Ester 3:2 - Chuj San Sebastian Bible

² 'Ix yal win rey to smasnil eb' yajal yet' eb' tz'a'n servil 'a sdespacho, yowlal tz'em cumn eb', tz'em pax n̈ojn eb' 'a yojltac win Amán cha, ax pax win Mardoqueo, ma'ix syiclj jun checnb'il cha.

Chuj San Mateo Bible

² Masanil eb' vin̈ tz'ac'an servil vin̈ rey chi', yovalil tz'em cuman eb' vin̈, tz'empax n̈ojan eb' vin̈ d'a yichan̈ vin̈aj Amán chi', yujto icha chi' ix aj yalan vin̈ rey chi'. Axo pax vin̈aj Mardoqueo chi', max sc'anab'ajejlaj jun checnab'il chi' vin̈.

Ester 3:2 Iomraidhean Croise

Gn 41:43

Xlajw cha, xchecx q'ue José chi 'a yojl jun schab'l scaruaje win rey cha. 'Ix pechx 'el eb' 'anma 'a yol sb'e yic tz'ec' 'a sat eb'. 'Ixta x'aj José chi sq'ue'ch can 'a yopiso 'a sat smasnil eb' 'anma 'a yol yic Egipto.

Ester 2:19

'Ay jun c'ual, 'a yic 'ix molb'tzax jun tzo'n̈ xo eb' 'ix cob'es, ax Mardoqueo 'ayx yopiso 'a sdespacho win rey.

Ester 2:21

A yic 'aych Mardoqueo chi 'a yopiso 'a sdespacho win rey cha, 'ix yab'n spaxtin chawn̈ winc 'aych stan̈malc spuertail jun despacho cha, atn win Bigtán yet' Teres. Caw wal ow ewin 'a win rey, smol aln ewinac tas 'oj yutc ewin smiln cham win rey cha.

Ester 2:5

A 'a chon̈b' Susa cha, ata cajn jun win israel Mardoqueo sb'i, yunnal Jair, yixchicn Simei. Ax Simei cha, cotnc 'a yin̈tl Cis, ax Cis cha, cotnc 'a yin̈tl can Benjamín.

Ester 3:1

'Ix ec' jun tiempoal, 'ix ya'n 'och win rey yopiso win Amán yunnal Hamedata yin̈tl can Agag. A Amán cha, 'ix 'ajx 'och sat yajlil 'a yib'n̈ jun tzo'n̈ xo eb' yajl yaj 'a jun nacion̈ cha.

Ester 3:3

Xlajw cha, sc'anb'n jun tzo'n̈ xo eb' yajl chi 'a Mardoqueo tas yuj matz yiclj jun checnb'il cha.

Ester 3:5

A yic xyiln Amán to caw yel matz 'em cumn Mardoqueo cha, matz 'em pax n̈ojn 'a yojltac winac yic tz'ec' win 'a stz'ey, yuj cha, caw xcot yowlal.

Ester 5:9

Caw tzalj Amán yic x'el paxt 'a 'aj xwa eb' cha, palta a yic xyilni to 'ayc' Mardoqueo 'a spuertail sdespacho win rey, yuj cha, caw wal xcot yowl winac, yujto a yic x'ec' win 'a stz'ey, ma'ix q'ue lin̈njoc, ma'ix 'em n̈ojn pax jac 'a winac.

Salmos 15:4

Eb' tzpatquiln can 'el eb' patcab'il can 'el o'oj, palta yiclum tzyutj sb'a eb' 'a eb' 'ay xiwc'ojlal 'ayach. Matz jel eb' tas tzyala, palta tzyac' 'el'choc eb' sti', wach'xam tzcan eb' 'a yaln̈ yu'uj.

Ex 17:14

Xlajw cha, xyaln Jehová 'ixtc 'a Moisés: —Tz'ib'j can jun tzo'n̈ tic 'a junc u'un̈, sec 'oj naxoc coti. Al 'a Josué chajtlto an 'oj in satl eb' amalecita 'a jun 'ejmn̈ej; man̈x 'a b'a'n̈ 'oj alxoc cot eb', xchi Dios.

Ex 17:16

'Ix yaln pax Moisés chi 'ixtic: Yujto 'ix yij chan̈ Amalec sc'ab' yic xya'n owl yet' Jehová, yuj cha, a Jehová 'oj ya'n̈j owl yet' Amalec 'a smasnil tiempo, xchi Moisés.

Dn 2:49

'Ix sc'ann Daniel yopiso jun tzo'n̈ eb' yitb'eym chi 'a win rey. Yuj cha, xya'n 'och win rey chi yopiso win Sadrac, win Mesac yet' win Abed-nego 'a yol smacb'en Babilonia cha. Ax Daniel ata 'aych yopiso 'a sdespacho win rey cha.

Dt 25:19

Yuj cha, a yic 'oj e colx 'el yuj Jehová qui Diosalec, a eb' 'ajc'ojl oyn 'och 'a sti lum lum 'oj yac' Jehová Dios eyico'oc, yowlal tze satl yab'xil eb' yin̈tl Amalec 'a sat lum lum cha, man̈ eyac' sat e c'ojl 'a jun checnb'il tic.

A Scarta San Pablo D'a Eb' Aj Filipos 2:10

'Ixta yutjnac Dios, sec wach' jantcn̈ej eb' 'ay 'a satcha'an̈, yet' eb' 'ay 'a sat lum tic, yet' pax eb' 'ay 'a yol lu'um, a yic 'oj yab'nc eb' sb'i Jesús, c'uxn 'oj 'em cumn eb' 'a 'a.

A Ch'an̈ B'ab'el Libro Samuel 15:3

Yuj cha, 'ixic, 'ij 'at eb' soldado et'oc, tz'at eya'n owl yet' eb' amalecita cha. Tze satl smasnil tas 'ay 'a eb'. Man̈ 'o'ch e c'ojl 'a eb'. Tze milcn cham eb' winac, eb' 'ix 'ix, eb' 'unin, eb' tz'ulc 'unn tzat 'alji, no wacax, no calnelu, no cameyo yet' pax no b'uru, xchi Samuel.