Ester 3:1 - Chuj San Sebastian Bible

¹ 'Ix ec' jun tiempoal, 'ix ya'n 'och win rey yopiso win Amán yunnal Hamedata yin̈tl can Agag. A Amán cha, 'ix 'ajx 'och sat yajlil 'a yib'n̈ jun tzo'n̈ xo eb' yajl yaj 'a jun nacion̈ cha.

Chuj San Mateo Bible

¹ Ix lajvi yec' juntzan̈ chi', ix yac'anoch yopisio vin̈aj Amán yuninal vin̈aj Hamedata yin̈tilal vin̈aj Agag vin̈ rey chi'. Ix ac'jioch vin̈ sat yajalil d'a juntzan̈xo eb' vin̈ yajal d'a yol smacb'en vin̈ rey chi'.

Ester 3:1 Iomraidhean Croise

Gn 41:40

Ach tzach wa'ch yajlilc 'a in despacho tic. Smasnil eb' in chon̈ab', 'oj syiclc eb' tas 'oj ala', cojxn̈ej in niwn wel'ch 'a eb'an̈, yujto rey in.

Gn 41:55

A 'a yic x'el yich wejl 'a smasnil yol yic Egipto, til wal sc'och eb' 'anma 'a win rey yuj wejl cha, xyaln win rey 'ixtc 'a eb': 'Ixquec 'a José, a smasnil tas tzyal 'ayex, a tzeyiclej, xchi winac.

Esdras 7:14

Yujto an reyn tic yet' eb' ucwn̈ ya'mal 'och in nab'en, tzach ca't ela', chajtl wal yaj Judá yet' Jerusalén, tzam yiclx sley a Diosal 'aycn 'a yol a c'ab'.

Ester 3:10

Xlajw cha, 'ix yi'n 'elt win rey scolc'ab' 'aj 'aych seyo, 'ix ya'n 'a win Amán, win 'ajc'ojl yajch 'a eb' israel.

Ester 5:11

'Ix syamn 'och sb'an̈n sb'a 'a sat eb', yujto caw wal rico win si'mb'il, caw niwn pax yunnal winac. 'Ix yaln paxi to 'ix si'x 'elt yuj win rey 'a scal jun tzo'n̈ xo eb' 'aych yajlil yet'oc, 'ix 'ajx 'och wal yopiso sat yajlil 'a yib'n̈ jun tzo'n̈ xo eb' cha.

Ester 7:6

—A jun 'ajc'ojl tu snab'en cha, atn ton win Amán tic, xchi 'ix. A wal yic xyab'n win Amán jun paxti cha, caw wal sacb'el sat win yuj xiwlal 'a yojltac win rey yet' 'a yojltac 'ix reina Ester.

Ester 8:3

Xlajw cha, x'atx Ester chi paxtinc yet' win rey jun 'ejm xo. X'em cumnjoc sc'ochx 'a yojltac winac, syamn 'och 'ix yoq'ui, 'ix yaln 'ix 'ixtic: Mamin rey, comnoc to tzsatx 'el jun ley caw tu sb'ojnac win Amán yin̈tl Agag, comnoc matz 'el'ch tas tzyal chi 'a yib'n̈ eb' wit israelal, xchi.

Salmos 12:8

A eb' tzlaj b'on maysch'olnil cha, tzanxn̈ej 'aj tzlaj sb'an̈ sb'a eb' yujto tzlaj tzalj eb' 'anma yet' tas maysch'olnil.

Pr 29:2

A yic tz'och eb' tojl snab'en 'a yopiso, caw wal tzalj eb' 'anma'; palta a yic tz'och eb' maysch'olnil yajlil, caw wal tzcus eb' 'anma cha.

Ec 10:6

Yujto a eb' may snab'en, a eb' tz'ajx 'och 'a junc 'opiso niwn yel'chi, ax eb' rico, a jac comn 'opiso tz'ajx 'a eb'.

Dn 6:2

Xya'n pax 'och win 'oxwn̈ xo eb' gobernador yel xo niwn yel'ch yopiso 'a yib'n̈ jun tzo'n̈ xo eb' gobernador cha, yuj yiln eb' yet' stan̈wni eb' smasnil tas, sec tz'acn tz'aj yajx smasnil tojlb'al 'a win rey cha. A 'a scal eb' 'oxwn̈ tic, ata 'aych Daniel.

Nm 24:7

A 'aj 'ayc' chon̈b' Israel cha, caw wal 'ay a a wach' yu'n eb' 'anma', wach' pax ya'n 'och eb' yalil tas tzyawej. A sreyl eb', 'ec'b'al 'a yib'n̈ rey Agag. Caw wal niwn tas tztac' yuj jun sreyl eb' cha.

A Ch'an̈ B'ab'el Libro Samuel 15:33

'Ix yaln Samuel 'ixtc 'a winac: —Yuj q'uen espada, yuj cha, til wal 'ix 'ix cann̈c 'a to man̈x 'a yune'. 'Icha wal 'ajnc can eb' 'ix chi o'oj, 'ixta wal 'oj 'ajcn a nun 'a scal eb' 'ix yit 'ixal, xchi. Yajn̈j cha, 'ix scotc tzu'n 'at Samuel chi win Agag 'a yojltac Jehová 'a chon̈b' Gilgal.

A Ch'an̈ B'ab'el Libro Samuel 15:8

'Ix syamn cot eb' win Agag sreyl Amalec xyi'n can 'at eb'; ax smasnil eb' 'anma cajn 'a jun chon̈b' cha, 'ix tzu'x can cham eb'.