Ester 5:11 - Chuj San Sebastian Bible

¹¹ 'Ix syamn 'och sb'an̈n sb'a 'a sat eb', yujto caw wal rico win si'mb'il, caw niwn pax yunnal winac. 'Ix yaln paxi to 'ix si'x 'elt yuj win rey 'a scal jun tzo'n̈ xo eb' 'aych yajlil yet'oc, 'ix 'ajx 'och wal yopiso sat yajlil 'a yib'n̈ jun tzo'n̈ xo eb' cha.

Chuj San Mateo Bible

¹¹ Ix och ijan vin̈ yic'anchaan̈ sb'a, ix yalan jantac sb'eyumal vin̈ d'a eb', tzijtum pax yuninal vin̈. Ix yalanpax vin̈ to ix sic'chajelta vin̈ yuj vin̈ rey d'a scal juntzan̈xo eb' vin̈ ayoch yajalil yed'oc, ix ac'chajoch vin̈ yajaliloc juntzan̈ eb' vin̈ chi'.

Ester 5:11 Iomraidhean Croise

Gn 31:1

Ax xyab'n win Jacob to a ewin yunnal win Labán, wan yaln 'el ewin 'ixtic: Yujn̈ej smasnil tas xyij 'ec' Jacob 'a qui mam, yuj cha, rico ticnec, xchi ewinac.

Ester 1:4

Nan̈l ab'il 'ix yac' jun q'uin̈ cha, yuj sch'oxn 'el win sricoal, yet' sniwquil-l yel'ch yopiso 'a eb' 'anma cha.

Ester 3:1

'Ix ec' jun tiempoal, 'ix ya'n 'och win rey yopiso win Amán yunnal Hamedata yin̈tl can Agag. A Amán cha, 'ix 'ajx 'och sat yajlil 'a yib'n̈ jun tzo'n̈ xo eb' yajl yaj 'a jun nacion̈ cha.

Ester 8:15

A yic x'elt win Mardoqueo 'a yol despacho, 'aych spichl yic yopiso yu'uj, q'uic'mucnac yet' sac, 'icha yic eb' rey. 'Ay q'ue jun niwquil corona nab'a oro 'a sjolom, 'aych pax junx spichl nab'a lino, chacmucnac yilxi. A yic cha, smasnil eb' 'anma cajn 'a yol chon̈b' Susa, caw 'ix 'awj chan̈ eb' yuj tzaljc'ojlal.

Salmos 49:6

A eb' tzya'ch sricoal yipc sc'ojol, caw tzyij chan̈ sb'a eb' yet'oc, yujto niwn tas 'ay 'a eb'.

Salmos 49:7

Palta may junc on̈ 'oj stac' qui colnec 'el qui b'a qui ch'ocoj, ma'oj stac' pax qui mannec qui q'uinl 'a Dios.

Salmos 52:9

Ach in Diosal, caw wach' tas xa b'o 'ayin. Sat wal eb' ecxo yaji ax waln in wach' paxti 'ayach. 'A smasnil tiempo 'oj ach wa'ch yipc in c'ojol.

Is 10:8

Yuj cha, xyaln yuj eb' yajl chi 'ixtic: A eb' tic reyn̈j eb' smasnil, an tzwac' mandar eb'.

Dn 4:30

'Ix yaln win 'ixtic: ¡'Iltec wal yilx niwquil chon̈b' Babilonia tic! An xin b'o yet' in jelnal, yet' wip xin b'oni, yic tzwa'n yajlil 'a 'a, sec a tzch'oxn 'eli, chajtlto caw niwn wel'chi, xchi winac.

Mr 10:24

Ax eb' scuywum cha, caw 'ix sat sc'ojl eb' yab'n jun tzo'n̈ cha. Palta xyaln pax 'a eb' jun 'ejm xo 'ixtic: —Ex in cuywum, [a eb' tzya'ch sricoal yipc sc'ojol,] toto 'oj 'och eb' 'a yol sc'ab' Dios, caw teb'il 'oj 'och eb'.

1 Ti 6:17

Ax eb' creyente rico yuj tastc 'ay 'a yolyib'n̈q'uinl tic, tzal jun tzo'n̈ checnb'il tic 'a eb'. Tzcham wal aln 'a eb', to matz tac' sb'an̈n sb'a eb'. Matz tac' ya'n 'och eb' sricoal yipc sc'ojol, yujto may jac syal tz'aj slajw pax 'eq'ui. Tzaln pax 'a eb', to cojxn Dios pitzan, a tzya'ch eb' yipc sc'ojol. Yujto a tz'a'n smasnil tas 'ayon̈, sec tzon̈ tzalj yet' jun tzo'n̈ cha.