Ester 4:4 - Chuj San Sebastian Bible

⁴ A eb' 'ix 'ix tz'a'n servil 'ix reina Ester, yet' pax eb' winc tztan̈wni 'ix, 'ix yal eb' yab' 'ix tas yaj Mardoqueo cha. Yuj cha, 'ix cus chan̈ sc'ojl 'ix, 'ix ya'n 'at 'ix pichl 'a Mardoqueo yic tzjeln 'el win te pichl n̈achtac sat 'aych yuj cha, palta ma'ix yal sc'ojl scha'aj.

Chuj San Mateo Bible

⁴ A eb' ix ix tz'ac'an servil ix reina Ester yed' eb' vin̈ vinac stan̈van ix, ix yal eb' yab' ix tas yaj vin̈aj Mardoqueo chi', yuj chi' ix te cus sc'ol ix, ix yac'anb'at pichul ix d'a vin̈ yic syic'anel pichul yic cusc'olal ayoch chi' yuj vin̈, palta maj yal-laj sc'ol vin̈ ix scha'a.

Ester 4:4 Iomraidhean Croise

Gn 37:35

Smasnil eb' yunnal yet' eb' yisil, xya'lj to wal eb' ya'n sniwnal sc'ojl smam cha, palta man̈xtoc tznib'j win tz'ajx sniwnal sc'ojol. Caw wal tz'oc' win yuj win yunnal cha, xyaln 'ixtic: Caw wal tzin cus yuj win wunnal cha, masnto 'oj in 'at yet' win 'a chamel, xchi winac.

A Ch'an̈ Schab'il Libro Yic Yab'ixal Eb' Rey 9:32

'Ix q'ue q'ueln Jehú 'a jun ventnu cha, 'ix yaln q'ue 'ixtic: —¿Mach 'aych wet'oc? xchi winac. 'Ay chawn̈ 'oxwn̈ eb' 'ay yopiso 'a yatut 'ix, 'ix 'elt t'an̈n eb',

Ester 1:12

Palta ma'ix schaj cot sb'a 'ix reina cha, stenc' 'ix schecnb'il win rey x'at yal ewin schecb' cha. Yuj cha, caw wal xcot yowl win rey chi si'mb'il.

Ester 4:3

An̈jtona pax 'a smasnil chon̈b' 'aj 'ix c'och ch'an̈ un̈ 'aj tz'ib'b'il jun ley cha, 'ix 'och smasnil eb' israel 'a cusc'ojlal. A yic sch'oxn 'el eb' scusc'ojlal cha, 'ix 'och eb' 'a c'ajb'c'ojlal, caw tz'oc' eb', caw ya tzyab' eb', til wal eb' x'ec' teln 'a scal stan̈il c'ac', xya'n pax 'och eb' te pichl to n̈achtac sat yuj scusc'ojlal.

Ester 4:5

Yuj cha, 'ix yawtn cot Ester jun win schecb' win rey, atn win Hatac. A win tic 'ac'b'il 'och win schecb'oc 'ix Ester tic yuj win rey. 'Ix schecn 'at 'ix win 'a win Mardoqueo, yic tz'at sc'anb'noc tas yuj 'ixta tzyutj sb'a, yet' pax tas yaj jun tzo'n̈ paxti tzalx cha.

Salmos 77:2

A wal 'a yic 'ay in cusc'ojlal, tzwaln in b'a 'a Jehová, matz in 'och wan in mojn q'ue in c'ab', yic tzin leslwi 'a junjn 'ac'wal. Palta may 'aj tz'ilchj sniwnal in c'ojol.

Is 56:3

Toto 'ay junc chuc chon̈b'al tznib'j tzya'ch sb'a 'a yol sc'ab' Jehová, comnoc matz yal 'ixtic: An tic, matz in schaj 'och Jehová 'a scal eb' schon̈ab', man̈ cab' xchioc. An̈jtona junc mach 'ic'b'il 'el yitb'eym swincal yuj eb' yit 'anma'il, comnoc matz yal 'ixtic: An tic, man̈x 'a wopiso, lajn in xoj 'icha junc te te tacn̈ xo, man̈ schioc.

Jeremías 31:15

Tzyaln Jehová 'ixtic: Caw tz'ab'x yoch 'aw 'a chon̈b' Ramá, 'ay mach caw wal ji'jmtac yoc' yuj yailal. A 'ix Raquel caw wal tz'oc' 'ix yuj eb' yune', man̈xtzac snib'j 'ix tz'ajx sniwnal sc'ojol, yujto man̈x 'a eb' yune 'ix 'ayq'ui.

A Tas Sc'ulejnac Eb' Schecab' Jesús Hechos 8:27

Yuj cha, 'ix ya'n lista sb'a, 'ix 'ati. Ax 'a yol b'e, ata xyil sb'a yet' jun winc 'aj Etiopía. A jun winc cha, 'ay yopiso win yuj 'ix Candace, 'ix yajl yaj 'a Etiopía cha. Molm tumn yaj win 'a 'ix. Xit' yal sb'a win 'a Dios 'a Jerusalén.

A Ch'an̈ B'ab'el Libro Samuel 8:15

'Oj yi'l win sdiesmoal smasnil tas tzeyawej yet' yic sat e uva, ax ya'n win 'a eb' 'aych yajlil yet' cha, yet' 'a jun tzo'n̈ xo eb' schecab'.