Ester 4:3 - Chuj San Sebastian Bible

³ An̈jtona pax 'a smasnil chon̈b' 'aj 'ix c'och ch'an̈ un̈ 'aj tz'ib'b'il jun ley cha, 'ix 'och smasnil eb' israel 'a cusc'ojlal. A yic sch'oxn 'el eb' scusc'ojlal cha, 'ix 'och eb' 'a c'ajb'c'ojlal, caw tz'oc' eb', caw ya tzyab' eb', til wal eb' x'ec' teln 'a scal stan̈il c'ac', xya'n pax 'och eb' te pichl to n̈achtac sat yuj scusc'ojlal.

Chuj San Mateo Bible

³ An̈ejtona' d'a masanil chon̈ab' b'ajtac ix tz'ib'chajb'at jun ley chi', masanil eb' israel ix och d'a cusc'olal. Ayic ix sch'oxanel scusc'olal eb' chi', ix och eb' d'a tzec'ojc'olal. Tz'oc' eb', tz'el yav eb', tzijtum eb' ix sjulec' jichan sb'a d'a scal q'uen tic'aq'uil taan̈, ix yac'anoch pichul eb' yic cusc'olal.

Ester 4:3 Iomraidhean Croise

Ester 1:1

'Ix uj jun tic yic 'aych win Asuero reyl 'a yol smacb'en Persia. 'Ay 127 niwc chon̈b' 'a yol smacb'en, tz'el yich 'a India masnto tzc'och 'a Etiopía.

Ester 3:12

A 'a yic yoxlajn̈il yoch b'ab'l 'uj 'a jun ab'il cha, 'ix 'awtx smasnil eb' yajtz'ib' win rey, ax eb' stz'ib'n jun ley 'ix yac' Amán b'o'oc, yic tz'ajx 'at 'a junjn eb' yajl 'ay 'a junjn niwc chon̈b' 'ay 'a yol smacb'en win rey. A jun ley cha, 'ix tz'ib'x 'a sti', yet' 'a sletra junjn chon̈b'al eb' 'anma', 'ix 'och seyo win rey 'a 'a, yujto locn win 'ix alni.

Ester 4:16

'Ixic, molb'tzej smasnil eb' quit chon̈b' cajn 'a yol chon̈b' Susa tic, 'och cab' eb' 'oxe'oc c'u 'a c'ajb'c'ojlal wuj an tic. May cab' tas tze c'uxu, may pax cab' tas tzeyu'j 'a 'oxe c'u cha, yet' 'oxe'oc 'ac'wal. An̈jtona pax eb' 'ix tzin 'a'n servil an tic, 'oj 'och eb' 'ix 'a c'ajb'c'ojlal wet'oc. 'Oj lajwc cha, ax 'at wilnc win rey cha, wach'xam man̈ 'ixta'oc yaln ley. Toto yuj cha, ax in milx cham jun, chamquin cab'i', xchi Ester.

Ester 4:2

Ax yic xc'och 'a spuertail 'aj 'ay yatut win rey, ma'ix 'och 'a yojol, yujto matz chax 'och junc mach to 'aych pichl yic cusc'ojlal yu'uj.

Ester 4:4

A eb' 'ix 'ix tz'a'n servil 'ix reina Ester, yet' pax eb' winc tztan̈wni 'ix, 'ix yal eb' yab' 'ix tas yaj Mardoqueo cha. Yuj cha, 'ix cus chan̈ sc'ojl 'ix, 'ix ya'n 'at 'ix pichl 'a Mardoqueo yic tzjeln 'el win te pichl n̈achtac sat 'aych yuj cha, palta ma'ix yal sc'ojl scha'aj.

Ester 9:31

Xlajw cha, 'ix alxi, to yowlal tznax q'uin̈ yic Purim 'a jun tzo'n̈ sc'ul to checl xon yaji, 'icha wal xyutj win Mardoqueo yet' 'ix reina Ester yalni. Yowlal tzyiclj pax eb' yin̈tl eb', yuj snax cot c'ajb'c'ojlal yet' cusc'ojlal.

