Ester 2:17 - Chuj San Sebastian Bible

¹⁷ Yel xo wal xchamc'ojlax 'ix Ester chi yuj win rey cha. May xon junc 'ix 'aj 'ay schamc'ojlal win 'icha xyutj schamc'ojlan win 'ix Ester. Yel xo niwn swach'c'ojlal win 'a 'ix 'a yib'n̈ jun tzo'n̈ xo eb' 'ix cob'stac cha. Yuj cha, xya'n q'ue win jun corona yic reyl 'a sjolm 'ix. Xlajw cha, xya'n can 'och win 'ix reinail sjelc 'ix Vasti.

Chuj San Mateo Bible

¹⁷ Yelxo val te xajan ix Ester chi' yuj vin̈ rey chi'. Malaj junocxo ix te xajan yuj vin̈. Te nivan svach'c'olal vin̈ ix sch'ox d'a ix d'a yichan̈ juntzan̈xo eb' ix cob'estac chi'. Yuj chi' ix schec vin̈ ac'chajq'ue jun corona d'a sjolom ix. Ix lajvi chi' ix yac'ancanoch ix vin̈ reinail sq'uexuloc ix Vasti.

Ester 2:17 Iomraidhean Croise

Ester 1:11

yic tz'at yi'nc cot ewin 'ix reina Vasti 'a yojltac win rey. Tznib'j win to tzjaw 'ix yet' scorona to caw tzwetzwni, yic tzch'oxn pax 'el 'ix swach'l yilx 'a sat smasnil eb' 'anma', yet' 'a sat smasnil eb' niwc yajal, yujto caw wal wach' yilx 'ix.

Ester 2:16

A 'a yic slajn̈il 'ujal, 'a jun 'uj Tebet sb'i, 'a yic yucl ab'il xo yoch win Asuero reyal, ata 'ix 'ijx 'at 'ix Ester 'a win rey, yic tz'at 'ix wayc yet' winac.

Ester 4:14

Toto mayn̈ej tas 'oj al ticnec, toto 'ixta', 'ajmn̈ej 'oj cot junc qui colmalec an̈ israel on̈c tic, palta ach xo tic yet' smasnil eb' ecan, c'uxn 'oj qui satli. Toq'ue yuj jun yailal tic, ach si'x 'och reinail yic tzon̈ a coln 'eli, xchi Mardoqueo cha.

Ester 6:8

to tz'ijx cot junc a pichl tza c'an 'a opiso tic mamin rey, yet' pax no 'a chej tza c'anlb'ej xoni, ax 'a sjolm no', ata tz'ajx q'ue junc 'icha corona yelwnub'loc no', yic tzch'oxn 'eli, to ec no'.

Pr 21:1

A snab'en eb' rey, a 'a yol sc'ab' Jehová 'ayq'ui, a tz'i'n b'ey snab'en eb' 'icha tzyac' junc a a tzjelx sb'e 'aj tzb'eyi.

Ez 17:24

Ax smasnil te niwc te', 'oj yojcoc 'el eb' te', to an ton Jehová in. An tzwac' ch'acxoc 'el te niwquil te cha, ax te tzapn ste'il, a te tzwac' q'uib'oc. An tzwac' tacjoc eb' te', an pax tzwac' yaxb'oc te wan stacji. An tzwal jun tzo'n̈ tic, to 'oj wac' 'el'choc, xchi Dios.

A Ch'an̈ B'ab'el Libro Samuel 2:8

Ach tzej chan̈ eb' meb'a', tze'n pax chan̈ eb' c'anm limosna, sec tz'och yopiso eb' yet' eb' niwc winac. Yujto Jehová ach, ach 'ay ec jun tzo'n̈ sb'achnub'al yich lum lum tic, ach 'ix a b'achcn q'ue jun yolyib'n̈q'uinl tic 'a yib'an̈.