

Salmos 37:32

A eb' tzb'on maysch'olnil, q'uelnn̈ej 'och eb' 'a eb' wach' sb'eyb'al, 'aychn̈ej 'a snab'en eb' smiln eb'.

Salmos 9:15

A eb' 'anma 'a jun tzo'n̈ chuc nacion̈al, 'ix laj telw can 'ejm eb' 'a yol jun tzo'n̈ jul mun xlaj sb'o'. Mun a 'a yoc eb' 'aj xlaj can sut'n sch'an̈ yal eb' xlaj sc'ultac 'a'j 'ejm cha.

Pr 1:18

palta ax jun tzo'n̈ 'anma 'ixta tz'el sb'on cha, mun a eb' tzyalej sb'a, mun a eb' tzmil cham pax sb'a.

Pr 4:16

A eb' maysch'olnil cha, caw matz way eb' toto matz b'o eb' stu'al, matz cot swayn̈ eb', toto may mach tzyixtj eb'.

Ro 1:32

Yojc xon eb' jun sley Dios tzalni, to a eb' tzb'on jun tzo'n̈ chi 'ixta', smoj s'atcn eb' 'a chaml 'a jun 'ejmn̈ej. Palta an̈j 'ijnoc sb'on eb', tzlaj tzalj pax eb' yet' eb' yit 'anmal tzb'on jun tzo'n̈ chi yet'oc.

Ro 3:15

Yajn̈ej, tz'at eb' milj 'anma'.

Apoc 11:10

C'uxn 'oj laj tzaljc eb' 'anma 'a yolyib'n̈q'uinal, yujto 'ix cham eb'. 'Oj laj ya'lac eb' siylab' 'a scal. Caw 'oj tzaljc eb', yujto caw tzyab' eb' syal yuj chawn̈ eb' schecb' Dios cha.