Job 2:8

Yuj cha, 'ix 'at win Job, ax 'a 'aj b'uln 'ec' nan̈l q'uen stan̈il c'ac', ata x'at 'em wocn 'a yib'n̈ jun tan̈ cha, xyi'n cot jab' sc'axpil chen, sn̈ichb'tan̈n 'ec' 'a sniwnal cha.

Is 22:12

A 'a yic jun c'ul cha, a Jehová tztac' yuj smasnil, a ex 'awtn coti, yuj eyoq'ui, yuj e cusi, yuj e joxn 'el xil e jolom, yuj pax eya'n 'och e pichl to n̈achtac sat, yic tze ch'oxn 'el e cusc'ojlal yuj e tu'al, palta ma'ix yal e c'ojol.

Is 22:4

Yuj cha, tzwaln 'ixtic: 'Eln̈ec 'a in tz'ey, yujto tzin nib'j caw tzin 'oc' si'mb'il, man̈x eyac' pural eya'n sniwnal in c'ojl yuj yailal 'oj jawc 'a yib'n̈ qui chon̈b'ec tic.

Is 58:5

A jun tzeyal c'ajb'c'ojlal cha, to tzeya'ch e b'a 'a cusc'ojlal, tz'em pacn e jaj 'icha eb' te 'aj, tzlaj ex 'ec' c'otn yet' e n̈achtac pichl 'a yib'n̈ stan̈il c'ac'. Atn jun chi tzeyal cob' c'ajb'c'ojlal, tzeyaln paxi to chab'il ex wuj yet' jun e nab'en cha.

Ez 27:30

Ax syamn 'och eb' yoc' o'oj, 'oj 'ab'xoc yoc' eb' 'a najat, caw ji'jmtac 'oj 'oc' eb', ax ya'n q'ue eb' pococ 'a sjolom, 'oj b'alb'noc 'ec' eb' 'a scal stan̈il c'ac'.

Dn 9:3

Yuj cha, in leslwi, in tew 'a Jehová Dios. In 'och 'a c'ajb'c'ojlal, xwa'n 'och te pichl n̈achtac sat. In 'em wocn pax 'a scal q'uen stan̈il c'ac'.

Jonás 3:6

A yic xc'och yab'xil jun tic 'a win sreyl Nínive cha, 'ix q'ue wan win 'a sdespacho, xyi'n 'el spichl yic sreyl 'aych yu'uj, ax te n̈achtac sat xya'chi, x'em wocn win 'a scal stan̈l c'ac'.

Mt 13:42

Ax sjulx can 'at eb' 'a yol jun 'icha jorna 'aj 'aych c'ac'. Caw 'oj 'oc' eb' ta', 'oj juch'ch'oc ye eb' yoq'ui.

Mt 22:13

Yuj cha, xyaln win rey chi 'a jun tzo'n̈ eb' smoso 'ayc' yet' ta': Jalc yoc jun winc tic yet' sc'ab', tzeyi'n ati', tze juln can 'at 'a 'aj 'ay q'uic'q'uinal. Ata 'oj 'oc'oc, ax sjuch'ch'i ye yab'n syal ta', xchi winac.

Mt 25:30

Ax win moso may yopiso tic, tz'at e julcn 'at 'a 'aj 'ay q'uic'q'uinal. Ata 'oj 'oc'oc, 'oj juch'ch'oc ye yab'n syail, xchi winac.

Josué 7:6

Yuj cha, 'ix stziln 'el Josué spichl yet' eb' yichm wincal chon̈ab', xlaj sjopn q'ue eb' pococ 'a sjolom yic tzch'oxn 'el eb' scusc'ojlal cha. Xlajw cha, 'ix 'em cumn eb' 'a yojltac 'elt scaxail strato Jehová masnto x'emch quiln sat eb' 'a lu'um, 'ixtan̈ej yaj eb' masnto 'ix 'em c'u.

A Ch'an̈ B'ab'el Libro Samuel 11:4

A yic xc'och eb' checb' chi 'a Gabaa, atn jun chon̈b' chi 'aj cajn 'ec' Saúl, 'ix yaln eb' schecnb'il chi 'a eb' 'anma cajn 'ec' ta'. Yuj cha, 'ix 'oc' chan̈ eb' 'anma chi smasnil.