Ester 2:16 - Chuj San Sebastian Bible

¹⁶ A 'a yic slajn̈il 'ujal, 'a jun 'uj Tebet sb'i, 'a yic yucl ab'il xo yoch win Asuero reyal, ata 'ix 'ijx 'at 'ix Ester 'a win rey, yic tz'at 'ix wayc yet' winac.

Chuj San Mateo Bible

¹⁶ Ayic slajun̈il uj, d'a jun uj scuchan Tebet, ayic yuquil ab'il yoch vin̈aj Asuero reyal, ata' ix ic'chajb'at ix d'a spalacio vin̈ yic svay ix yed' vin̈.

Ester 2:16 Iomraidhean Croise

Esdras 4:6

Pecti x'el yich jun snab'en eb' cha yic 'ix schan 'el Asuero yich ya'n reyal, 'ix stz'ib'n pax 'at eb' 'ajc'ojl chi smul eb' cajn 'a Judá yet' 'a Jerusalén yic tz'ajx queja eb' 'a winac.

Esdras 7:8

'Ix colwj Dios yet' winac, yuj cha, 'ix paxt 'a Babilonia 'a yic b'ab'l c'u yic b'ab'l 'uj yic yucl xo ab'il yoch Artajerjes reyal. 'Ix jaw 'a Jerusalén 'a b'ab'l c'u yic yol 'uj yoch yucl ab'il cha.

Ester 2:1

'Ix 'ec' junc tiempoal, 'ix sicb' yowl win rey Asuero cha, 'ix snan cot win 'ix Vasti yuj tas sb'ojnac, yet' pax yuj ley tox x'ajx 'el 'a yib'n̈ 'ix.

Ester 2:15

Ax x'aji, a yic xjaw stzol-l yic 'ix Ester, 'ix yisl win Abihail yican Mardoqueo, yic tz'at 'ix wayc yet' win rey, cojn wal tas 'ix yal Hegai win yilmal eb' 'ix 'ix, cojn chi xyij 'at 'ix. Caw wach' 'ix Ester chi 'a sat smasnil eb' tztan̈wni 'ix.

Ester 2:17

Yel xo wal xchamc'ojlax 'ix Ester chi yuj win rey cha. May xon junc 'ix 'aj 'ay schamc'ojlal win 'icha xyutj schamc'ojlan win 'ix Ester. Yel xo niwn swach'c'ojlal win 'a 'ix 'a yib'n̈ jun tzo'n̈ xo eb' 'ix cob'stac cha. Yuj cha, xya'n q'ue win jun corona yic reyl 'a sjolm 'ix. Xlajw cha, xya'n can 'och win 'ix reinail sjelc 'ix Vasti.

Ester 2:3

Si' cab' win rey tic junjnoc schecb' 'a junjn niwc chon̈ab' 'a yol smacb'en, yic wach' a eb' tz'i'n cot smasnil eb' 'ix cob'stac 'ix to caw wach' yilxi. Jaw cab' eb' 'ix 'a yatut win rey 'a Susa tic. Tz'ochcn eb' 'ix 'a yol sc'ab' win Hegai, atn win tztan̈wni eb' 'ix yistl win rey, ax win tzb'on yilx eb' 'ix.

Ester 8:9

Wal 'a yajn̈ej 'ix 'awtx cot smasnil eb' yajtz'ib' win rey. A 'a yic 23 yoch yoxl 'uj atn 'a jun 'uj tzcuch Siván. Smasnil tas xyal Mardoqueo, 'ix tz'ib'x 'at 'a smasnil eb' israel, 'a eb' gobernador, 'a eb' capitan̈, yet' pax 'a smasnil eb' yajl 'a 127 niwc chon̈b' macb'il yuj win rey cha, tz'atn̈j 'a India masnto 'a Etiopía. 'Ix tz'ib'x 'at 'a sti', yet' 'a sletra junjn chon̈ab'. An̈jtona 'ix tz'ib'x 'at 'a sti eb' israel cha.