Ester 3:12 - Chuj San Sebastian Bible

¹² A 'a yic yoxlajn̈il yoch b'ab'l 'uj 'a jun ab'il cha, 'ix 'awtx smasnil eb' yajtz'ib' win rey, ax eb' stz'ib'n jun ley 'ix yac' Amán b'o'oc, yic tz'ajx 'at 'a junjn eb' yajl 'ay 'a junjn niwc chon̈b' 'ay 'a yol smacb'en win rey. A jun ley cha, 'ix tz'ib'x 'a sti', yet' 'a sletra junjn chon̈b'al eb' 'anma', 'ix 'och seyo win rey 'a 'a, yujto locn win 'ix alni.

Chuj San Mateo Bible

¹² Ayic 13 yoch b'ab'el uj d'a yol ab'il chi', ix avtaj masanil eb' vin̈ stz'ib'um vin̈ rey chi' yic stz'ib'an jun ley chi' eb' vin̈ ix yaq'uelta vin̈aj Amán chi', yic sb'at d'a masanil eb' yajal d'a junjun chon̈ab' d'a yol smacb'en vin̈ rey chi'. A jun ley chi' ix tz'ib'chaj d'a sti' yed' d'a sletrail junjun chon̈ab'. Ix och sb'i vin̈ rey chi' d'ay yed' sello vin̈.

Ester 3:12 Iomraidhean Croise

A Ch'an̈ B'ab'el Libro Yic Yab'ixal Eb' Rey 21:8

Xlajw cha, stz'ib'n 'ix jun tzo'n̈ carta 'a sb'i win Acab, xya'n 'ejm 'ix seyo win 'a eb' ch'an̈ carta cha, 'ix ya'n 'at 'ix 'a ewin 'ichmtac winac, yet' 'a eb' yajl 'a jun chon̈b' 'aj cajn win Nabot cha.

Esdras 8:36

Xlajw cha, xca'n ch'an̈ scarta win rey 'a eb' gobernador yet' 'a eb' capitan̈ yaj 'a sc'axpil 'e't a Éufrates. Ax x'aji xcolwj eb' 'ayn̈ on̈, locn xo pax eb' scolwj quet' 'a yatut Dios.

Ester 1:22

Xlajw cha, xya'n 'at win scarta 'a junjn niwc chon̈ab', 'ix tz'ib'x 'at 'a sti junjn chon̈ab'. 'Ix yaln 'at win 'a ch'an̈ scarta cha, chajtlto 'ay cab' yel'ch eb' winc 'a yol yatut, a cab' eb' tzalni tas smoj tzb'o'i.

Ester 3:11

'Ix yaln win rey chi 'a win 'ixtic: —A q'uen plata cha, can cab' q'uen 'ayach, palta a eb' 'anma 'ix al cha, tztac' a b'on tas tza nib'j 'a eb', xchi win rey chi 'a Amán.

Ester 8:2

Xlajw cha, xyi'n 'elt win rey q'uen colc'ab' 'aj 'aych seyo, atn q'uen xyijcan 'ec' win 'a win Amán, xya'n win q'uen 'a Mardoqueo. Ax jun tzo'n̈ tas 'ay 'a win Amán x'ajx yico'oc 'ix Ester, xya'cn 'ix 'a yol sc'ab' Mardoqueo yic tzya'n cuenta winac.

Ester 9:27

a chi 'ix sb'eylb'ej eb' israel chi yet' yin̈til, yet' pax smasnil eb' tzya'ch sb'a israelal yet' eb'. Yowlal tzna eb' chab' c'u q'uin̈ chi 'a junjn ab'il, 'icha 'ix 'aj yalxcani.

Dn 3:10

Ach 'ix ac' 'elt jun ley, chajtlto a smasnil 'anma', a yic tzyamn 'och yoc' jun tzo'n̈ yamc'ab' tzc'anlb'ax sonal, a yic cha, yowlal tz'em cumn eb' smasnil, tzya'n 'ejm sb'a eb' 'a jun yechl nab'a oro 'ix ac' b'o'oc.

Dn 6:12

Wal 'a yajn̈ej x'at eb' 'a win rey, xyaln eb' yuj jun ley alb'ilx 'el cha, xyaln eb' 'a win 'ixtic: —Mamin rey, totn 'ix ac' alxoc 'el jun ley, chajtlto tzann̈j mach tzyal sb'a 'a sdiosal, mto 'a junc xo comn 'anma 'a jun 'ujl tic, toto man̈oc 'aych tzyal sb'a, tojln̈ej sjulx 'ejm 'a yol yet'l e no león 'aj 'ayq'ui, xchi eb'. 'Ix ta'w win rey chi 'ixtic: A jun ley cha, 'ixtnta ton yaji, yowlal tzyiclxi, a tzyal yaln qui leyl an̈ Media yet' an̈ Persia on̈ tic, caw man̈xtzac 'ec' jun ley cha, xchi winac.

Dn 6:15

A yic wan xo yem c'u, 'ix c'ochx oyn̈joc eb' winc chi 'a yojltac win rey, xyaln pax eb' 'a win 'ixtic: —Ojc wal si'mb'il mamin rey, to a qui leyl an̈ 'aj Media yet' an̈ 'aj Persia on̈ tic, chajtlto a junc ley mto junc paxti tox 'ix yac' win rey sfirma 'a 'a, caw man̈xtzac stac' yeq'ui, xchi ewinac.

Dn 6:25

Xlajw cha, stz'ib'n 'at win rey Darío scarta 'a smasnil eb' 'anma 'a junjn nacion̈, yet' 'a junjn ti'al, xyaln 'at win 'ixtic: Tic tzwa't stzatzl e c'ojol, 'ay cab' e junc'ojlal.

Dn 6:8

A ticnec jun mamin rey, 'ac' a firma 'a jun ley tic, sec wach' may junc mach tztac' sjelni, a tzyal yaln qui leyl an̈ 'aj Media yet' an̈ 'aj Persia on̈ tic, to man̈xtzac 'ec' jun ley cha, xchi eb'.